थेबगांनि आर'जलाइ| Tebgangni Arojlai

बे थेबगांनि आर’जलाइ आयदाया आसाम हादोरसानि सिंआव सोलिगासिनो थानाय थाखो 5 नि बिथ’राइ आयदानि 3 थि फरा एबा आयदानिफ्राय लानाय जादों। बे आयदानि फरानिफ्राय लानो गोनां हारोंथाइफोरा जाबाय –

✪  लाइजाम आरोआर’जलाइनि हमदांथिया रोखा जानाय आरो लिरनो हानाय

✪  आर’जलाइ आरो लाइजामखौ माबारै लिरनांगौ मिथिनाय

✪  गोब्राय सोदोबनि ओंथि दिहुननो हानाय

✪  दांग’थाइ लाबोला सोरनि गेजेरजों, सोरनो, माबोरै आर’जलाइ एबा खेंखायलाइ लिरनोनांगौ बेखौ मिथिनो

✪  फरा आयदामादा लाना सोंथिनि फिननाय होनो हानाय

✪  लाइजाम आरोआर’जलाइनि गेजेराव थानाय गोरोबथिआरो फारागथि बुजि मोननो हानाय

✪  बाथ्रायाव मुंलालि सोदोबमानि बाहायनाय सोमोन्दै मिथिनो हानाय

✪  जो आथोन दिन्थिग्रा सोदोब लिरनो हानाय

✪  हामब्लायनाय लाइजाम आरो खब बानायनो हानाय

✪  मावथांखिनि गेजेरजों जेंना सुफुंनो हानाय

मावफारि

थेबगांनि आर’जलाइ | थाखो 5 | फरा 3 | बिथ’राइ | सोंनाय फिननाय Tebgangni Arojlai Class 5 Lesson 3 Bodo Medium Question and Answer

क- फरगुदिया

फराखौ गेबें आरो रोखा रिंसारथिजों फराय।

फिन हो ।

(क) थेवगांआ मा जाहोननि थाखाय गोबां सान फरायसालियाव नुजाथिनो हायाखैमोन?

फिनः थेवगांआ उदै गाज्रि जानायनि थाखाय गोबां सान फरायसालियाव नुजाथिनो हायाखैमोन।

(ख) थेबगांहा मानो उदै गाज्रि जादोंमोन?

फिनः थेबगांहा भज’ जानायनि जाउनाव उदै गाज्रि जादोंमोन।

(ग) थेवगांआ होनाय लाइजामखौ फरायनानै फोरोंगिरिया आरो मा होनदोंमोन ?

फिनः थेवगांआ होनाय लाइजामखौ फरायनानै फोरोंगिरिया बुंदोंमोन जे- थेबगां, नोङो लिरनाय महराव फोरमायनायखाय आं मोजां मोनदों। नाथाय बेयो नों आंनिसिम हरनाय लाइजामसो जादों। फरायसालियाव नुजाथिनो हायाब्ला एबा थानो हायाब्ला दांग ‘थाइनि थाखाय आर’जलाइसो होनांगौ। आर ‘जलाइखौ हांखायलाइबो बुंनाय जायो ।

(घ) आर’जलाइखौ आरो मा होनना बुंबावो?

फिनः आर’जलाइखौ हांखायलाइबो होनना बुंबावो।

(ङ) थेबगांआ फरायनाय फरायसालिनि मुङा मा ?

फिनः थेबगांआ फरायनाय फरायसालिनि मुङा दानसोरां गुदि फरायसालि ।

(च) थेबगांआ मा बिनानै आर’जलाइ होदोंमोन ?

फिनः थेबगांआ दांग’थाइ बिनानै आर’जलाइ होदोंमोन ।

थेबगां, नों माथो गोबां सान फरायसालियाव फैयाखै माबाफोर लोमजा – साजा जादोंमोन नामा ? – बे सोंथिखौ सोर, माब्ला, सोरखौ खालामदोंमोन ?

फिनः थेबगां गोबां सान फरायसालियाव फैयाखैमोन। बेखौ नुनानै फोरोंगिरि सेफालीया सोंदोमोन, जेब्ला थाखो खथायाव हाबोब्ला थेबगांखौ नुदोंमोन।

फरायसालियाव नुजाथिनो हायाब्ला सोरनि गेजेरजों सोरनिसिम आर’जलाइ होनांगौ ?

फिनः फरायसालियाव नुजाथिनो हायाब्ला थाखोफोरोंगिरिनि गेजेरजों गाहाइ फोरोंगिरिनिसिम आर’जलाइ होनांगौ

थेबगांआ लिरनाय आर’जलाइ आरो फोरोंगिरि आब’आ फोरोंनाय आर’जलाइनि गेजेराव मा मा फाराग नुखो बुं आरो लिर।

फिनः थेबगांआ लिरनाय आर’जलाइआ गांसे लाइजाम। फोरोंगिरि लिरनाय आर’जलाइया दांगथाइ मोननायनि आर’जलाइ । थेबगांआ फरायसालिनि मुं होआखैमोन नाथाय फोरोंगिरि आब’आ फराइसालिनि मुं होदोंमोन।

ख राव फरायसंनाय (बाहायारि रावखान्थि)

फरायाव थानाय गोदो बिदिन्था बुजायनाय थाइजा सोदोबफोरखौ सायख ‘नानै लिर

फिनः फरायाव थानाय गोदो बिदिन्था बुजायनाय थाइजा सोदोबफोर- जादोंमोन, हायाखैमोन, थांदोंमोन, जाजेनदोंमोन, दौदोंमोन आरो थाबथायाखैमोन।

गाहायनि बाथ्राफोरनि खाथियाव मोननैयै सोदोब होनाय दं। बेफोरनि मोनसेयाल’ बाथ्राजों गोरोबो। गोरोबि सोदोबाव x सिन हो। बेनि उनाव गोरोबनाय सोदोबजों बाथ्राखौ लिरफिन ।

(क) आं गाबोन गुवाहाटीयाव [ थांगोन – थांदोंमोन ]

फिनः आं गाबोन गुवाहाटीयाव थांगोन

(ख) हनै, दाउफोरा अखाडाव [ बिरदों – बिरदोंमोन ]

फिनः हनै, दाउफोरा अखाडाव बिरदों

(ग) थांनाय बोसोराव दैबाना [ जादोंमोन – जागोन ]

फिनः थांनाय बोसोराव दैबाना जादोंमोन

घ) फै जों नआव [ थांनि – थांदामोन ]

फिनः फै जों नआव थांनि

(ङ) नों दिनै [ फै – फैद’ ]

फिनः नों दिनै फै

(च) बियो मैया नआव [ थांगोन – थांबायमोन ]

फिनः बियो मैया नआव थांबायमोन

(छ) आफाया गाबोन ओंखाम [ जाबायमोन – जादों ]

फिनः

(ज) नोंसोर दानो [ थां – थांदों ]

फिनः नोंसोर दानो थां

सोदोब दानानै बाथा दा

फिनः

बे – खायदा → बेखायदा – बेखायदा जायगायाव थाबोला जेनिबो खाबु मोना।

बे – खाबु → बेखाबु – ब्रेक पेइल जायोब्ला गारिया बेखाबु जायो।

बे – नोजोर → बेनोजोर – गारि सालायनायाव बेनोजोर जायोब्ला सौग्रावो।

बे – मोनथाइ → बेमोन्थाइ – अलसिया जायोब्बेला मोन्थाइ जानाङो।

बे – जायगा → बेजायगा – मिथिमोनै बेजाइगा जायगायाव जों थांनो नाङा।

उन – दाहा → उनदाहा – अनारुवा गाज्रि खामानि मावना उनदाहा मोनबाय।

उन – सोलों → उनसोलों – फराइ बिजाबनि जोबनाय फारसे उनसोलों आयदा थोयो।

उन – जाथाइ → उनजाथाइ – जानला मोनला मुलि जानानै अनारुआ उनजाथाइ जानानै लोमजाबाय।

उन – सं→ उनसं – मोजां सुबुंफोरनि अखाल आखुखौ जों उनसंलांनांगौ।

उन – फिथाइ→ उनफिथाइ – मोजां खामानि मावोब्ला मोजां उनफिथाइ मोनो।

ग – गियान फेहेरनाय

थेबगांआ सेफाली आब’निसिम लिरनाय लाइजामखौ खेबसे मोजाङनायनि फै-

थांखिजानाय – लाइजामनि आगदा खनाथाराव लिरनाय दङ’ बर’बाजार आरो गाहायाव अक्त’ लिरनाय दङ 15-5-12 थामहिनबा थेबगांआ बर’बाजार मुंनि दाबसे जायगायाव जिरायनाने 2012 मायथाइनि मे दाननि 15 अक्त ‘खालि लाइजामखौ लिरदोंमोन। बिदिनो जों बयबो मालायनो लाइजाम लिरनायाव लाइजाम लिरनाय जायगानि मुं आरो अक्त’ लिरनो नांगौ ।

सोमोन्दो लानाय – लाइजामनि आगसिवागै जागायजेननायाव मानावगेदेर आब’ होननाने लिरदों। थामहिनबा लाइजामखौ जायनिसिम लिरदों, बिथांखौ सोमोन्दो लादों। सरासनस्रा सोमोन्दो लानायाव जों औरैबादि सोमोन्दो लायो –

बिमा-बिफा एवा गेदेरखौ लायो फुजिनां/ फुजिनांजो बाहागि/ गेदेरखौ मानगोनां/ मानगोनांजो

गेदेर मावख गोरा एवा बिफानारि गाहाइखौ – मानावगेदेर / मानावगेदेमाजो

मानगोनां बिबानाव थानायफोरखौ मानिनां/ मानिनांजो

लोगो एबा समान बैसोनिखौ – अनजालु लोगो/ आनजालि लोगोजो

मानिजानाया- फिसाहौवा – फिसा हिन्जाव / फरायसुला

फरायसुलि, फिसा हिन्जाव – बिजामादैनिसिम लिरोब्ला अनजालु / अनजालि

गुबै बाहागो – सोमोन्दो लाखांनायनि उनाव नखरनि गुबुन सोद्रोमाफोरनिसिम मानहोनाय अननाय जासिनानै लाइजामनि गुबै बाहागोखौ फोरमायनांगौ लाइजामनि वे बाहागोआव गावनि खौरां मिथिहोनानै गावनि सुख-दुखु, गोजोननाय गोसो बायनाय, आंखाल खुद्रिनाय, गावनि साननाय-हनाय फोरमायनांगौ। बेनि अनगायैबो गावनि ओनसोल एवा गावनि फरायसालिनि जाथाइ आरि फोरमायनो हायो।

फोजोबनाय – लाइजामनि बे बाहागोआव वै फार्सेनिफ्राय फिन हास्थायनानै लाइजाम लिरग्राया बिदाय लानांगौ एबा फोजोबनांगौ।

जोबथारनायाव – एसेनोसै, नोंनि लोगो/ लोगोजो होननानै गावनि मुखौ लिरनांगौ/ नाथाय मानसि लानानै सोमोन्दो लानाया गुबुन गुबुन जायो। जेरै सिनायनाय मानसि, खुरमा-बाहागि, लोगो-लोगोजो आरिनि बेलायाव एसेनोसै, नोंथांनि/ नोंनि लिरनानै गावनि मुंसाइ एबा नआव गावज्रिनाय, मिथिनाय मुंखौ लिरनांगौ ।

– मानगोनां गेदेमानिसिम लिरनाय लाइजामाव एसेनोसै, नोंथांनि फोथायग्रा,

– हांखायनाय लाइजामाव सरासनस्रा एसेनोसै, खर’ गंग्लायै, नोंथांनि फोथायजाथाव,

– बिफानारि बिगुमानो (गोरायुं/ गाहाइ फोरोंगिरि) लिरोब्ला एसेनोसै, नोंथांनि मानिग्रा फरायसुला/ फरायसुलि,

– मावख’ आरो फालांगि सोमोन्दोनि लाइजामाव एसेनोसै, नोंथांनि फोथायजाथाव,

– नोंथांनि/ नोंनि मोजां हास्थायग्रा नौनि / नोंथांनि सिबिग्रा आरि लिरनांगौ।

लाइजामनि बाहागोफोर –

लाइजामनि गाहाइ बाहागोआ मोननै- बाहेरा आरो इसिं बाहागो। बाहेरा बाहागोआव थायो लाइजामखौ जायनिसिम हरो बिथांनि थामहिनबा मोनग्रानि आरो खनाफार्से लाइजामखौ जाय हरो एबा दैथायो बिथांनि आबुं थं लिरनांगौ इसिं बाहागोआव थायो थांखिजानाय, सोमोन्दो लानाय, गुबै बाहागो आरो फोजोबनाय।

गुसुडैनो मोजां लाइजाम लिरनो हानाया मोनसे मोजां गुन आरो लाइजाम मोनोब्ला फिन होफिननाया गोनां विवान। लाइजाम हरलाय-लाबोलायनि गेजेरजों मानसिनि गेजेराव मोजां सानज्लायनाय – अनज्लायनाय आरो समाजारि सोमोन्दो दाफुं जायो। लाइजाम लिरनानै गोसोनि साननायखौ उदाडै फोरमायनो हानायखाय गोसोनि आबेगारि उसाव-बादावआ जिमायफ्रामजोबो ।

लाइजामनि रोखोम-

(1) गावारि लाइजाम।

(2) आर’जलाइ लाइजाम।

(3) फालांगियारि लाइजाम।

(4) मावख ‘आरि लाइजाम।

फरायसालियाव नुजायाब्ला सोलोंनायावबो खहा जायो। बै खहाखौ जों माबोरैसुफुंनो हायो दोलोआव सावरायनि फै।

फिनः

राइजोआरि भज’नि ओंखाम जायोब्ला गाहायाव मख ‘नाय माबे माबे जाहोननि थाखाय जोंनि उदैया गाज्रि जानो हागौ ?

– गोथाव मोननानै गोबां जायोब्ला

– इंखियाव बांद्राय फानलु मसला जायोब्ला

– समबादगा जानायनि थाखाय

हान्जायाव सावरायना लिर।

(क) गोगो लोंग्रा दैनि राहा खालामनो खावलायना गाहाइ फोरोगिरिनिसिम आर’जलाइ।

(ख) गोदान फरायसा बरायनाय मेल खुनायनि रोंमोनथाइ फोरमायना लोगोनिसिम गांसे लाइजाम।

(ग) लाइजाम आरो आर जलाइनि गाहाइ बाहागोफोरा मा मा ? बबे बाहागोआव मा लिरनो नांगौ ?

घ – मावथांखि

जायगानि लाइजाम सोग्रा (डाकन’) सिम थांनानै बैयाव जानाय हाबाफोरनि गुमुर लानानै गाहायनि आयदाफोरनि सायाव रेबसुं लिर। ( नांगौ जायोब्ला लाइजाम सोग्रानि दांसाफोरनि मदद ला)

● डाक थिखिद

● पष्ट कार्ड

● लाइजाम खब

● मनि अर्डार

● दोनथुमनाय/ डाक बीमा

● पिन क’द नम्बर

बानाय –

● लाइजाम खब

● हामब्लाय लाइजाम

✪ दाउ आरो मानसि आयदानि बिजाबनि PDF नांगौब्ला बेयाव थु

✪ नसिम थांनोब्ला बेयाव थु

थेबगांनि आर’जलाइ| Tebgangni Arojlai | Class 5, Bodo