फुंबिलि थाखो 4 फरा 7 बिथ’राइ सोंनाय फिननाय | Phungbili Class 4 Lesson 7 Bodo Question and Answer.
फुंबिलि
बे फुंबिलि आयदाया आसाम हादोरसानि सिंआव सोलिगासिनो थानाय थाखो 4 नि बिथ’राइ आयदानि 7 थि फरानिफ्राय लानाय जादों। बे आयदानि हारोंथाइफोरा जाबाय –
✪ खन्थाइ फरायनानै बुजि मोननाय आरो आवरायनो हानाय
✪ खन्थाइनि गुबै बाथ्राखौ बुंनो हानाय आरो लिरनो हानाय
✪ सावगारि नायनानै बुंनो हानाय
✪ से सानराय आरो बां सानराय बाहायनो रोंनाय, जो आथोन आरो जोला आथोन सायख’ना दिहुनना लिरनो हानाय
✪ फुङाव थाबै सिखारनाय, आखाइ-मोखां सुनाय, फरायनाय आरिनि गाहाम हुदा खालामनो हानाय
✪ थाइलालिनि सोमोन्दै मिथिनाय
✪ फुंबिलिनि नुथाइ आखिनो हानाय
फुंबिलि
सोरांबाय हनै सिखारदो दे स ‘ना
सिखारदो दे दुबफुङै एम नागारना।
उन्दुना दाथासै गोबावै सिखारदो दे गोखोरै
दासिम रावबो थायाखै उन्दुना।
बिबारि, मोनबारि, माइबारि सिखारबाय बयबो
अलसिया जाना उन्दुना थायाखै रावबो।
नायदो बयबो बिजाब बेखेवना
सोलोंदो गावनि फरा गोसो थि खालामना ।
आरो नायबावदो हनै सानजा अखरां
बेसेदि रंजा-बाजा ओंखारदों साना जारां।
दाउफोरा हनै बिफां बिफां बाना
बायदिसिना रोजाबदों बायदि फाव खालामना ।
बिफां बिफां बेसेदि बारदों बिबारफोरा
मोदोमनाय लायै लायै बारदों सुदेम बारआ।
नायबावदो हनै सिखारबाय उदां
सिखारबाय गुथाल सिखारबाय बुदां ।
बोदोर बेरेमाफोरा हाग्रायाव बिरदों
बाहां-बिरहां बिबाराव बिदै सोबदों।
बेनिखायनो नों सिखारदो दानो गोखै
आथिं- आखाइ मोखां सुदो लानानै दै।
दसे सम बेरायखांनानै बिजाब बेखेवना
सोलोंदो गावनि फरा गोसो थि खालामना।
खन्थाइगिरि महम्मद चुलेइमान खाँनि खन्थाइखौ रावदानस्लायनाय जादों।
(फुंखा : मरुवा फुल, सुजुगिरिः नवकान्त बरुवा, 49 बिलाइ राव-दानास्लायगिरिः मुस्री किश’र कुमार बर’ )
मावफारि
फुंबिलि थाखो 4 फरा 7 बिथ’राइ सोंनाय फिननाय | Phungbili Class 4 Lesson 7 Bodo Question Answer.
क- फरगुदियारि
खन्थाइखौ रोखा आरो गेबें रिंसारजों फरायनि फै।
खन्थाइखौ आवरायनि फै।
फिननाय हो
(क) खन्थाइयाव सनाखौ मा मावनो बुंदों ?
फिनः खन्थाइयाव सनाखौ सिखारनानै बिजाब फरायनो थिन्दों।
(ख) बिबारि, मोनबारि, माइबारिमोना सिखारनानै मा खालामदों ?
फिनः बिबारि, मोनबारि, माइबारिमोना सिखारनानै बिजाब फरायदों।
(ग) फुंनि साना ओंखारनाय दिगआ मा?
फिनः फुंनि साना ओंखारनाय दिगआ सानजा।
(घ) फुंबिलि जानाय लोगो लोगो बिफां बिफां सोर मेथाइ रोजाबो ?
फिनः फुंबिलि जानाय लोगो लोगो बिफां बिफां दाउफोरा मेथाइ रोजाबो।
(ङ) बिबार बिबार बिरबायनानै बेरेमाया मा खालामो ?
फिनः बिबार बिबार बिरबायनानै बेरेमाया बिदै सोबो।
(च) खन्थाइगिरिया गोसो होनानै मा खालामनो थिन्दों ?
फिनः खन्थाइगिरिया गोसो होनानै बिजाब बेखेवना गावनि फराखौ फरायनो थिन्दों।
खन्थाइयाव मख’नायबादियै सोरांनाय लोगो लोगो मा मा जायो ?
बिदिन्थि – एम नागारनानै बयबो दुबफुङै सिखारो ।
फिनः
(क) सानजा अख्राङाव साना ओंखारो।
(ख) बिफां बिफां दाउफोरा रोजाबदों।
(ग) बेरेमाफोरा बिबार बिबार बिदै सोबदों।
(घ) बिजाब बेखेवनानै सोलोंदों गावनि फरा।
(ङ) बिफां बिफां बारदों बिबारफोरा।
मिथिनि फै
एम नागारनाय सोदोबा खन्थाइयाव उन्दुनायनिफ्राय सिखारनाय बाथ्राखौसो फोरमायदों। बे एमखौ साफ्रोमबो मानसिया मोनसे समावनो एंगारा। फुडझव एम नागारनाया सावस्रिनि थाखाय मोजां।
आगसिफारसेनि सोदोबफोरनि ओंथिखौ आगदाफारसे होनाय दङ’। गोरोबहोनानै लिर।
| सोदोब | ओंथि |
| दुबफुं | गोजाबादि गाब |
| अलसिया | गोजोन मोननाय |
| फाव | मावनो बाग्रा |
| सुदेम | हाखु-दाखु, हरखाब |
| बिदै | मोदोमनि बाहागोफोरजों (अगं) बायदि-मैया खालामना दिन्थिनाय |
| जारां | रोसि |
फिनः
दुबफुं – हाखु-दाखु, हरखाब
अलसिया – मावनो बाग्रा
फाव – मोदोमनि बाहागोफोरजों (अगं) बायदि-मैया खालामना दिन्थिनाय
सुदेम – गोजोन मोननाय
बिदै – रोसि
जारां – गोजाबादि गाब
ख – राव फरायसंनाय (बाहायारि रावखान्थि)
खन्थाइयाव थानाय बां सानराइ फोरमायनाय सोदोबफोरखौ से सानराइयाव सोलाय आरो से सानराइ फोरमायनाय सोदोबफोरखौ बां सानराइयाव सोलाय।
बिदिन्थिः दाउफोरा – दाउ
फिनः
स’ना – स’नाफोर
बिबारफोरा – बिबार
बेरेमाफोरा – बेरेमाफोर
नों – नोंसोर
फरायनि फै
ह्म – ब्रह्म, ब्रह्मपुत्र
क्म – रुक्म, रुक्मिनी
द्म – पद्म, पद्मावती
त्म – आत्मा, महात्मा
ग्म – बाग्मी, युग्म, अयुग्म
ल्म – गुल्म, खोल्मौ, बाल्मीकि
बाल्मीकिया रामायण रनसायदोंमोन। महात्मा गान्धीया उदांस्रि सोमावसारनायखौ दैदेनदोंमोन। पद्मावतीया सासे समायना हिन्जावसा। बियो स्नि थाखोआव फरायो रुक्मिणीनि बिदा रुक्मआ सासे बीर जोहोलाउमोन।
बिदिन्थिखौ फराय आरो मिथिनानै गाहायनि बाथ्राफोरखौ लिर।
“बिफां बिफां बेसेदि …………………… बारदों बिबारफोरा”।
बिदिन्थि – बिफांफ्रोमावबो ………. बिफां बिफां।
फिनः
(क) दालाइफ्रोमआवबो – दालाइ-दालाइ
(ख) साफ्रोमनियावबो – साफा-साफा
(ग) नख’रफ्रोमआवबो – नख’र- नख’र
(घ) बिलाइफ्रोमआवबो – बिलाइ-बिलाइ
(ङ) बोसोरफोमआवबो – बोसोर-बोसोर
(च) बिबारफ्रोमआवबो – बिबार-बिबार
बिदिन्थिखौ मोजाडै नाय। दानिया बिबारनिफ्राय सोदोब लानानै गोदान सोदोब दा।
बिदिन्थि- रंजा – बाजा
फिनः
(क) न’ – बां
(ख) माइ – दै
(ग) समायना – रमायना
(घ) मावनाय – दांनाय
(ङ) बिफां – लाइफां
गाहायनि बाथ्राफोरखौ रायथाइ महरै लिरनि फै
नायबावदो हनै
सिखारबाय बुदां
बायदिसिना रोजाबदों
लानानै दै
बारदों सुदेम बारआ
ओंखारदों साना जारां
बाथा दा –
फिनः
बिजाबः रैमालिया बिजाब फरायदों।
गोसो थि खालामनानैः गोसो थि खालामना जों आवगाय लांनांगौ।
जारां सानः जारां साना सान्जाहा ओंखारबोगौ।
नङि ओंथि फोरमायनाय गाहायनि बाथ्राफोरखौ नंगौ ओंथियाव लिर।
बिदिन्थि – फुङाव जारां सान ओंखारा।
फुडाव जारां सान ओंखारो।
(क) दाउफोरा बायदिसिना मेथाइ रोजाबा।
फिनः दाउफोरा बायदिसिना मेथाइ रोजाबो।
(ख) गथ’फोरा गोसो होनानै गावनि फराखौ सोलोङा।
फिनः गथ’फोरा गोसो होनानै गावनि फराखौ सोलोङो।
(ग) बेरेमोदैफोरा बिबार बिबार बिदै सोबा।
फिनः बेरेमोदैफोरा बिबार बिबार बिदै सोबो।
ग – गियान फेहेरनाय
नोंसोर सान ओंखारनाय आरो हाबनाय समखौ मोजाङै नोजोर होनानै मा मा नुखो लिर।
फिनः
खामानि थायि समाव लोगोफोरजों गेलेनाय आरो नख’रनि मानसिफोरनो मा मा खामानियाव मदद खालामो बेनि बागै लिर।
फिनः
फुङाव सिखारनानै नों फरायो। बै समाव नोंनि नख’रनि एबा नसुंसेनि मानसिफोरा मा मा खामानियाव नांथाबना थायो लिर।
फिनः
गोख्रै सिखारनानै खामानियाव नांथाबना थानाय सुबुंफोरनि मुं आरो बिसोरनि मावनाय खामानिनि मुंनि फारिलाइ बानाय।
बिदिन्थि- आबादारि – आबाद मावनाय ।
फिनः
फरायसा – बिजाब फरायनाय
गारि सालाइगिरि – गारि सालायनाय
फालांगिरि – बेफार फालांगि खालामनाय
घ – मावथांखि
• नों फुङाव सिखारनायनिफ्राय हराव उन्दुनायसिम मा मा समाव मा मा खामानि मावो बेनि बागै लिर।
• डाकनि बोसोन
फोरोङो, फरायो, गायो फाथै,
बे साथामा आरो जेबो साननाङाखै।
नोंसोरनि ओन्सोलाव बाहायजानाय बेफोरबादि डाकनि बोसोनफोरखौ बुथुमनानै लोगोफोरजों सावराय। नांगौ जायोब्ला गेदेर मानसिनि मदद ला।
गाहायनि फारिलाइखौ फोरोंगिरिनि हेफाजाबै आबुं खालाम।
| सानाव ओंखारनाय दाउ आरो सानाव बारनाय बिबार | हराव ओंखारनाय दाउ आरो हराव बारनाय बिबार | ||
| दाउ | बिबार | दाउ | बिबार |
| दाउस्रि | जबा | फेसा | सेफालि |
| ननि दाव | गलाब | बादामालि | खार’खान्दाइ |
| हांसो | फाजाथि | ||
| दाउ मैना | नारजि | ||
| दावखा | लिलि | ||
| दावथु | दालिया | ||
✪ फुंबिलि आयदानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु