बरनि सुबुं मुलि : मोनसे सावरायनाय Best Article 2024

Rate this post

Contents hide

3 बर’नि सुबुं मुलि: मोनसे सावरायनाय आयदायाव बाहायनाय माखासे मुलिफोरनि सावगारि

आयदा-थाम

3.0 फोजोबनाय:

सुबुं मुलिया बर’फोरनि गेजेराव मैखोम जायगा आवग्रिनानै दङ। सुबुं मुलिखौ बर’फोरा मिथिस’हायै समनिफ्रायनो बाहायबोगासिनो। साफा सानै बर’ सुबुंफोरा सुबुं मुलि बानायनायखौनो जिउ राहा महरै लानानै जिउबो खुंगासिनो। सुबुं मुलि बाहायनानैनो बर’फोरा लोमजानाय साजानाय, बेराम, रग’ बियादि निफ्राय रैखा मोनबोदों। सुबुं मुलिखौ बर’ फोरनि दोरों गियानबो बुंजायो। मानोना बेखौ गोदोनिफ्रायनो सासेया गुबुन सासेनिफ्राय सोलोंना लानानै फोथांनानै लाखिगासिनो। नाथाय आथिखालाव समनि आंखालाव आरो गोनोखोजों दिहुनजानाय मुलिफोर बायनानै मोननाय जानायाव सुबुं मुलिखौ बानायनो नागारनो हमबोगासिनो। बेनि अनगायैबो आथिखालाव मुलिनि गुन गोनां बिफां लाइफांफोरखौ मोननो गैयै जालांबाय। मानोना सुबुं अनजिमाया बारानिफ्राय बारा जानायाव न’-बां लुनो, लामा बानायनो, कल कारखाना आरो बायदि रोखोमनि फसंथान फसंनो थाखाय हाग्रा-बंग्रा, बिफां लाइफांफोरखौ दानस्रांनानै जाहारबारिखौ फोजोबस्रांनायनि थाखाय दिनै बे बेसेन बरहा हाग्रा-बंग्रा, बिफां-लाइफां, बेन्दों-बेनलानि फोलेरानो गोमालांनो हमबाय। जायनि थाखाय बेफोर गुन गोनां हाग्रा-बंग्रा, बिफां-लाइफांफोरखौ आथिखालनि बांसिन सुबुङानो सिनायनो हालिया। अब्लाबो बर’फोरनि गेजेराव सानैसो सिनायनो गोरों सुबुंफोरा बेफोरखौ जोबोर खस्थयै नागिरथिंनानै सुबुं मुलि बानायनानै बेजों लोमजानाय-साजानाय, बेराम, आथिं आखाइ बायनाय बायदिखौ फाहामगासिनो दङ। जों सुबुं माहारिया थांना थानो आरो देहाखौ थाजिम लाखिनो थाखाय बायदिमैया मैगं-थाइगं, फिथाइ-सामथाइ बाहायो। अब्ला बे हाग्रा बंग्रा, बिफां-लाइफां, फिथाइ-सामथाइफोरा जोंनि देहानि खहा जानायफोरखौ फाहामनो हानाय मुलिनि गुन दंखाथारो। बेनिखायनो सुबुं मुलि बाहायनानैनो जों लोमजानाय आरो बेरामफोरखौ सोखानो हायो। सुबुं मुलि बाहायनाय हुदाखौ जों हमथानानै लाखिनो नाजानांगौ।