आसामा जोंनि समायना | थाखो 5 | फरा 1 | बिथ’राइ | सोंनाय फिननाय Assama Jwngni Somaina Class 5 Lesson 1 Bodo Medium Question and Answer
आसामा जोंनि समायना
बे आसामा जोंनि समायना आयदाया आसाम हादोरसानि सिंआव सोलिगासिनो थानाय थाखो 5 नि बिथ’राइ आयदानि 1 थि फरा एबा आयदानिफ्राय लानाय जादों। बे आयदानि हारोंथाइफोरा जाबाय –
✪ खन्थाइ (मेथाइ) खौ थि देंखो, तालआव, खबामआव आवरायनो हानाय आरो रोजाबनो रो.नाय
✪ खन्थाइ (मेथाइ) खोनाना, फरायनानै बुजिनो आरो आवरायनो हानाय
✪ आसामनि आवहावानि सोमोन्दै मिथिनाय आरो समायनाखौ मोन्दांना बुंनो हानाय
✪ खन्थाइनि (मेथाइ) गुबै रावखौ गेबेडै बुंनो आरो लिरनो हानाय
✪ गावनि हादर, मिथिंगा मोजां मोननो गोसो सोमजि होनाय
✪ एखे ओंथि फोरमायग्रा सोदोब, उल्था ओंथि फोरमायग्रा सोदोब, दाजाबहांखो गोनां सोदोब दानो हानाय, बाथ्रा दानाय आरिनि गेजेरजों सोदोब बाख्रि बांहोनो हानाय
✪ देखोगिरि ड० भूपेन हाजरिकानि सोमोन्दै मिथिनाय
✪ आसामनि मिथिंगानि समायना आरो रावआदि हाजो-हायेननि मानसिनि गेजेराव गोरोबलायनायनि साइखं लुयो बेखौ मिथि होनाय
आसामा जोंनि समायना
आसामा जोंनि समायना, जोबनो गैया गुननि
भारतनिनो सान ओंखारग्रा राज्यो सानजा दिगिनि
अराय जिउ नागिरब्लाबो
सान हर बेसेबा गोबां
आसामनि बादि मोननो थाङा
हासार गोनां हा एसेबां
अराय गोजोनथाव सोमखोर आबहावाया नोंनि
भारतनिनो सान ओंखारग्रा राज्यो सानजा दिगिनि
बैसागोआव जोंनिनो बिमा
मुस्रा जाना गिदिडो
मागोआव माइनाव बरायनो
सनानि आखाइ फिदिङो
दुफांनि मोनाया हाथरखिजों खानाइ साजायो आइनि
भारतनिनो सान ओंखारग्रा राज्यो सानजा दिगिनि
हाजो हायेन खौसे खालामग्रा जाइख्लं बादि नुयो
नोंनि रावनि अननायफोरा गोरोबनायनि साइखं लुयो
बुरलुंबुथुरनि गुवार रुगुंखौ आं खुलुमनि
जोनोम मोनबाय बेयावनो,
थैनायाबो जाथों बेयावनो आंनि ।
देंखोगिरि – ड° भूपेन हाजरिका
राव दानस्लायगिरि – बिरुपाक्षगिरि बसुमतारी।
मावफारि
आसामा जोंनि समायना | थाखो 5 | फरा 1 | बिथ’राइ | सोंनाय फिननाय Assama Jwngni Somaina Class 5 Lesson 1 Bodo Medium Question and Answer
क – फरागुदियारि
मेथाइखौ गिबियाव गेबें आरो रोखा रिंसारजों फराय आरो बेनि उनाव आवराय।
मेथाइखौ हारसिङ आरो खौसेयै रोजाब ।
फिननाय हो-
(क) ड० भूपेन हाजरिकाया बिमा होननानै सोरखौ सोमोन्दो लादों ?
फिनः ड० भूपेन हाजरिकाया आसाम राइजोखौ बिमा होननानै सोमोन्दो लादों ।
(ख) मागो दानाव माखौ बरायनायनि बाथ्रा बुंदों?
फिनः मागो दानाव माइनाव बरायनायनि बाथ्रा बुंदों।
(ग) दुफांनि मोनाया आइनि खानाइखौ माजों साजायो ?
फिनः दुफांनि मोनाया आइनि खानाइखौ हाथरखिजों साजायो।
(घ) हाजो-हायेननि गोरोबनायनि सायखं सोर दायो ?
फिनःहाजो-हायेननि गोरोबनायनि सायखं रावनि अननायफोरा दायो ।
बे मेथाइयाव देंखोगिरि ड° भूपेन हाजरिकाया सान ओंखारग्रा राज्यो होनना बबे हादरसाखौ बुंदों ?
फिनः ड° भूपेन हाजरिकाया सान ओंखारग्रा राज्यो होनना आसाम हादरसाखौ बुंदों।
देखोगिरि ड० हाजरिकाया आसामनि बादि गुबुन जेरावबो मा मा नागिरना मोनैनि बाथा बुंदों ?
फिनः ड० हाजरिकाया आसामनि बादि गुबुन जेरावबो हासार गोनां हा नागिरना मोनैनि बाथा बुंदों।
देखोगिरिया बबेयाव थैनो लुबैयो ?
फिनः देंखोगिरि ड० हाजरिकाया आसाम राइजोआवनो थैनो लुबैयो।
ड० भूपेन हाजरिकाया आसामनि आबहावाखौ माबादि बुंदों गुवारै लिर।
फिनः ड° भूपेन हाजरिकाया आसामनि आबहावाखौ जोबोद मोजां मोननानै बेनि बागै दोंसे खन्थाइ (मेथाइ) लिरदों। भारतनि सान ओंखारग्रा राइजो हाननानै बुंदों। आसामा जोबोद समायना आरो बेहा जोबनो गैयै गुननि बागै बुंदों। ड° भूपेन हाजरिकाया अराय जिउआव हर सान नागिरब्लाबो आसामनि हासार गोनां हा बादि मोननो थाङा होनना बुंदों। आसामनि आबहावाया सोमखोर होनना बुंदों। बैसागोआव जोंनिनो बिमाया मुस्रा जाना गिदिङो आरो मागोआव माइनाव बरायो। दुफांनि मोनाया आइनि खानायखौ हाथरखिजों साजायो होनना बुंदों। आसामनि रावनि अननायफोरा गोरोबनायनि साइखं लुयो। ड° भूपेन हाजरिकाया बुरलुंबुथुरनि गुवार रुगुंखौ बिथांआ खुलुमो मानोना बुरलुंबुथुरा आसामनि जिउ राहा होगिरि। ड° भूपेन हाजरिकाया बेयावनो जोनोम लाबाय आरो बेयावनो थैनोखौबो आसा खालामदों।
हान्जायाव सावरायनानै गुवारै लिर-
(क) जाइख्लङा मा ? बेयो माबोरै हाजो-हायेन खौसे खालामो ?
फिनः फ्रि फ्रि अखायाव अख्रांआव नुनो मोननाय बोरला बादि स्नि (7) था रंनि जथाइखौनो जाइख्लं बुङो। जाइख्लंंआ हाजो हायेन खैसे खालामनायनि ओंथिया हाजो आरो हायेननि सुबुंनि खौसेनि खोथाखौनो बुंदो।
(ख) बुरलुंबुथुरनि ओंथिया मा? बेनि गुवार रुगुंखौ देंखोगिरिया मानो खुलुमो?
फिनः बुरलुंबुथुरिन ओंथिया बुरलुंबुथुर दैमा।
बुरलुंबुथुरा आसामनि जिउ राहा बादि बेनिखायनो देंखोगिरिया खुलुमदों।
मेथाइनि गुबै बाथ्राखौ बुं आरो लिए।
फिनः भारतनि सान ओंखारग्रा राइजोआनो जाबाय आसाम। आसामा जोबोद समायना आरो बेहा जोबनो गैयै गुनबो दं। अराय जिउआव हर सान नागिरब्लाबो आसामनि हासार गोनां हा बादि मोननो थाङा। आसामनि आबहावाया सोमखोर। बैसागोआव जोंनिनो बिमाया मुस्रा जाना गिदिङो आरो मागोआव माइनाव बरायो। दुफांनि मोनाया आइनि खानायखौ हाथरखिजों साजायो। हाजो हायेन खौसे खालामग्रा जाइख्लंबादि रावनि अननायफोरा गोरोबनायनि साइखं लुयो। बुरलुंबुथुरनि गुवार रुगुंखौ बिथांआ खुलुमो आरो जोनोम आरो थैनायखौबो बेयावनो जाबाय थानो लुबैयो।
ख – राव फरायसंनाय (बाहायारि रावखान्थि)
फरानि दाजाबहांखोफोरखौ सिफायना दिन्थि आरो बै दाजाबहांखोनि मोनफ्रोमबोजों मोननैयै गोदान सोदोब लिर।
जेरै- नागिरब्लाबो → ब्ल → ब + ल, थब्ल, गब्ल
फिनः राज्यो → ज्य→ ज + य, सैज्य, धैज्य
ओंखारग्रा → ग्र→ ग + र, दैग्रा, सैग्रा
खालामग्रा → ग्र→ ग + र, गग्रा, फांग्रा
जाइख्लं →ख्ल→ ख + ल, सख्ल, बख्ल
बिदिन्थियाव होनाय बादियै सोदोब दा –
(क) बिदिन्थि – रुफा – रुफाथि, स’ना …………, मैना ……….., गय ………………..
फिनः रुफा – रुफाथि, स’ना – सनाथि , मैना – मैनाथि, गय – गयथि
(ख) बिदिन्थि – जिउ – जिउनां, माव…………, सिबि…………, फुजि …………
फिनः जिउ – जिउनां, माव – मावनां, सिबि – सिबिनां, फुजि – फुजिनां
(ग) बिदिन्थि – उदां- उदांस्रि, बिदां …………, लाइ…………, थाइगिर…………
फिनः उदां- उदांस्रि, बिदां – बिदांस्रि, लाइ – लाइस्रि, थाइगिर – थाइगिरस्रि
(घ) बिदिन्थि – रंजा- रंजाथिलि, खोथिया …………, सबाइ माइ …………, माइ …………
फिनः रंजा- रंजाथिलि, खोथिया – खोथियाथिलि, सबाइ – सबाइथिलि, माइ -माइथिलि
हान्जायाव सावरायनानै एखे ओंथि फोरमायनाय सोदोब (एखे ओंथिनि सोदोब) लिर –
बिदिन्थि – थुंगेनाय – जोबनाय
फिनः
गोबां – जोबनो गैयै
अराय – जेब्लायबो
खौसे – ज’ जानाय
रुगुं – सिमा
जोनोम – उजिनाय
गाहायाव होनाय सोदोबफोरनि उल्था ओंथि फोरमायनाय सोदोबफोरआ मेथाइयाव दं। बेनिफ्राय नागिरना दिहुननानै लिर-
जेरै –
»दङ’ – गैया »दान्दिसे – अराय
फिनः-
हाबग्रा – ओंखारग्रा
हर – सान
दै – बोरि
सोनाब – सान्जा
गावस्रानाय – ज’ जानाय (खौसे जानाय)
गेसेब – गुवार
थांनो – फैनो
हाजो – हायेन
लेथेर-फेथेर – जमा
मोनसे सोदोबाव फोरमाय-
जेरै – सावगारि बोयो (आखियो) जाय – महरगिरि
फिनः
(क) मेथाइ लिरो जाय – मेथाइ लिरगिर
(ख) मेथाइनि देंखो होयो जाय – देंखोगिरि
(ग) मेथाइ रोजाबो जाय – रोजाबगिरि
(घ) नायजाब लिरो जाय – लाइजाब लिरगिर
(ङ) फाव दिन्थियो जाय – फाव दिन्थिगिरि
गाहायाव होनाय सोदोबफोरजों बाथ्रा दा –
फिनः
समायना – आसामा नाइनो समायना।
अराय – साना सानजाहा अराय ओंखारो।
सोमखोर – लाइफांफोरा सोमखोर समायना।
खौसे – सुबुं माहारिया खौसेयै राइजो जाना थायो।
थुबुर – जथुमाव मानसिफोरा थुबुर दं।
ग- गियान फेहेरनाय
फिननाय हो –
(क) मेथाइयाव ‘म’ हांखोखौ 16 खेब बाहायनाय जादों। ‘र’ हांखोखौ खेब बेसे बाहायनाय जादों?
फिनः मेथाइयाव ‘म’ हांखोखौ 16 खेब बाहायनाय जादों। ‘र’ हांखोखौ 22 खेब बाहायनाय जादों।
(ख) मेथाइयाव नैथि महर ‘ा’ गारां हांखोखौ 103 खेब बाहायनाय जादों। मेथाइयाव माबे माबे गारां महरखौ खेबसेबो बाहायनाय जायाखै ?
फिनः मेथाइयाव नैथि महर ‘ा’ गारां हांखोखौ 103 खेब बाहायनाय जादों। बेयाव ‘ ी ू ृ सोदोबफोरखौ बाहायनाय जायाखै।
(ग) मेथाइयाव थानाय न आरो नि जोबथा हांखो थानाय सोदोबफोरखौ लिर।
फिनः गुनि, दिगिनि, सान, आसामनि, नोंनि, सनानि, दुफांनि, आइनि, रावनि, गोरोबनायनि, बुरलुंबुथुरनि, खुलुमनि आरो आंनि।
नायनो गोनांः-बिजाबाव थानाय गाहानि फिनखौ लिरनांगौब्ला बिजाबाव थायै सोदोबफोरखौ साफा थारनांगोन मानोना बर’ खन्थाइ (मेथाइयाव) थोजासे नांगौबादि ‘न’ आरो ‘नि’ सोदोब गैया असमिया खन्थाइआवसो दं।
| न जों जोबथानाय सोदोब | ||||||||||||||||||||||||||||
|
| नि-जों जोबथानाय सोदोब | |||||||||||||||||||||||||||||||||||||||||||||||||||||||||||||||
|
गाहायाव होनाय बिदिन्थिखौ नायनानै गोदान सोदोब दा
थार, बुथर, सिथार,
थर, थरफा, थरथिं,
खन जाखन बेंखन
आदै, मादै, बियादै
जखा, लांखा, हाखा
जमा, जखा, जरा
हामा, लामा, जामा
गल, गला, गनसा
जोनोम मोनबाय बेयावनो थैनायाबो जाथों बेयावनो आंनि होनना ड० भूपेन हाजरिकाया मानो बुंदों? हान्जायाव सावरायनानै लिर-
फिनः ड° भूपेन हाजरिकाया आसाम राइजोआव जोनोम मोन्दोमोन। बिथांआ आसाम राइजोखौ जोबोद मोजां मोनो। आसामनि हा-दै, आबहावा मिथिंगा गासैखौबो जोबोद मोजां मोनो जायनि थाखायनो बिथांआ आसाम राइजोआवनो जोनोम मोनबाय आरो बे राइजोआवनो बिथांआ थैनोखौबो आसा खालामदों बेनिखायनो बिथांआ खन्थाइयाव बे ‘जोनोम मोनबाय बेयावनो थैनायाबो जाथों बेयावनो आंनि’ होनना बुंदों।
घ – मावथांखि
• “आसामा जोंनि समायना” बेयो मोनसे हादर मोजां मोननाय मेथाइ। बेबादि हादर सिबिनाय मोननाय गुबुन मोनसे मेथाइ बुथुमना रोजाब।
• आसामनि बायदि हारि-हारिसानि गेजेराव सोलिनाय जायगानि मोसानाय सावगारि बुथुम। बेफोर सावगारिखौ एलबामआव सिथाबना मोसानाय मुं, सोर हारि-हारिसानि गेजेराव सोलिनाय आरो बबे रंजाथाइजों सोमोन्दो दं बेनि सोमोन्दै लिरना दोन।
मिथिना दोन –
भूपेन हाजरिकानि जिउ फान्जामुथि।
1926 : 8 सेप्तेम्बरआव शदियायाव जोनोम, बिफा – नीलकान्त हाजरिका
1930 : 5 बोसोर बैसोआवनो गुवाहाटीनि कटन कलेजियेट फरायसालिनि आफादआव गिबि खेबनि थाखाय मेलआव मेथाइ खनो।
1936 : जयमती सावथुननि थाखाय दोंनै मेथाइ रेकर्ड जायो।
1937 : “कुसुम्बर पुत्र श्रीशंकर गुरुवे धरिछिल नामरे तान” गिबि मेथाइ रनसायो।
1939 : “इन्द्रमालती” सावथुनआव फाव लायो आरो “मइना केतिया आहिलि तइ” मेथाइखौ खनो।
1940 : तेजपुर सरकारि हौवासा गोजौ फरायसालिनिफ्राय मेट्रिक आनजाद उथ्रियो ।
1942 : कटन कलेजनिफ्राय इन्टारमिडियेट पास खालामना “बेनारस हिन्दु मुलुग सोलोंसालि आरो स्कुल अब आर्ट” आव मुं थिस ‘नो।
1943 : आकाशवाणीयाव मेथाइ खनो।
1946 : राजखान्थि बिगियानआव एम. ए. पास खालामना बि. बरुवा कलेजआव बिबुंगिरि महरै हाबो।
1948 : “चिराज” सावथुननि संमेथाइखौ दैदेनो।
1952 : कलम्बिया मुलुग सोलोंसालियाव बिजिरसंनाय डक्ट’रेट डिग्री लायो। बिथांनि थेसिसनि आयदाया “मासकमिउनिकेशन इन इण्डियास एडाल्ट एडुकेशन” मोन।
1954 : 1 आगष्टआव प्रियम्बदा पेटेलजों जुलि जायो।
1960: “मानुहे मानुहर बाबे” मेथाइखौ रनसायो ।
1961 : ‘शकुन्तला’ सावथुननि बिथोनगिरि, बे सावथुननि थाखाय हादरगिरिनिफ्राय बान्था मोनो।
1966 : “लटि-घटि” सावथुननि थाखाय हादरगिरिनिफ्राय बान्था मोनो।
1967 : नावबैसा जथाइनिफ्राय असम बिधान सभासिम एम. एल. ए. महरै सायख’ जायो।
1973 : गिबि खेबनि थाखाय हिन्दी सावधुननि संमेथाइ दैदेनो।
1976 : हादरारि फिल्म फेष्टिभेलआव साबसिन संमेथाइ दैदेनगिरिनि “स्वर्णकमल बान्था” मोननो हायो
1985 : हादरारि फिल्म बान्थानि जुरिनि आफादगिरि जायो।
1988 : आसाम सरकारनि “श्रीमन्त शंकरदेव बान्था” मोनो आरो भारतनि संगीत नाटक अकादेमीनिफ्राय बान्था मोनो।
1993 : असम साहित्य सभानि आफादगिरि सायख’ जायो आरो “दादा साहेब फाल्के बान्था” मोननो हायो ।
1998 : संगीत नाटक अकादेमीनि आफादगिरि सायख’ जायो।
2001 : भारत सरकारनि “पद्मभूषन” सन्मान मोननो हायो।
2008 : आसाम सरकारनि “असम रन्त बान्था” मोनो।
2011 : 5 नबेम्बरआव जिउ गोमायो।
2012 : भारत सरकारनि गेजेरजों थैनायनि उनाव ‘पद्मविभूषन’ बिमुं मोनो।
✪ आसामा जोंनि समायना आयदानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु
Good work sir hope u will cover all sub. And syllabus, best wishes from me
साबायखर सानफ्रोमबो मोनसे मोनसेयैब्लाबो सोदोबनि नाजागोन