हायुंआरि सान |थाखो 4| फरा 4|आबहावा सोंनाय फिननाय Class 4 EVS Lesson 4 Hayungari San Bodo Medium
हायुंआरि सान
बे दै आयदाया आसाम हादोरसानि सिंआव सोलिगासिनो थानाय थाखो 4 नि आबहावा आयदानि 4 थि फरा एबा आयदानिफ्राय लानाय जादों। बे आयदानि हारोंथाइफोरा जाबाय –
✪ हादरारि फोरबोफोरखौ जेरै सुबुं खुंधाइ सान, उदांखि सान, गथ ‘सा सान, फोरॉगिरि सान आरो गान्धी जयन्तीनि सोमोन्दै मिथिगोन।
✪ फोरबोफोरखौ फालिनायनि ओंथिफोरखौ मिथिगोन।
✪ हादरारि फिरफिला आरो हादरारि नेरसोननि ओंथिखौ मिथिगोन।
✪ हादरारि फिरफिलाखौ आखिनायनि सोलोखौ रोंगोन ।
✪ हादरारि फिरफिलानि गाव मोनथाम आरो अशोक चक्रआ मा फोरमायो, बेखौ मिथिगोन।
✪ हादरारि फिरफिलाखौ दिन्थिनो गोनां सन्माननि आयदायै मिथिगोन।
✪ हायुंआरि खौसेथि आरो बिदा-फंबाय सानलायनाया जाखांगोन।
फराइ बिजाबाव थानाय माखासे गोनां गोनां बानबुंथाइफोर (Quotation) –
फिरफिलानि गाबफोरा जुदा जुदा सानस्रिनि नेरसोन।
अशोक सोरखिखौ दोहोरोम सोरखिबो बुङो। सारनाथनि ‘अशोक खाम्फा’निफ्राय बे सोरखिखौ लानाय जादों। बे सोरखियाव मोन 24 गनसा दङ।
मुलुगनि जायखिजाया जायगायाव हारिमायारि फिरफिलायानो जोंनि हादरनि सिनायथिखौ होयो। बे फिरफिलाया जोंनि गोगानाय। हारिमायारि फिरफिलाखौ मान होनाया जोंनि मावनो गोनां हाबा ।
सुबुं खुंथाइ सानखालि साहस दिन्थिनाय फरायसाफोरनो बान्था होनाय जायो।
सोंनाय बिदां
हायुंआरि सान |थाखो 4| फरा 4|आबहावा सोंनाय फिननाय Class 4 EVS Lesson 4 Hayungari San Bodo Medium
फरा बिजाबनि सोंनाय आरो फिननाय
1. फिन लिर-
(क) भारतनि हारिमायारि फिरफिलाखौ मानो त्रिरंग (थाम गाब) फिरफिला होननानै बुंनाय जायो ?
फिनः भारतनि हारिमायारि फिरफिलाया गेरुवा, गुफुर आरो गोथां गासै मोनथान गाब जानायलाय त्रिरंग (थाम गाब) फिरफिला होननानै बुंनाय जायो।
(ख) हारिमायारि नेरसोनखौ जों माबे माबेयाव बाहायो ?
फिनः हारिमायारि नेरसोनखौ जों सुबुं खुंथाइ सान आरो उदांस्रि सानआव बाहायो।
(ग) भारतबर्षआ माबे खालारै उदांस्रि सान खुङो ?
फिनः भारतबर्षआ 15 आगष्ट खालारआव उदांस्रि सान खुङो।
(घ) हारिमायारि फिरफिला बाहायनायनि मोनथाम नेमखौ लिर ?
फिनः हारिमायारि फिरफिला बाहायनायनि मोनथाम नेमफोरा जाबाय-
क) सान ओंखारनायनि उनाव फिरफिलाखौ दैखांनांगौ आरो सान हाबनायनि सिगाङावनो बोख्लायनो नांगौ।
ख) हारिमायारि फिरफिलाखौ दैखांनायाव गेरुवा गाबआ जेब्लाबो गोजौआव थानांगौ।
ग) हारिमायारि फिरफिलाखौ न’ एबा गुबुन माबेबाफोर जायगायाव जेरै मेरै आलायनानै दोननो नाङा।
(ङ) हारिमायारि फिरफिला दैखांनायनि मोननै साननि मुं लिर ।
फिनः हारिमायारि फिरफिला दैखांनायनि मोननै साननि मुंफोरा- सुबुं खुंथाइ सान आरो भारत उदांस्रि सान।
2. हारिमायारि फिरफिलानि गाब माखासेया मा फोरमायो ? ‘क’ बाहागोजों ‘ख’ बाहागोखौ गोरोबहो-
फिनः
गोथां – आबाद मावनाय आरो जौगानाय
गुफुर – सैथो आरो गोजोन
गेरुवा – नागारनाय, हादर अनफाउरि आरो साहस
रोजा नीला – अख्रां आरो लैथोनि नीला गाब
3. लांदां जायगाखौ सुफुं-
क) महात्मा गान्धीनि जोनोम सानखौ ………………….. हिसाबै खुंनाय जायो।
फिनः महात्मा गान्धीनि जोनोम सानखौ गान्धी जयन्ती हिसाबै खुंनाय जायो।
ख) जवाहरलाल नेहरुआ गथ’साफोरनि गेजेराव ……………….. होननानै मिथिसारजानाय।
फिनः जवाहरलाल नेहरुआ गथ’साफोरनि गेजेराव नेहरु आदै होननानै मिथिसारजानाय।
ग) 26 जानुवारीयाव ………………………. फालिनाय जायो।
फिनः26 जानुवारीयाव सुबुं खुंथाइ सान फालिनाय जायो।
घ) ……………….. जोनोम सानखौ फोरोंगिरि सान हिसाबै फालिनाय जायो।
फिनः ड° सर्बपल्ली राधा कृष्णननि जोनोम सानखौ फोरोंगिरि सान हिसाबै फालिनाय जायो।
ङ) जोंनि हारिमायारि नेरसोनखौ ……………………. बुङो।
फिनः जोंनि हारिमायारि नेरसोनखौ अशोक खाम्फा बुङो।
