नखर |थाखो 4| आबहावा सोंनाय फिननाय Nokhor Class 4 EVS Lesson 1 Bodo Medium Question and Answer
नख’र
बे नख’र आयदाया आसाम हादोरसानि सिंआव सोलिगासिनो थानाय थाखो 4 नि आबहावा आयदानि 1 थि फरा एबा आयदानिफ्राय लानाय जादों। बे आयदानि हारोंथाइफोरा जाबाय –
✪ मोनसेल’ न’खर आरो जथाइ न ‘खरनि सोमोन्दै मिथिगोन।
✪ न’खरनि सोद्रोमाफोरनि गावजों गाव सोमोन्दो, बिबान, मावनो गोनां हाबा आरो सोनारलायनायनि सोमोन्दै मिथिगोन।
✪ जथाइ न ‘खरनि खाबुफोरखौ सानमोनदांगोन।
✪ नांगौ गोनां गथ’साफोरा दि जोंनि गेजेरनिनो सासे बेनि सोमोन्दै सानमोनदांगोन।
✪ बे बादि गथ ‘साफोरखौ अननाय, हेफाजाब खालामनाय आरो मान होनो सोलोंगोन।
✪ बे बादि गथ ‘साफोरखौ गावबो गासैबोनि गेजेरनि सासे हिसाबै गावखौनो फसंथानो हागोन।
फरा बिजाबाव थानाय माखासे गोनां बानबुंथाइ Quotation
न’खरफोरा आब्रु गोनाङैसोलिनो थाखाय बयहाबो गावबा गाव खायसे नेम-खान्थि थायो । बेनि अनगायैबो मोनफ्रोमबो न ‘खरआ गोजोनै सोलिनो थाखाय न ‘खरनि साफ्रोमबो सोद्रोमायानो गाव गावनि बिफावखौ लायो।
अनितानि न ‘खरआ जाबाय जथाइ न ‘खर । जथाइ न’खर मोनसेयाव बिबौ-बिबै, बिबथै बिमादै, बिमानै, बिमा-बिफा आरो बिसोरनि गथ ‘साफोर बयबो लोगोसेयै थायो। खायसे जथाइ न ‘खरआव आगु बिमायं-आगु बिमायंजो आरो गुबुन गुबुन सोद्रोमाफोरबो थायो । बिबौ-बिबै, बिमा-बिफा, बिमायं-बिमायंजो, बिबथै-बिमादै आरो बिसोरनि गथ साफोर, बिमानै बे गासैबोआनो जादों मोनसे जथाइ न ‘खरनि साफा साफा सोद्रोमा।
खोनानाय बुंनायनि जेंना बादि नुनाय, हान्थिनाय, गोसोआरि आरो सोलोंनो हास्लाबि थानाय उन्दैफोराबो जोंनि बयनिबो साफा। बिसोरनि गोनांथिआल’ जुदा जुदा। बे गोनांथिफोरखौ सुफुंनानै, अननाय मोजां मोननायजों बजबनानै लाना दावगाहोलांनायाव हेफाजाब खालामनाया जोंनि बयनिबो मावनांगौ बिबान।
शशांकुनि न’खरआ जाबाय मोनसेल’ न’खर। मोनसेल’ न’खरआव बिमा बिफा आरो बिसोरनि हौवासा-हिनजावसाफोराल’ ज ‘यै थायो।
सोंनाय बिदां
नखर |थाखो 4| आबहावा सोंनाय फिननाय Class 4 EVS Lesson 1 Nokhor Bodo Medium Question and Answer
फरा बिजाबनि सोंनाय आरो फिननाय
1. सुंद फिन हो –
क) न’खर मोनसेखौ सोर दैदेनो ?
फिनः न’खर मोनसेखौ बिमा-बिफाया नङाब्ला न’खरनि सोरबा देरसिन सुबुंआ दैदेनो।
(ख) अनितानि न’खरनि सोद्रोमाया सा बेसेबां ?
फिनः अनितानि न’खरनि सोद्रोमाया सा 9 (गु)।
(ग) अनितानि न’खरआ माबे न’खरनि सिङाव गोलैनाय ?
फिनः अनितानि न’खरआ ज’थाइ न’खरनि सिङाव गोलैयो।
(घ) शशांकुनि न’खरआ मा न’खर ?
फिनः शशांकुनि न’खरआ न’खर मोनसेल’ न’खर।
2. लांदां जायगाखौ सुफुं –
(क) समाजनि मोनसे हानजासाया जाबाय ………………..।
फिनः समाजनि मोनसे हानजासाया जाबाय न’खर ।
(ख) न’खर मोनसेया आब्रु गोनाङै सोलिनो थाखाय मोनफ्रोमबो न’खरनि थाखाय गावबा गाव ………….. थायो।
फिनः न’खर मोनसेया आब्रु गोनाङै सोलिनो थाखाय मोनफ्रोमबो न’खरनि थाखाय गावबा गाव नेम-खान्थि थायो।
(ग) शशांकुआ समायना …………….. आखियो।
फिनः शशांकुआ समायना सावगारि आखियो।
(घ) फोरोंगिरिया शशांकुखौ सल’बाथाखौ ………….. जों फोरमायो।
फिनः फोरोंगिरिया शशांकुखौ सल’बाथाखौ आव-फाव जों फोरमायो।
3. फिन लिर –
(क) मोनसेल’ न’खर बुङोब्ला मा मिथियो ?
फिनः जाय न’खरआव बिमा बिफा आरो बिसोरनि हौवासा-हिन्जावसाफोराल’ थायो बे न’खरखौनो मोनसेल’ न’खर बुङो।
(ख) शशांखुआ मानो इसाराजों बाथ्रा रायो ?
फिनः शशांखुआ मोजाङै रायज्लायनो हायाखाय इसाराजों बाथ्रा रायलायो।
(ग) जथाइ न’खर बुङोब्ला मा मिथियो ?
फिनः जाय न’खर मोनसेयाव बिबौ-बिबै, बिबथै-बिमादै, बिमानै, बिमा-बिफा आरो बिसोरनि गथ’साफोर बयबो लोगोसेयै थायो बे न’खरखौनो जथाइ न’खर बुङो।
(क) शशांकुआ फरायसालियाव लोगोफोरजों मा मा गेलेयो ?
फिनः शशांकुआ फरायसालियाव लोगोफोरजों फुथला, जेथो आरो दंफांनि थुख्राखौ लोगो फोनांनानै बेसाद बानायनाय गेलेयो।
4. गाहायाव होनाय सोद्रोमानि सोमोन्दोखौ नागिरनानै ‘क’ बाहागोजों ‘ख’ बाहागोखौ गोरोबहो –
फिनः
बिफानि बिदा – बिमायं
बिबौनि बिफा – आगु बिमायं
बिफानि बिमा – बिबै
बिफानि बिनानाव – बिमानै
बिमानि बिफा – बिबौ
बिमानि फंबाइ – बिमाइ
फरानि सिंआव थानाय सोंनाय आरो फिननाय
1. अनितानि न’खरआव सोर सोर दं ?
फिनः अनितानि न’खरआव अनिताजों लोगोसे बिमा-बिफा, बिबौ-बिबै, बिबथै-बिमादै, बिमानै आरो जिन्टु दं।
2. अनितानि न’खरनि सोर माखासे सोद्रोमाया बिखौ जोथोन लायो ?
फिनः अनितानि न’खरनि बिमा, बिबथै-बिमादैआ जोथोन लायो।
3. अनितानि न’खरनि सोर सोर सोद्रोमाया आर्जियो ?
फिनः अनितानि न’खरनि बिफा आरो बिबथैया आर्जियो।
4. अनिताया बिबथैनि फिसाज्ला जिन्टुखौ मा बादि जोथोन लायो ?
फिनः अनिताया बिबथैनि फिसाज्ला जिन्टुखौ दुगैहोयो आरो सि-जोम गानहोयो।
5. अनितानि न’खरनि गाहाइया सोर ?
फिनः अनितानि न’खरनि गाहाइया बिबौ-बिबै।
ननि हाबा
1. नोंसोरनि गावबा गाविन न’खरनि सोमोन्दै मोनबायै बाथ्रा लिर।
2. नोंसोरनि खाथियाव थानाय न’खर मोनसेनि न’सिम थांनानै गाहायनि खौरांखौ बुथुम-
क) न’खरनि सोद्रोमानि अनजिमाया बेसेबां ? ……………………………………..……………………….
ख) न’खरआ मोनसेल’ना जथाइ न’खर ? ……………………………………………………….
ग) न’खरनि गोराया सोर ? ……………………………………….………….…………
घ) न’खरनि आर्जिग्रा सोद्रोमाया सा बेसेबां ? ……………………………………………..……
ङ) न’खरआव 15 बोसोर बैसोनि गाहायनि हौवासा-हिनजावसानि अनजिमाया बेसेबां ? ……………………………………
च) न’खरआव बाथ्रा बुंनाय आरो खोनानायाव जेंना गोनां हौवासा-हिन्जावसा दं नामा ? …………………………………..…
छ) बिसोरनि फरायनायनि जोथोनखौ सोर लायो ? …………………………………….………………
✪ न’खर आयदानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु