दाउ आरो मानसि | थाखो 5 | फरा 2 | बिथ’राइ | सोंनाय फिननाय Dao Arw Mansi Class 5 Lesson 2 Bodo Medium Question and Answer
दाउ आरो मानसि
बे दाउ आरो मानसि आयदाया आसाम हादोरसानि सिंआव सोलिगासिनो थानाय थाखो 5 नि बिथ’राइ आयदानि 2 थि फरा एबा आयदानिफ्राय लानाय जादों। बे आयदानि फरानिफ्राय लानो गोनां हारोंथाइफोरा जाबाय –
✪ सल ‘बाथा खोनानानै हमदांनो हानाय आरो बुंनो हानाय।
✪ फरानि सल ‘बाथाखौ फरायना गावनि रावजों बुंनो हानाय।
✪ सल ‘बाथा फरायनानै सल ‘बाथानि सोमोन्दै हमदांनो हानाय आरो बायदि सौंथिनि फिननाय होनो हानाय।
✪ दाउ-हारिया, मानसि थामहिनबा आबादारिनि थाखाय दि जोबोद बान्जायग्रा बैनि सोमोन्दै मिथिनाय।
✪ गावनि खाजा जुथिनि थाखाय दाउ सिथारनाया दि साबजाथाव नङा बैनि सोमोन्दै मिथिनाय।
✪ से सानराइ, बां सानराइ, थि दिन्थिग्रा बासेब, आथोन, दाजाबदा, बेखेवफानि बाहायनाय सोमोन्दै मिथिनाय
✪ उल्था सोदोब मिथिनाय, बाथ्रा दानो हानाय, मुंमा, मुंसाई आरो मुंलालि सोदोबमाखौ सिनायनो हानाय।
✪ गोदान सोदोबनि ओंथि मिथिनो हानाय।
✪ ब्ज, स्र, -दाजाबहांखोनि लोगोआव सिनायथि लानो हानाय आरो लिरनो हानाय।
✪ मावथांखिनि गेजेरजों जेंना सुफुंनो हानाय।
मावफारि
दाउ आरो मानसि | थाखो 5 | फरा 2 | बिथ’राइ | सोंनाय फिननाय Dao Arw Mansi Class 5 Lesson 2 Bodo Medium Question and Answer
क–फरागुदियारि
सल’खौ मोजाङै फराय आरो गावनि रावजों बुं।
फिननाय हो
(क) बोर्लास्रोनआ माबादि आखुनि राजामोन ?
फिनः बोर्लास्रोनआ मैहुर मोजां मोनग्रा आखुनि राजामोन।
(ख) बोर्लास्रोननि आंगो जामुंआ मामोन?
फिनः बोर्लास्रोननि आंगो जामुंआ दाउ बेदर।
(ग) सल’आव मानसिनि बान्जायग्रा जिउनां होनना सोरखौ बुंनाय जादों ?
फिनः सल’आव मानसिनि बान्जायग्रा जिउनां होनना दाउखौ बुंनाय जादों ।
(घ) मोनबारुआ हाबा लानाय राजखुंग्रिनि मुङा मा ?
फिनः मोनबारुआ हाबा लानाय राजखुंग्रिनि अनाथि ।
(ङ) मोनबारुआ राजाखौ राइजोनि गोजोननि थाखाय मा खालामनो सुबुरुन होदोंमोन ?
फिनः मोनबारुआ राजाखौ राइजोनि गोजोननि थाखाय दाउ सिथारनायखौ बन्द खालामनो सुबुरुन होदोंमोन ।
सोर, सोरखौ, माब्ला आरो मानो बुंदोंमोन बेखेवना लिर।
(क) “थारैनो दाउफोरआ आबादारिफोरनि आंगो लोगो। बेनिखायनो राइजोनि गोजोननि थाखाय नोंथाडा दाउ मैहुर खालामनो एंगारस्रायोब्ला मोजां जागौ।”
फिनः गोजौनि बाथ्रा खोन्दोखौ मोनबारुआ बोर्लास्रोनखौ बुंदोमोन। मोनोना राजाया दाउ सिखार खालामो आरो दाउ बेदर नङाब्लानो ओंखाम जायोमोन बेनिखायनो मोनबारुआ दाउ सिथारनायखौ नागारहोनो राजाखौ बुंदोंमोन।
(ख) “बे दाउफालोखौ नोंथाङा लाना थांदो। दाउफालोखौ नोंथाङा गावनि फिसा बादियै फिसिना गेदेर-गोलाउ खालाम। ”
फिनः “बे दाउफालोखौ नोंथाङा लाना थांदो। दाउफालोखौ नोंथाङा गावनि फिसा बादियै फिसिना गेदेर-गोलाउ खालाम। ” बे बाथ्रा खोन्दोखौ मोनबारुआ बोर्लास्रोन राजाखौ बुंदोंमोन जेब्ला बिथांआ बिबायनो गोनां जादोंमोन।
जाहोन दिन्थिना लिर
(क) बोर्लास्रोन राजानि राज्योआव मानो अखा गैया जाखो ?
फिनः बोर्लास्रोन राजाया दाव बेदर जानो जोबोद मोजां मोनोमोन। दिदिनो नांनायनि बांसिन दाव सिथारबाय थानायाव बिथांनि राइजोआव दाउआ जोबलांदोमोन आरो दाउ जोबलांनाय लोगो लोगो एम्फौ एनलानि अनजिमाया बांलांनानै दुब्लिनि आबाद, बिफां-लाइफांफोरखौ जाजोबदोंमोन। बिफां-लाइफांनि आंखालाव अखा हानाया गैया जालांदोमोन।
(ख) एम्फौ-एनलानि अन्जिमा बांनाया बोर्लास्रोननि राज्योआव मा जाथाइ सोमजि होखो ?
फिनः एम्फौ-एनलानि अन्जिमा बांनाया बोर्लास्रोननि राज्योआव दुब्लिनि आबाद जाना फोजोबदोंमोन। बिफां-लाइफां बेन्दों-बिलाइफोरा रानलांदोमोन। अखा हायै जादोंमोन जाउनाव हादराव जानाय आदारनि आंखाल नुजाथिदोंमोन।
(ग) मोनबारुआ बोर्लास्रोनखौ माबादि मदद खालामदोंमोन ?
फिनः मोनबारुआ बोर्लास्रोनखौ इयुनाव माब्लाबाबो दाउ सिथार नांलिया होनना गावनि राइजोनिफ्राय दाउ फालो हरनानै मदद खालामदोंमोन।
राजा बोर्लास्रोनआ बिबायै बिबायै थांना सोरनि राज्योआव सहैदोंमोन ? बेनि उनाव बिथांहा मा जादोंमोन फोरमायना लिर।
फिनः राजा बोर्लास्रोनआ बिबायै बिबायै थांना मोनबारुनि राज्योआव सहैदोंमोन। मोनबारुआ बोर्लास्रोन राजाखौ सिनाय मोननानै बिथाडा बोर्लास्रोनखौ बरायना राजउलाफादनि आलासि जिरायसालियाव आलासि सिबिबाय। बेनि उनाव मोनबारुआ बोर्लास्रोननि सिगाङाव गावनि सिनायथि होनानै बुंबाय- महाराजा, आं मोनबारु। आंनो नोंथांखौ दाउ गावथारनायाव हैंथा होदोंमोन।
ख- राव फरायसंनाय (बाहायारि रावखान्थि)
दाजाबहांखो सिफायनानै फरायनि आरो लिरनि फै-
न्ब – न + ब न जों ब जों न्ब – समन्बय, अन्बेषण
ब्ज – ब + ज ब जों ज जों ब्ज – थुब्जा, कुब्ज, कब्जा
ब्द – ब + द ब जों द जो ब्द – गब्दा, खाब्दाब, जाब्दा
ग्द – ग + द ग जों द जों ग्द – आग्दा, जोग्दाव, बोग्दाव
दाजाबहांखो दानि फै-
न + ब न जों ब जों न्ब
ब + ज ब जों ज जों ब्ज
ग + द ग जों द जों ग्द
फरायनि फै
दर्जायाव कब्जा लागायनाय जायो।
गब्दाया दर्जायाव कब्जा लागायदों।
समन्बय सोदोबआ असमीयायाव गोरोबलायनाय।
जाब्दाया खामानियाव खाब्दाब खालामो।
लागामखौ बोग्दावब्ला गराइया जोग्दावो।
मिथिना लानि फै- न्ब, ब्ज दाजाबहांखोफोरा बर’ रावआव बाहाय जाया, दाजाबहखो सिनायनोल’ होनाय जादों। बेनिखायनो असमीया रावजों सिनायथिल’ जानो होनाय जाबाय।
उल्था आथोन फोरमायनाय सोदोब लिर-
बिदिन्थि – राजा – रानी
हौवासा – हिन्जावसा
लोगो – बिलोगो
सेंग्रा – सिख्ला
हौवागोदान – हिन्जाव गोदान
सोदोबफोरखौ सिफायना दिन्थि-
बिदिन्थि –
| सोदोबमा | सोदोब | बेवफा |
| मोनबारुआ | मोनबारु | + आ |
| सेंग्राया | सेंग्रा | + या |
| दाउफालोखौ | दाउफालो | + खौ |
| राजाखौ | राजा | + खौ |
| थिरजों | थिर | + जों |
| हादरसिम | हादर | + सिम |
उल्था ओंथि दिन्थिग्रा सोदोब लिर-
साबजानाय, बान्था, आगान सुरजेननाय, मोजां फिथाइ, खुंग्रि, गोजोनगैयि, आंगो, नुजाथिनाय
फिनः
साबजानाय – साबजायि,
बान्था – साजा ,
आगान सुरजेननाय – आगान फोजोबनाय ,
मोजां फिथाइ – गाज्रि फिथाइ,
खुंग्रि – ,
गोजोनगैयि – गोजोन,
आंगो – सुथुर,
नुजाथिनाय – एरायनाय (गोमोरनाय)
बाथा दा –
आलो-गोजोन, गेदेर-गोलाउ, दाउमा-दाउसा, बिफां-लाइफां, हालाय-हाफाय
फिनः
आलो-गोजोन – नाफोरा दैयाव आलो गोजोन दाउदों।
गेदेर-गोलाउ – गेदेर गोलावफोरनि बाथ्राखौ जों मोनिनांगौ।
दाउमा-दाउसा – दाउमा दावसाफोरनो आदार होनांगौ।
बिफां-लाइफां – बिफां लाइफांआ जोंनो आदार जगायो।
हालाय-हाफाय- खैफोदाव गोलैब्ला हालाय हाफाय जानाङो।
फरानिफ्राय नागिरनानै दिहुनना गाहायनि फारिलाइयाव मुंमा, मुंराइ आरो मुंलालि सोदोबमा लिर।
| मुंमा | मुंराइ | मुंलालि |
| दाउ | बिथाङा | गुरै |
| बोर्ला | आं | मोजां |
| एम्फौ | बिनि | रागा |
| दाउस्रि | नोंथां | गांगाथेफा |
| अख्रां | गावनि | अनमुं |
मिथिनि फै
से सानराइ आरो बां सानराइनि गुमुरखौ थाम आरो ब्रै थाखोनि फराय बिजाबाव मोनबाय से सानराइयाव जिउनां एबा बेसादखौ थि एबा थोंजोङै दिन्थिनो सोदोबनि उनाव सासेया, मासेया, गंसेया, थसेया, मोनसेया बायदि बासेब बाहायनाय जायो। बेफोरनो थि दिन्थिग्रा बासेब।
बिदिन्थिबादियै, मानसि सासेया बुंनायाव सासे मानसिखौ फोरमायनायनि अनगायैबो सोरबा सासे मानसिखौबो थियै फोरमायदों खायसे थि दिन्थिग्रा बासेबखौ गाहायाव मुंख ‘नाय जाबाय-गंसेखौ, फांसेया, गंसेया, थरसेया, सासे, गांसेया बायदि बायदि। सोदोबआव बाहायब्ला जागोन-मानसि सासेया, सासे हिन्जावसाया, औवा थसेया, खुन्था गंसेया, सिखा गंसेया बायदि बायदि।
गाहायनि सोदोबफोरखौ नायफिन –
खानाइ जाफ्रुसे, माइरं मुथासे, बन फुलासे (बजासे) – बे सोदोबफोरा जाथोसे बेसादनिनो मोनफा थुबजा एबा हान्जा फोरमायदों। हान्जा फोरमायब्लाबो बेफोर से सानराइनि बासेब बादियै बाहाय जायो।
ग – गियान फेहेरनाय
दाउआ जोंनि मा मा बान्जायो हान्जायाव सावरायना लिर।
फिनः दाउआ जोंनि आबहावाखौ समानथि लाखिनायाव हेफाजाब होयो। दाउआ आबाद फसल गाज्रि खालामग्रा एमफौ एनलाफोरखौ जाना आबादखौ रैखा खालामनायाव मदद खालामो। माखासे दाउफोरा फसल आबादआव हाइना नांहोनायाव हेफाजाब होयो। दाउआ जोंनि मेनसे जामुं महरैबो बान्जायो।
दाउ-मि, बिफां- लाइफांनि लोगोआव मानसिहा नांजाबफानाय सोमोन्दोनि बाथ्राखौ हान्जायाव सावरायना लिर।
फिनः दाउ-मि, बिफां लाइफां जों लोगोआव मानसिहा नांजाबफानानै दं। दाउ-मि गैयाबोला जों आबाद मावनानै दिहुननो हाया। दाउफोरा जोंनि आबाद फसल जाग्रा एम्फौ एनलाफोरखौ जायो। मि जिब जुनारनि खि हासुदैफोरा हासार होयो। बिफां लाइफांफोरजों जों मानसिनि नांनाय गोबां बेसाद मुवाफोर बानायनानै लानायाव हेफाजाब होयो जेरै – न-बां, तेबोल-सियार, नांगोल, जुंगाल, मै, हासिनि बायदि बायदि।
घ – मावथांखि
✪ दाउनि सावगारि बुथुमना गांसे एलबाम बानाय ।
✪ आबहावा नेखार जायिनि थाखाय रायजोनि गेजेराव सांग्रांथि सोमजि होनो हानाय मोनथाम स्ल ‘गान लिरना थाखो-खथायाव आलायना दोन ।
✪ नों नुनाय आरो मिथिनाय, मानसिनि थासारिनि खाथि-खाला थानाय, दाउसिन- दाउलानि मुंनि गांसे फारिलाइ खालाम।
✪ दाउ आरो मानसि आयदानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु