जोंनि जोनोम हादर |थाखो 4| फरा 1| बिथ’राइ | सोंनाय फिननाय Jwngni Jwnwm Hador Class 4 Bodo Medium Question and Answer
जोंनि जोनोम हादर
बे जोंनि जोनोम हादर आयदाया आसाम हादोरसानि सिंआव सोलिगासिनो थानाय थाखो 4 नि बिथ’राइ आयदानि 1 थि फरा एबा आयदानिफ्राय लानाय जादों। बे आयदानि हारोंथाइफोरा जाबाय –
✪ खन्थाइखौ खोनानानै आरो बुजि मोननानै आवरायनो हानाय।
✪ मिथिनाय, खोनानाय आरो गोदानै रोंनाय खन्थाइ आरि रोजाबनो हानाय।
✪ जोबथा हांखो रिसारथिनि गोरोबनाय सोदोब बुंनो आरो लिरनो हानाय।
✪ सोदोबनि ओंथि बुंनो हानाय आरो लिरनो हानाय।
✪ गावनि हादरनि बागै मिथिनाय आरो हादरनि मान सावगारि बोनो हानाय।
✪ हादर अनफाउरि जानाय आरो हादर मोजां मोननाय खन्थाइ, मेथाइ आरि फरायनो/ मिथिनो गोसो जानाय।
जोंनि जोनोम हादर
मा एसे समायना मा एसे रमायना
जोंनि भारत बिमानि मिथिंगा महरआ,
जेथिंबो हाजो-हाला सोमखोर हायेन
दैमा- दैसा आरो जेरैबो गोजोन निजोरा।
बिबार बारियाव समायना बिबार
बिलिरफैयो गोजोननाय सुदेम बार,
बोथोरनि आबादा होयो जोंनो आदार
भारत बिमा,नों जोंनि जोबोर आंगोथार ।
बायदि दोहोरोम आरो राव-हारिमु
दंबावोसो आसार- आरिमु बायदिसिना,
बायदि जोमनाय बायदि गाननाय
आरोबावसो दं सल’ फोरमायथावना ।
अराय सिबिगोन आरो बान्जायगोन
जों खौसे भारतारि गैथारा फारागथि,
हेंथा होलांगोन जों सुथुरखौ अराय
रैखा खालामलांगोन जों नोंनिनो आब्रुथि।
खन्थाइगिरि- कातिन्द्र सोरगियारि
सोंनाय बिदां
जोंनि जोनोम हादर |थाखो 4| फरा 1| बिथ’राइ | सोंनाय फिननाय Jwngni Jwnwm Hador Class 4 Bodo Medium Question and Answer
फरा बिजाबनि सोंनाय आरो फिननाय
खन्थाइगिरिया गोग्गानाय जोबोर समायना-रमायना हादरनि मुङा मा?
फिनः खन्थाइगिरिया गोग्गानाय जोबोर समायना-रमायना हादरनि मुङा भारत हादर।
खन्थाइयाव खन्थाइगिरिया मा मा सोदोब बाहायना गावनि हादरनि गुन फोरमायदों लिर।
फिनः खन्थाइगिरिया गावनि हादरनि गुनखौ- मिथिंगा महर, सोमखोर हायेन, गोजोन निजोरा, सुदेम बार बायदि सोदोब बाहायना फोरमायदों।
मुंनि फारिलाइ खालाम
(क) “बिबार बारियाव समायना बिबार”
माखासे अराय बोथोराव बारग्रा बिबारनि मुं लिर-
फिनः बिबारनि मुं फारिलाइ
» गलाब, » जबा, » अशक, » दथुरा, » फुल दावदै, » पारबथि , » फाजाथि, »चम्फा, »सामेलि, » गसाई फुल
(ख) “बोथोरनि आबादा होयो जोंनो आदार”
माखासे आबादफोरनि मुं लिर –
फिनः आबादनि मुं फारिलाइ –
» माइ, » गम, » सिबिं, » बेसर, » गुजि, » सिबिं, » जुखाम, » फाथो, » देमसि, » दालि।
गासैनिखुइबो, बयनिखुइबो बायदि सोदोब बाहायनानै गाहायनि बाथ्राफोरखौ आबुं खालाम।
(क) भारतनि दैमाफोरनि मादाव गंगाया ……………. लाउसिन आरो बुरलुंबुथुरा ………………. गुवारसिन ।
फिनः भारतनि दैमाफोरनि मादाव गंगाया बयनिख्रुइबो लाउसिन आरो बुरलुंबुथुरा बयनिख्रुइबो गुवारसिन ।
(ख) माजुलीया बुहुमनि मादाव …………. देरसिन दैमाद्वीप।
फिनः माजुलीया बुहुमनि मादाव बयनिख्रुइबो देरसिन दैमाद्वीप।
(ग) काजिरङानि जिब-जुनारफोरनि मादाव थसे गङारि गान्दाया ……………….. मोननो गोब्राबसिनथार जुनार ।
फिनः काजिरङानि जिब-जुनारफोरनि मादाव थसे गङारि गान्दाया गासैनिख्रुइबो मोननो गोब्राबसिनथार जुनार ।
(घ) गुबुननि बेसादखौ लुबैनाया ………….. गाज्रि आखु ।
फिनः गुबुननि बेसादखौ लुबैनाया बयनिख्रुइबो गाज्रि आखु ।
(ङ) खामानि मावनो बानाया …………. गाज्रि आखल।
फिनः खामानि मावनो बानाया बयनिख्रुइबो गाज्रि आखल।
मिथिनि फै
रुजुनाया मोननै एबा गोबांनि गेजेराव जायो। बेबादियाव दाय-गुन, गोबां- ऐसे फोरमायनो थाखाय सरासनस्रायै ‘ख्रुइ’ दाजाबनानै रुजुनाय जायो। जेरै- अनजिमाया जिउमानिख्रुइ समायनासिन। खुनआ लहानिखुइ रेजेंसिन गैथारि बिमाइनिख्रुइ खाना बिमाइयानो गाहाम।
गाहायाव होनाय बाथ्राफोरजों रुजुनाय बाथा दा
• दुखारुआ रानथें, अनारुआ गुफुं।
फिनः दुखारुआ अनारुनिख्रुइ रान्थेंसिन।
• आमलाइ बिफाङा गोजौ, फानथाव बिफाङा गाहाय।
फिनः आमलाइ बिफाङा फानथाव बिफाङनिख्रुइ गोजौसिन।
• लैथोआ गुवार, बिलोआ गुसेब।
फिनः लैथोआ बिलोनिख्रुइ गुवारसिन।
सोदोब दा
हो
हो + खार = होखार
हो + थे = होथे
हो+ लां = होलां
हो + सोम = होसोम
बारि
हाग्रा + बारि = हाग्राबारि
माइ + बारि = माइबारि
गांसो + बारि = गांसोबारि
मैगं + बारि = मैगंबारि
खाथिनि आयजेंनिफ्राय ओंथि लानानै मोनसे सोदोबजों फोरमाय।
(खौसेथि, जुगामि, आबादथिलि, औवाबारि, समायना)
जोबोद नायनो मोजां = समायना
आबादजों बुंफबनानै थानाय जायगा = आबादथिलि
बयबो गोरोब लायना थानाय = खौसेथि
औवा बिफांजों बुंफबनाय जायगा = औवाबारि
जुग जुग थाबाय थानाय = जुगामि
बाथ्रा दा
हायेनः हायेनाव बर’फोरा राइजो जायो।
दैमा-दैसाः दैमा-दैसायाव ना मोनो।
आब्रुथिः जों बयबो आब्रुथि मानिनांगौ।
सुदेमः दैमा सेराव गोजोन सुदेम मोनो।
हारिमुः बर’फोरा गावनि आंगो राव हारिमु दं।
गियान फेहेरनाय
जाहोनफोरखौ लिर।
(क) भारत हादरनि मिथिंगा महरखौ मानो मोजां मोनो ?
फिनः जोंनि भारत हादरनि गोबां दैमा-दैसा आरो हाजो-हालानि नुथाइफोरा जोबोद समायना रमायना जायनि थाखाय भारत हादरनि मिथिंगा महरखौ मोजां मोनो।
(ख) नोंसोरनि जायगायाव आबाद गैयाब्ला मा जागोन ?
फिनः जोंनि जायगायाव आबाद गैयाब्ला जानाय-लोंनायनि आंखाल जानानै हालाय-हाफाय जागोन।
(ग) नों मा मा खामानि मावब्ला नोमाया सुखु आरो दुखु मोनो ?
फिनः आं लेखा फरायोब्ला, आयखौ हेफाजाब होयोब्ला आया सुखु मोनो । आं गेलेबाय थायोब्ला आरो लेथ्रा थायोब्ला आया दुखु मोनो।
गाहायनि बाथ्राखौ सिरिनैयै लिर।
हादरनिखुइ बिमाइया देरसिन नङा
खन्थाइगिरि नवकान्त बरुवाया रनसायनाय आरो बर’ रावआव सोलायनाय “जोंनि भारत बर्ष” मुंनि खन्थाइखौ आवराय ।
जोंनि भारतबर्ष
खर ‘सायाव हिमालय
खोलाहा लैथोमा
सानजाथिं सारि सारि
समायना हाजोमा
सोनाबहा दङ’
आरब लैथो
भारतबर्ष हादर आंनि
अराय जोनोमनि
भारतनि मानसावगारि बोनानै खन्थाइनि सायाव बिथा खालामनानै सोरगिदिं सिमाखौ लिर।
फिनः
✪ जोंनि जोनोम हादर आयदानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु