उखैनाय थाखो 4 फरा 4 बिथ’राइ सोंनाय फिननाय | Ukhwinai Class 4 Lesson 4 Bodo Question and Answer.
उखैनाय
बे उखैनाय आयदाया आसाम हादोरसानि सिंआव सोलिगासिनो थानाय थाखो 4 नि बिथ’राइ आयदानि 4 थि फरा एबा आयदानिफ्राय लानाय जादों। बे आयदानि हारोंथाइफोरा जाबाय –
✪ खन्थाइ खोनासंना फरायना बुजिनानै आवरायनो हानाय
✪ फरागुदियारि सोंनाय-फिननाय बुंनो आरो लिरनो हानाय
✪ फेस्ला खन्थाइ फरायनानै मोजां मोननाय आरो बे रोखोमनि गुबुन फेस्ला खन्थाइ फरायनो गोसो जानाय
✪ सानखांनाय गोहो गेवसारनाय आरो खन्थाइ लिरनो गोसो जानाय
✪ खबाम आरिनि गियान मोननाय
✪ जायगानि जामुनि बागै मिथिनाय
✪ डाकनि बोसोनजों सिनायथि जानाय आरो गुबै राव बेखेवना लिरनो हानाय
✪ आ दाजाबनानै नङि सोदोब दानो सोलोंनाय आरो दानो हानाय
✪ मोनसे सोदोबआव फोरमायना लिरनो हानाय
✪ रोखोमसे सोदोबनि गुबुन गुबुन औथि मिथिनाय
उखैनाय
उखैयाखै आंहा
जेबो जाया आं,
दंबोला नाथाय हर
सौराइ मोजां ।
नाङा आंनो गाइखेर
गाइखेर खर’ मोनोबोला,
नाङा आंनो गोदै सिनि
गुर मेथाइ मोनोबोला ।
गैयाबोला थालिर सिनिसाम्फा
आथिया थालिरब्लाबो जागोन,
गोसो होथाब होथाब जानानै
बेजोंनो आं गोजोनगोन ।
दिनै फैयाखैब्ला
दन्द्रा बोलोगोरा,
बिनि थाखाय दोनखा
बुथारना दाउज्ला बेहेरा।
फिथाया दंमोन
इसिंनि आथालाव,
नागिरब्ला मोनगोन
गुरखौबो इसिं खनायाव।
ना गोरान संदोंनो
सबाइ खारैजों
बेखौनो लाबोदो
जानोसै गोसो खुसिजों।
(खन्थाइगिरि नवकान्त बरुवानि ‘लघ ‘न’ खन्थाइनि साया लाना सुजुनाय)
मावफारि
उखैनाय थाखो 4 फरा 4 बिथ’राइ सोंनाय फिननाय | Ukhwinai Class 4 Lesson 4 Bodo Question Answer
क – फरगुदियारि
खन्थाइखौ गेबें आरो रोखा-रोखायै आवराय ।
फिननाय हो ।
(क) उखैनाय खन्थाइयाव मा मा जाग्रा मुवा फोरमायदों ?
फिनः उखैनाय खन्थाइयाव सौराइ, गाइखेर, सिनि, गुर मेथाइ, थालिर सिनिसाम्फा, आथिया थालिर, दाउज्ला बेहेरा, फिथा, गुर, नागोरान, सबाइ खारै जाग्रा मुवाफोरखौ फोरमायदों।
(ख) उखैनाय सोदोबनि ओंथिया मा?
फिनः उखैनाय सोदोबनि ओंथिया जेबो जायालासिनो थानाय।
(ग) बोलोगोरा बुङोब्ला मा बादि सासे मानसिनि सावगारि नोंनि गोसोआव जाखाङो ?
फिनः बोलोगोरा बुङोब्ला गोजौ दिदिर बादि सासे मानसिनि सावगारि जाखाङो।
उखैनाय खन्थाइजों सोमोन्दो लाखिनानै क-बाहागोनि बाथ्राफोरजों ख-बाहागोनि बाथ्राफोरखौ गोरोबहोनानै लिर।
फिनः
1. दंबोला नाथाय हर – सौराइ मोजां
2. ना गोरान संदोंनो – सबाय खारैजों
3. गैयाबोला थालिर सिनिसामफा – आथिया थालिरब्लाबो जागोन
4. बिनि थाखाय दोनखा – दाउज्ला बेहेरा
5. बेखौनो लाबोदो – जानोसै गोसो खुसिजों
‘उखैनाय’ सोदोबनि ओंथिया ‘उखैनाय’ खन्थाइजों गोरोबदोंना ? गोरोबाखैब्ला बबेयाव गोरोबाखै लिर।
फिनः उखैनाय’ सोदोबनि ओंथिया ‘उखैनाय’ खन्थाइजों गोरोबाखै।
उखैनायनि ओंथिया गोबाव सम जायालासिनो थानायखौ बुजायो नाथाय बे उखैनाय खन्थाइयाव खन्थाइगिरिया उखैयाखै होननानै बुंदों।
गाहायाव मख ‘नाय बेसादफोरनि बागै हान्जायाव सावरायनानै लिरसुंथाइ लिर।
(क) गुर मेथाइ
फिनः गुर मेथाइ- गुर मेथाइया खुसेरजों बानायजानाय मोनसे गोदै जाग्रा मुवा। बेखौ सिथाव,लारु, फिथा, नालेंखर लादु बाइदि जाग्रा मुवा बानायनायावबो बाहायनाय जायो।
(ख) सौराइ
फिनः सौराइः सौराइखौ माइब्रा माइरंनिफ्राय बानायनाय जायो। सौराइखौ गुबैयै दमासि बोथोराव बांसिन जानाय जायो। सौराइ सावनो माइब्रा माइरंखौ हरसे सोमनानै दोनना अखानायै एवनानै जायो।
(ग) आथिया थालिर
फिनः आथिया थालिरः आथिया थालिर बिफांआ जोबोद गोजौ गोजौ आरो गिदिर। आथिया थालिरनि फिथाइयाबो गिदिर गिदिर। आथिया थालिरनि मादा आरो मैखुनखौ ओंख्रि संना जायो। थालिर बिफांनि बिख’खौ फोराननानै खारैबो बानायो।
(घ) सबाइ खारै
फिनः सबाइ खारैः सबाइ खारैया सबाइ मारा होनानै थालांनाय बिफां थुख्राखौ सावनानै बानायो। बे सबाइ खारैखौ अनला ओंख्रि, नारजि ओंख्रि बायदि खारै होनानै संजानाय ओंख्रियाव बर’फोरा बाहायो।
ख – राव फरायसंनाय (बाहायारि रावखान्थि)
बिदिन्थियाव होनाय बादियै गाहायनि थाइजाफोरनि नङा फोरमायनाय महरखौ लिर ।
फिनः
उखै + आ = उखैया
जा + आ = जाया
नां + आ = नाङा
फै + आ = फैया
लु + आ = लुवा
गाहायनि सोदोबफोरनि नङा फोरमायनाय महरखौ लिर।
सु + आ =सुवा
गोजां + आ =गोजाङा
खार + आ =खारा
जो + आ =जोआ
खुबै + आ =खुबैया
सै + आ =सैया
मोनसे सोदोबआव फोरमाय
(क) बिनानै जाग्रा मानसि
फिनः बिबायारि।
(ख) ओंखाम संग्रा न
फिनः इसिं।
(ग) खामानि मावनो मालायनियाव थाग्रा मानसि
फिनः रुवाथि।
(घ) माइ दोनग्रा न
फिनः बाख्रि।
(ङ) हाल एवग्रा मानसि
फिनः हालुवा।
गाहायनि सोदोबफोरखौ बाहायनानै ओंथिनि फारागखौ फोरमायनो हानाय बादियै बाथ्रा दा।
हर- (सोरनोबा माबा हरनाय) – आं बिनो फेन्सिलखौ हरबाय।
हर- (सान हाबनायनि उन) – आफाया स’फैनायाव हर जागोन।
हर- (आलायना लानाय) – बिरखांआ फाफ्लियाव जलंगा गांसे हरनानै लादों।
सं – (इंख्रि आरि संनाय) – आइया ओंखाम संदों।
सं– (नागिरनाय, लामा संनाय आरि) – थांना थानायनि राहा लामा संना लानांगौ।
जा – (खुगाजों जानाय) – आं ओंखाम जायो।
जा – (माबा खामानि जानाय) – आं फोरोंगिरि जानो गोसो।
खा – (फिथाइ आरि बिफांनिफ्राय खानाय) – लाइस्रिया थाइजौ फिथाइ खादों।
खा – (दुरुंजों खानाय) – मोसौखौ दुरुंजों खादों।
जो – (आथिंजों जोनाय) – बालखौ जों जोयो।
जो – (बेरे, मोज्लाइ आरि जोनाय) – बेरे बाहाखौ दाङोब्ला बेरेया जोयो।
जो – (जो आथोन फोरमायग्रा दाजाबदा) – लाइस्रिया मोदाइजो बाइदि महरगोसा।
हम – (आखाइजों हमनाय) – जिबौखौ आखायजों हमनो नाङा।
हम – (दैहु आरियाव खफ ‘जों हमनाय) – फिथाखौ दैहुआव हमो।
हम – (साथा हमनाय) – अखा हायोब्ला साथा हमो।
खन्थाइयाव सौराइ, गुर मेथाइ, फिथा, सबाइ-खारै इंखि आरिनि बाथ्रा मोनदों। बेफोरबादिनो मा मा बेसादखौ एवो, सङो, सावो, बेनि मोनसे फारिलाइ बानाय।
फिनः
सौराइ, बुद, साना, बुदखाला, बादाम, मतर, जुखाम , आलु – एवनानै जायो।
सबाइ, अनला, ओंखाम, दालि, नारजि, बेदर, खफि, मुला – संनानै जायो।
ना, बेदर, जुखाम, थमेत, फान्थाव, खांख्राइ, गुमा, खुसेंग्रा – सावनानै जायो।
ग – गियान फेहेरनाय
आलुखौ एवनानै जानो जोबोर गोथाव। आलुखौ एवनानै जानायनि अनगायैबो नों मा मा रोखोमै जाफेरबावदों ?
फिनः आलुखौ एवनायनि अनगायैबो आं संनानै, रुनानै, मेनानै जायो।
सिनिसाम्फा आरो आथिया थालिरनि अनगायै आरो मा मा थालिरनि मुं मिथिगौ लिर।
फिनः मालभग, मनुवा, थालिर हाइथा , दालिर दावखा आरो जेतमुनि।
ओंखाम गोजांजों ना सावनाय बाथोनजों होननानै बुंबोला खुदै र’ गयो। मा मा बेसादखौ अरखियाव सावनानै एबा हांनानै जायो लिर।
फिनः ना, बेदर, जुखाम, थमेत, फान्थाव, खांख्राइ, गुमा, खुसेंग्रा आरिखौ सावनानै जायो।
जों बर’फोरा फुङाव आरो बेलासियाव साहाजों माबा माबि जामुं जाफायो। जों सौराइ फिथा, माइब्रा ओंखाम हमनाय आरि जायो। दानिया बाजाराव गोथाव गोथाव गोबां जाग्रा बेसाद ओंखारदों। नाथाय नोंलाय साहाजों मा मा जायो ?
फिनः बिसकुत, फिथा, सिंग्रा, दावदै, स्लाइस, बरा, सौराइ, सिथाव आरि जायो।
सोर मा जायो नायनानै सिनाय। ना जाग्राफोरनि मोदोमाव सोमखोर, थालिर जाग्राफोरनि मोदोमाव गोजा, मोननैखौबो जाग्राफोरनि मोदोमाव गोथां आरो मोनसेखौबो जायिफोरनि मोदोमाव गोमो गाब हो ।
फिनः
ना जाग्राफोर – मानसि, ना लांखारग्रा, मथाम, दाउब’, माउजि, हांसो, हादिदग्ला।
थालिर जाग्राफोर – मैदेर, मानसि, बादामालि, मोख्रा।
मोननैखौबो जाग्रा – मानसि।
मोनसेखौबो जायि – मोसा, दाउस्रि, सियाल, फारौ।
गुवारै लिर-
खेबज्रिदगासे आरजिगोन, गोदोनासे जागोन
निखावरि जागोन जाय, बेनिनो नेरसोन।
फिनः
घ -मावथांखि
• नोंनि ननि गेदेर मानसिनियाव सोंनानै मोनथाम डाकनि बोसोन बुथुम आरो बै मोनथामनिबो ओंथिखौ गुवारै लिर।
• गाहायनि बाथा फांथेखौ सिफाय आरो बे रोखोमनि बाथा फांथे लिरनो नाजा-
मा नायदों आंखौ मन ‘गोन नोंखौसो नायगोन आंखौ लांगोन नोंखौसो बिदिब्ला बुंदो आं सोर जाखो ?
फिनः सेन।
• सावगारि बोनि फै (नायै नायै गावनि लेखायाव बो)
✪ उखैनाय आयदानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु