बार |थाखो 4| फरा 5|आबहावा सोंनाय फिननाय Class 4 EVS Lesson 5 Bar Bodo Medium Question and Answer
बार
बे बार आयदाया आसाम हादोरसानि सिंआव सोलिगासिनो थानाय थाखो 4 नि आबहावा आयदानि 5 थि फरा एबा आयदानिफ्राय लानाय जादों। बे आयदानि हारोंथाइफोरा जाबाय –
✪ बारआव थानाय गाहाइ गेसफोरनि मुंखौ मिथिगोन।
✪ बार गेब्रेंनायनि जाहोग्राफोर आरो बेफोरखौ होबथानायनि राहाफोरखौ मिथि मोनगोन।
✪ आबहावाखौ गोगो खालामनानै लाखिनायनि सानखांनाय जाखांहोनाय।
फराइ बिजाबाव थानाय माखासे गोनां गोनां बानबुंथाइफोर (Quotation) –
बारआव गुबुन गुबुन गेस गलायनानै थायो।
बारआव थानाय रोखोमसे गेसआ जाबाय अक्सिजेन गेस।
बारआव थानाय कार्बन-डाइ-अक्साइड गेसआ सुनैनि दैखौ गुफुर खालामो।
बारआव थानाय रोखोमसे गेसआ जाबाय नाइट्र’जेन।
बारआव थानाय खायसे थादेरसाया बांब्ला एबा खमायब्लाबो बारआ गेब्रेंनाय जानो हागौ। बारआव थानाय कार्बन-डाइ-अक्साइडनि बिबांआ बांलाडोब्ला बारआ गेब्रेङो ।
आबहावा सोमोन्दोआरि सांग्रांथि सोमजिहोनो 5 जुनखौ मुलुग आबहावा सान’ हिसाबै फालिनाय जायो ।
सोंनाय बिदां
बार |थाखो 4| फरा 5|आबहावा सोंनाय फिननाय Class 4 EVS Lesson 5 Bar Bodo Medium Question and Answer
फरा बिजाबनि सोंनाय आरो फिननाय
1. फिन लिर-
क) बारआव थानाय गाहाइ गेसफोरा मा मा ?
फिनः बारआव थानाय गाहाइ गेसफोरा जाबाय- अक्सिजेन, कार्बन-डाइ-अक्साइड आरो नाइट्र’जेन।
ख) बारआ गेब्रेंनायनि मोनथाम जाहोन लिर।
फिनः बारआ गेब्रेंनायनि मोनथाम जाहोनफोरा जाबाय-
1) प्लाष्टिक सावोब्ला, 2) जाबोर-दाखोर सावोब्ला आरो 3) फटका सावोब्ला।
ग) बारनि गेब्रेंनाय जायिनि मा मा राहा लानो हायो ?
फिनः बारनि गेब्रेंनाय जायिनि माखासे राहा लानो हायो बेफोर जाबाय-
1) बिफां-लाइफांखौ बांसिनै गायनानै।
2) गोथै जिब-जुनारफोरखौ फबनानै आरो
3) जनथ्र-फाथिफोरखौ खम बाहायनानै।
घ) बेरामनि जिबसाया बारमण्डलसिम माबोरै गोसारो ?
फिनः बेरामनि जिबसाया बारमण्डलसिम हारसिवनाय-गुजुनायजों गोसारो।
ङ) बारआव थानाय माबे रोखोम गेसआ जोंनि थाखाय बयनिख्रुइ गोनांसिन ?
फिनः बारआव थानाय अक्सिजेन गेसआ जोंनि थाखाय बयनिख्रुइ गोनांसिन।
2. गाहायनि गेबें फिननायाव ‘✔’ सिन हो। गोरोन्थि बाथ्राफोरखौ गेबें खालामनानै लिर-
क) दाखोर-जाबोरफोरखौ जेराव मेरावनो गारनांगौ।
फिनः दाखोर-जाबोरफोरखौ जेराव मेरावनो गारनो नाङा।
ख) प्लाष्टिकनि बेसेदखौ फेसेवनाय हासारनि हाखरआव गारनांगौ।
फिनः प्लाष्टिकनि बेसेदखौ फेसेवनाय हासारनि हाखरआव गारनो नाङा।
ग) बिफां-लाइफां बांसिनै गायनानै बारनि गेब्रेंनायखौ होबथानो हायो।
फिनः बिफां-लाइफां बांसिनै गायनानै बारनि गेब्रेंनायखौ होबथानो हायो। ✔
घ) कल-कारखानानिफ्राय ओंखारनाय उखुन्दैया बारखौ गेब्रेंहोयो।
फिनः कल-कारखानानिफ्राय ओंखारनाय उखुन्दैया बारखौ गेब्रेंहोयो।✔
ङ) दाखोर-जाबोरफोरखौ सावोब्ला बारआव कार्बन-डाइ-अक्साइडनि बिबांआ बाङो।
फिनः दाखोर-जाबोरफोरखौ सावोब्ला बारआव कार्बन-डाइ-अक्साइडनि बिबांआ बाङो। ✔
3. ‘क’ बाहागोजों ‘ख’ बाहागोखौ सिन बोनानै गोरोबहो-
फिनः
बिफां-लाइफांफोरा – बारखौ गेब्रेंनाय गैयि खालामनानै लाखियो।
जाबोर-दाखोर सावोब्ला – बारआव कार्बन-डाइ-अक्साइडनि बिबांआ बाङो।
संफ्लनि गुबुन गुबुन बेरामआ – गेब्रेंनायनि थाखाय जायो।
हारसिवनाय, गुजुनाय बायदिफोरआ – बारआव बेरेमनि जिबसा गोसारहोयो।
अक्सिजेन गेसआ – अर खामनायाव हेफाजाब खालामो।
4. गेबेङै लिर-
क) रासायनारि एम्फौ फोथैग्राया बारखौ गेब्रेंहोयो/ सोदाङो।
फिनः रासायनारि एम्फौ फोथैग्राया बारखौ गेब्रेंहोयो ।
ख) बिफांनि बिलाइखौ सावनानै/ फबनानै गारनांगौ।
फिनः बिफांनि बिलाइखौ फबनानै गारनांगौ।
ग) बारआव थानाय अक्सिजेन/ कार्बन-डाइ-अक्साइडखौ हां बोनाय-हगारनायाव बाहायजायो।
फिनः बारआव थानाय अक्सिजेन हां बोनाय-हगारनायाव बाहायजायो।
घ) बिफां-लाइफां फोजोबस्रांनायनि जाउनआव बारनि गेब्रेंनाय होबथानाय/ गेब्रेंनाय बांहोनाय जायो।
फिनः बिफां-लाइफां फोजोबस्रांनायनि जाउनआव बारनि गेब्रेंनाय बांहोनाय जायो।
ङ) बारआव थानाय कार्बन-डाइ-अक्साइडआ अर जोंनायाव/ खोमोरनायाव हेफाजाब खालामो।
फिनः बारआव थानाय कार्बन-डाइ-अक्साइडआ अर खोमोरनायाव हेफाजाब खालामो।
गोनांथार उफ्रा सोंनाय आरो फिननाय
1. कार्बन-डाइ-अक्साइड गेसआ सुनैनि दैखौ मा खालामो ?
फिनः कार्बन-डाइ-अक्साइड गेसआ सुनैनि दैखौ गुफुर खालामो।
2. बारआव अक्सिजेननि बिबांआ माबोरै बाङो ?
फिनः बारआव अक्सिजेननि बिबांआ बिफां-लाइफां बांसिनै गाययोब्ला बाङो।
3. बारआव अक्सिजेननि बिबांआ माबोरै खमायो ?
फिनः बारआव अक्सिजेननि बिबांआ बन, जाबोर-दाखोर, बिफां लाइफांनि दाखोर सावोब्ला आरो कल-कारखानानिफ्राय उखुन्दै ओंखारोब्ला खमायो।
4. बारनि अक्सिजेन बाहागोआ खमायलाङोब्ला मा जेंना जागोन ?
फिनः बारनि अक्सिजेन बाहागोआ खमायलाङोब्ला हां लानायाव जेंना जागोन।
5. बारखौ बाहायनानै गेलेनाय माखासे गेलेमुंनि मुं लिर।
फिनः बारखौ बाहायनानै लाइसोरखि, बेलुन सुनाय, सिला बिरहोनाय बायदि गेलेनाय गेलेनो हायो।
6. उखुन्दैया बारमण्डलआव माबोरै गोसारो ?
फिनः उखुन्दैया बारमण्डलआव प्लाष्टिक सावोब्ला, जाबोर-दाखोर सावोब्ला, फटका सावोब्ला आरो बाइदि रोखोम बार गेब्रेंहोग्रा जाहोयोब्ला बारमण्डलआव गोसारो।
7. 5 जुनखौ मा सान हिसाबै फालिनाय जायो।
फिनः 5 जुनखौ मुलुग आबहावा सान हिसाबै फालिनाय जायो।
✪ बार फरानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु