फिथानि मेल | थाखो 5 | फरा 2 | बिथ’राइ | सोंनाय फिननाय Phitani Mel Class 5 Lesson 2 Bodo Medium Question and Answer
फिथानि मेल
बे फिथानि मेल आयदाया आसाम हादोरसानि सिंआव सोलिगासिनो थानाय थाखो 5 नि बिथ’राइ आयदानि 2 थि फरा एबा आयदानिफ्राय लानाय जादों। बे आयदानि हारोंथाइफोरा जाबाय –
✪ खन्थाइखौ रोखा रिसारथिजों फरायनो हानाय
✪ खन्थाइ आवरायनो हानाय
✪ खन्थाइनि गेजेरजों रायज्लायनायनि आदब सोलोंनो हानाय
✪ फेस्ला खन्थाइनि बिदै सोबनो रोंनाय
✪ खन्थाइनि ओंथि बादिनो सोंनायनि फिन होनो हानाय
✪ फरायाव थानाय सोदोबथि बुजिनो हानाय
✪ जायगानि फिथा, लारु आरिनि मुं मिथिना लिरनो हानाय
✪ ओंथिनि फारागथि लानानै बाथ्रा दानो हानाय
✪ महरथि सोदोबमानि बागै मिथिनाय आरो बाहायनो रोंनाय
✪ हरखाब बिबुंथियाव बाहागो लानानै बायदि गियान बुथुमनो हानाय
✪ फिथा, लारु आरि बानायनाय आदबनि बागै बुजिनो हानाय
✪ जायगानि जालु-जामुंफोरादि जोंनि दोरोङारि हारियारि जामुं बै खोथाखौ मिथिनाय आरो बान्जायथावनि बागै बुजिनो हानाय
फिथानि मेल
अनसेमामोननि इसिं खथायाव
मागो दमासि हराव,
खादायाव जिरायनानै फिथाफोरा
मेल खुदोंमोन दावराव।
फिथा हासुंआ रायथिबाय थाबनो
दैसिथाव आब’ ।
हादरनि खोथा, गोबांनि बाथ्रा
खोनादों ना खोनायाखै दाबो ?
गबागब रसग ‘ल्ला
मोननानै खुगायाव सोयो
लारु आरो फिथाफोरखौ आय’
मुगैस्लु मेगनजों नायो।
फिथानि बे गन्थं हानायखौ
सोर होयो खोमा,
बिदिनो जामारोबोला
जोंनि जिउआ थुंगेसिगोन नामा ?
बे हादरावलायनो आरो गोबाव सान
गैलिया, जोंनि ओंखाम जोबनोसै।
“मानो बुंगोन बिदि दुखुनां बाथा ?”
फिथा एनथाबआ बुंथेनायसै।
फिथा सिथावआ फिन होबाय
हांमा सुरहाब गोमजोरै
नंनायाव जोंनि फिथा हासुंआ
नंखाय नङा बुंदों बाथ्राखौ थारै।
दानिया मालाय अनसेमाया
जोंखौ सिनायलिया,
लुसि, बिस्कुट, साहा अनगायै
जोंखौ नायफिनलिया।
खन्थाइगिरि- अतुल चन्द्र हाजरिका, अतुल चन्द्र हाजरिका गथ’सा थुनलाइ नैथि खोन्दो, बिलाइ 738, दिहुनगिरि एस. एइस. एडुकेसनेल ट्राष्ट, गुवाहाटी – 781005, दानस्सायगिरिः मुस्रि भजेन चन्द्र बर’
मावफारि
फिथानि मेल | थाखो 5 | फरा 2 | बिथ’राइ | सोंनाय फिननाय Phitani Mel Class 5 Lesson 2 Bodo Medium Question and Answer
क- फरगुदियारि
खन्थाइखौ रोखा आरो थार रिसारथिजों फराय ।
खन्थाइखौ दोलोआव आवराय ।
‘फिथानि मेल’ खन्थाइनि बाथाखौ सल’ महराव बुं।
सोर, सोरनो, मानि थाखाय बुंदों ?
(क) बे हादरावलायनो आरो गोबाव सान
गैलिया जोंनि ओंखाम जोबनोसै।
फिनः गोजौनि खोथाखौ फिथा हासुंआ दैसिथावनो लारु फिथाफोरनि गन्थं हानायखौ नुनानै बुंदोंमोन।
(ख) “मानो बुंगोन बिदि दुखुनां बाथा ?”
फिनः गोजौनि खोथाखौ फिथा एनथाबआ फिथा हासुंखौ बुंदों। मानोना फिथा हासुंनि खोथाखौ खोनानै फिथा एनथाबआ राजा जोंदोंमोन।
(ग) “लारु आरो फिथाफोरखौ आय’ मुगैस्लु मेगनजों नायो।”
फिनः गोजौनि खोथाखौ फिथा हासुंआ दैसिथावनो लारु फिथाफोरनि गन्थं हानायखौ नुनानै बुंदोंमोन।
बागसुआव थानाय सोदोबफोरनिफ्राय ओंथि गोरोबनाय सोदोब लाबोना लांदां जायगा आबुं खालाम।
| इसिं खथा, दमासि, खादा, थाबनो, हांमा सुरहाब
गोमजोरै, गबागब, मुगैस्लु, गन्थं हानाय |
मावदिन्थि- लासिंसिं खालामनाय – गन्थं हानाय
फिनः
गोबाव खालामालासेनो – थाबनो
दमासिनि सिगां सान – दमासि
मुवा दोननो थाखाय औवा खाथिजों हेबनाय फेरलां आइजें – खादा
गोथौ दुखु मोननानै – हांमा सुरहाब
खनगौ सोगौ खुगायाव – गबागब
मुगैनाय नोजोरजों – मुगैस्लु
ओंखाम मैगं संग्रा खथा – इसिं खथा
खन्थाइयाव रायखांजानाय गुबुन गुबुन फिथानि मुंफोरखौ संग्राइनिफ्राय लाबोनानै लांदां जायगायाव लिर।
| नारेंखल फिथा, दै सिथाव, थिंख्लि फिथा, थाव फिथा, फिथा एनथाब,
हासुं फिथा, सिबिं लारु, थालिर फिथा, भख्ला फिथा, थाल फिथा |
फिनः हासुं फिथा, दै सिथाव, सिबिं लारु, फिथा एनथाब।
फिन लिर –
(क) दै सिथाव फिथाखौ सोर मा सोमोन्दो लादोंमोन ?
फिनः दै सिथाव फिथाखौ फिथा हासुंआ आब’ सोमोन्दो लादोंमोन।
(ख) मा मा फिथाया ‘फिथानि मेल ‘आव बाहागो लादोंमोन मुं लिर।
फिनः फिथा हासुं, दैसिथाव, लारु, फिथा, फिथा एनथाब आरो फिथा सिथाव फोरा ‘फिथानि मेल ‘आव बाहागो लादोंमोन।
(ग) अनसेमाया लारु-फिथानि सोलायै मा मा जानो मोजां मोनग्रा जाखो ?
फिनः अनसेमाया लारु-फिथानि सोलायै रसग’ल्ला, लुसि, बिस्कुट जानो मोजां मोनग्रा जाबाय।
ख – राव फरायसंनाय (बाहायारि रावखान्थि)
फिथा हासुंआ रायथिबाय थाबनो, दैसिथाव आब’
“थाबनो सोदोब बादिनो गोखै सोदोबाबो हाखु-दाखु ओंथि फोरमायो”।
मावदिन्थि – क) राजुआ खोथा फंफोमावबो थाबनो रायदावो।
ख) बुजियालासे थाबनो फिन होनाया थिंग नङा।
ग) थाबनो फिन होनो थाखाय सिखारनायावनो बियो खांग्रांबाय।
‘थाबनो’ सोदोबखौ बाहायना लिरनाय बादिनो ‘गोख्रै’ सोदोबखौ बाहायनानै दोंथाम बाथ्रा दा।
फिनः
क) राजुआ लिहरोब्ला गोख्रैनो खारबोयो।
ख) रिमोनला जायगायाव गोख्रै थाबायोब्ला गोग्लैयो।
ग) गोख्रै खारनायावनो बियो गोग्लैबाय।
हान्जायाव सावरायनानै सोदोबफोरनि फाराग दिहुननानै दोंफायै बाथा दा
मावदिन्थि –
दो (आइजें) – दोआव ओंखाम सङो।
दो (गोफार मुवा माबेयावबा हाबसन हो) – गाजोलखौ थखथायाव दो।
फिनः
क) दै (लोंग्रा दै) – लों ओंखाम जाब्ला दै लोंनांगौ।
दै (बिदै दैनाय) – ननि दाउआ बिदै दैबाय।
(ख) सु (मैलाखौ साफा खालाम) – मैला मैथाफोरखौ मोजाङै सुनांगौ।
सु (जखा ला) – आलुखौ सुनानैसो फानो।
(ग) थां (जिउ गोनां) – बिफां लाइफांखौ जों मोजाङै फोथांनांगौ।
थां (बबेबा जायगायाव थांनाय) – राजा कक्राझारआव थांबाय।
(घ) जा (जानो थिननाय) – ओंखाम जा।
जा (एखे महरनि एबा आखुनि जानो थिननाय) – मोसौ बादि जा।
(ङ) थै (देहा सिंनि थै) – मानसिनि देहायाव थै गैयाबा थांनानै थानो हाया।
थै (जिउ फोजोब) – अनारुआ दिनै लोमजानानै थैबाय।
(च) सं (माबा मोनसे जाग्रा मुवा फोमोन) – सथिया ओंखाम संदों।
सं (नोजोर हो एबा राहा ला) – एनजरनि देराखौ सं। साख्रिखौ माब्रै मोनगोन बेनि राहा सं।
गाहायनि बाथ्राफोरखौ बागसुआव होनाय महरथि सोदोबमाजों आबुं खालाम।
| बेखायनो, एबा, आरो, माथो, नाथाय |
(क) आलुरि ………. फावदुरि सानैबो बिब’- बिनानाव।
फिनः आलुरि आरो फावदुरि सानैबो बिब’- बिनानाव।
(ख) सोलोंथाइयानो गोनांथार दोहोन ………. गोसो होना फरायनांगौ
फिनः सोलोंथाइयानो गोनांथार दोहोन बेखायनो गोसो होना फरायनांगौ।
(ग) गंसे न ………. गंसे मासिनि सावगारि बो।
फिनः गंसे न एबा गंसे मासिनि सावगारि बो।
(घ) सल’ खोनासंदों ………. बिदै मोनाखै।
फिनः सल’ खोनासंदों नाथाय बिदै मोनाखै।
(ङ) बियो फैबायनो ………. !
फिनः बियो फैबायनो माथो !
ग – गियान फेहेरनाय
हरखाब बिबुंथियाव बाहागो लानि फै
फिथा हासुं, मागो दमासि, रसग ‘ल्ला, बिस्कुट, लारु, सिथाव, साहा, लुसि
हान्जायाव रायज्लायनानै लिरनि फै–
(क) नोंसोरनि नआव मागो दमासि आरो गुबुनफोरबोआव मा मा फिथा एवो आरो सावो ?
(ख) खन्थाइयाव थानाय फिथाफोरनि अनगायैबो आरोबाव मा मा फिथा आरो बर’नि जालु जामुंनि मुं मिथिगौ ?
(ग) नों नुनाय आरो जाफेरनाय फिथा आरो लारुनि सावगारि बोनानै गाहायाव मुंफोरखौ लिरना हो। जायखि जाया जाथोसे लारु आरो फिथानि बानायनाय आदबखौ नआव लिर।
घ – मावथांखि
खन्थाइनि बाथ्राफोरखौ नायजाब महराव लिरनानै फाव दिन्थि।
गावनि ओनसोलनि मुवानि मुंजों हरखाव बिबुंथि खुं
नांगौ जायोब्ला फोरोंगिरिया मदद खालामना होगोन।
✪ फिथानि मेल आयदानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु
Super 💕
You are welcome Phongbai