सोरथाथाइ बिखान्थि class 5 lesson 2 आबहावा सोंनाय फिननाय Swrthathai Bikhanthi class 5 lesson 2 evs bodo medium question answer,
सोरथाथाइ बिखान्थि
बे सोरथाथाइ बिखान्थि आयदाया आसाम हादोरसानि सिंआव सोलिगासिनो थानाय थाखो 5 नि आबहावा आयदानि 2 थि फरा एबा आयदानिफ्राय लानाय जादों। बे आयदानि हारोंथाइफोरा जाबाय –
✪ सोरथाथाइ बिखान्थिनि सोमोन्दै बुजिनो मोनगोन।
✪ दिहुनग्रा, सेथि थाखो, नैथि थाखो, थामथि थाखोनि बाहायग्रा आरो फेसेवग्रानि सोमोन्दै बुजिनो मोनगोन।
✪ फुख्री आरो गांसोनि सोरथाथाइ बिखान्थियाव थानाय दिहुनग्रा आरो बाहायग्रानि गावजोंगावनि सोनार लायनाय सोमोन्दै बुजिनो मोनगोन।
✪ आदार जिनज्रिनि सोमोन्दै बुजिनो मोनगोन।
फराइ बिजाबाव थानाय गोनां बानबुंथाइ (Quotation)
जिबियारि आरो जिबियारि नङिथादेरसानि गावजोंगावनि सोनारलायनायानो सोरथाथाइ बिखान्थि दायो ।
उनसोलोंथि
सोरथाथाइ बिखान्थि class 5 lesson 2 आबहावा सोंनाय फिननाय Swrthathai Bikhanthi class 5 lesson 2 evs bodo medium question answer,
फरा बिजाबनि सोंनाय आरो फिननाय
1. फिननाय लिर –
(क) आबहावानि जिबियारि आरो जिबियारि नङि थादेरसाफोरा मा मा ?
फिनः आबहावानि जिबियारि थादेरसाफोरा जाबाय- लाइफां, जिउनां, दाउमा-दाउसा आरो जिबसा। जिबियारि नङि थादेरसाफोरा जाबाय- बार, दै, हा, बिदुं, सोरां बायदि बायदि।
(ख) लाइफांखौ दिहुनग्रा होनना मानो बुंनाय जायो ?
फिनः लाइफाङा गावनि आदारखौ गावनो थियारि खालामना लानायनि थाखाय लाइफांखौ दिहुनग्रा होनना बुंनाय जायो।
(ग) बाहायग्राया मोनबेसे रोखोमनि आरो मा मा ?
फिनः बाहायग्राया मोनथाम रोखोमनि बेफोर जाबाय- गुदि बाहायग्रा, गेजेरारि बाहायग्रा आरो थामथि थाखोनि बाहायग्रा।
(घ) फेसेवग्राया जोंखौ माबादियै हेफाजाब खालामो ?
फिनः फेसेवग्राया लाइफां एबा जिउनां थैनायखौ सेवहोलांनायाव हेफाजाब होयो। बे सेवलांनाय बाहागोफोरा हायाव गोरोबनानै जिबियारि हासार सोमजिहोयो। बेबादिनो फेसेवग्राया जोंखौ हेफाजाब खालामो।
(ङ) मोनथाम सोरथाथाइ बिखान्थिनि मुं लिर।
फिनः मोनथाम सोरथाथाइ बिखान्थिनि मुंआ जाबाय- आबाद फोथार, फुख्रि आरो अरनबारि।
2. लांदां जायगाखौ सुफुं –
(क) साम’आ जाबाय …………….. बाहायग्रा।
फिनः साम’आ जाबाय गेजेरारि बाहायग्रा।
(ख) मोनसेनिख्रुइ गोबां …………….. गोरोबना आदारजे सोमजियो।
फिनः मोनसेनिख्रुइ गोबां आदार जिनज्रि गोरोबना आदारजे सोमजियो।
(ग) सिख्रा बाजोआ जाबाय …………….. थाखोनि बाहायग्रा ।
फिनः सिख्रा बाजोआ जाबाय थामथि थाखोनि बाहायग्रा ।
(घ) आदारजेयाव मोनसेनिखुइ …………….. आदार जिनज्रि थायो।
फिनः आदारजेयाव मोनसेनिखुइ बांसिन आदार जिनज्रि थायो।
3. गेबें फिननायखौ सायख’ –
(क) आदारजिनज्रिनि गुदियाव अरायबो लाइफां / जिउनां/ जिवसा थायो।
फिनः आदारजिनज्रिनि गुदियाव अरायबो लाइफां थायो।
(ख) फेसेवग्रा /दिहुनग्रा / बाहायग्राया गावनो आदार दायो।
फिनः दिहुनग्राया गावनो आदार दायो।
(ग) दिहुनग्राया /फेसेवग्राया /बाहायग्राया गोथै देहाखौ गलिना सेवनायाव हेफाजाब खालामो ।
फिनः फेसेवग्राया गोथै देहाखौ गलिना सेवनायाव हेफाजाब खालामो ।
4. आदारजेया मा? बिदिन्थिजों लोगोसे बुजायना लिर।
फिनः गोबां आदार जिनज्रिनि जथाइयानो जादों आदारजे। जेरै – लाइफांखौ गुमाया जायो, गुमाखौ एम्बुआ जायो, एम्बुखौ जिबौआ जायो आरो जिबौखौ सिख्रा बाजो दाउआ जायो।
5. फुख्रिया मोनसे सोरथाथाइ बिखान्थि नंगौना जुक्ति होनानै बुजायना लिए।
फिनः फुख्रिया मोनसे सोरथाथाइ बिखान्थि नंगौ। मानोना फुख्रियाव थानाय लाइफांफोरा साननि सोराङाव आदार दिहुनो। बेफोर आदारखौ फुख्रियाव थानाय गोबुन गुबुन रोखोमनि एम्फौ एनला, फिसा ना, साम’ आरिफोरा जायो। आरो बेफोर फिसा जिबफोरखौ गेदेर ना, एम्बु खांख्राइ आरिफोरा जायो आरो बेसोरखौ दाउब’, नां लांखार बायदिया जायो। बेनिखायनो फुख्रिया मोनसे सोरथाथाइ बिखान्थि।
6. सोरांबिजिरख’दानाय होनोब्ला मा बुजियो ?
फिनः सोमखोर लाइफाडा साननि सोराङाव बिलाइयाव गोथां सेरेफ थानायलाय बारनिफ्राय नाजावनाय कार्बन-डाइ-अक्साइड गेस आरो रोदाया सोबखांना लानाय दैनि हेफाजाबाव आदार बानायो बेखौनो सोरां बिजिरख ‘दानाय बुङो।
7. फारागथि लिर-
(क) दिहुनग्रा आरो फेसेवग्रा
फिनः दिहुनग्राया गावनो आदार दायो नाथाय फेसेवग्राया थैनाय जिबियारि थादेरसाफोरखौ सेवहोलाङो।
(ख) गांसो जाग्रा आरो बेदर जाग्रा जिउनां।
फिनः गांसो जाग्रा जिबा गांसो जानानै थांना थायो नाथाय बेदर जाग्रा जिउनांआ बेदर जानानैसो थांनानै थायो।
(ग) आदारजिनज्रि आरो आदारजे।
फिनः आदार जिनज्रियाव मोनसे जिबा गुबुन मोनसे जिबखौ जानानै थांना थायो नाथाय आदारजेयाव मोनसे आदारखौनो गुबुन गुबुन जिबा जानानै थांना थायो।
8. सोरथाथाइ बिखान्थियाव सेथि थाखोनि बाहायग्राफोरा गोमालाङोब्ला मा जागोन ?
फिनः सोरथाथाइ बिखान्थियाव सेथि थाखोनि बाहायग्राफोरा गोमालाङोब्ला गुबु नैथि आरो थामथि थाखोनि बाहायग्राफोराबो आदारनि आंखालाव गोमालांगोन। बेदिनो आदारनि सोलाइ सोल’नि जाउनाव सोरथाथाइ बिखान्थियाबो सोलाय सोल’ जागोन।
9. आदारजेया मानो सोमजियो ?
फिनः मोनसे रोखोमनि जिउनाङा मोनसेनिख्रुइ बांसिन आदार जिन्ज्रियाव बाहागो लानायनि जाउनाव आदारजेया सोमजियो।
10. हायाव गोग्लैना थानाय गोथै जिबफोरा मानो गलिना सेवलाङो ?
फिनः हायाव गोग्लैना थानाय गोथै जिबफोरा बेक्टेरिया आरो मैखुनफोरनि जाउनाव जिबफोरा गलिना सेवलाङो।
✪ जोंनि आबहावा फरानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु