आथिं गोलाउ थाखो 4 फरा 6 बिथ’राइ सोंनाय फिननाय | Athing Gwlao Class 4 Lesson 6 Bodo Question and Answer
आथिं गोलाउ
बे आथिं गोलाउ आयदाया आसाम हादोरसानि सिंआव सोलिगासिनो थानाय थाखो 4 नि बिथ’राइ आयदानि 6 थि फरानिफ्राय लानाय जादों। बे फरानि हारोंथाइफोरा जाबाय –
✪ सल’खौ फरायनानै बुजिनाय आरो लिरनो हानाय
✪ लक्ष्मीनाथ बेजबरुवानि रनसायनाय सल’फोरखौ मिथिनाय
✪ सल’बिजाब फरायनाय फारसे गोसो जानाय आरो बुंनो हानाय
✪ थाइलालि (बिगुन) नि सोमोन्दै मिथिनाय
✪ ज’रा सोदोबजों दानाय सोदोबनि सोमोन्दै मिथिनाय
✪ बायदि जिब-जुनारनि बायदि मावफारिनि बागै मिथिनो गोसो जानाय
आथिं गोलाउ
मोनसे समनि बाथ्रा सासे बुरै दङ’मोन बियो फालोसे मोसौ फिसिनानै थोब्लिब माब्लिब जानानै दंमोन। बि उन्दुनाय नआ जोबोर गोजाम। बिनि उखुमनि थुरिफोरा फोनला जोबनायलाय अखा हाब्ला सेरोमोन। सानसेखालि जोमै दाखिफ’बनाय हराव जाखां-लोंखां उन्दुनोसै समाव-“हे गसाइ, आथिं गोलाउआ मोनाब्ला हामगौ” होननानै बुरैया बैसाङाव गाखोना उन्दुना थानायसै
बैखालिनो हराव सासे सिखावआ बुरैनि मोसौ मासे खावना लांनो फैनानै गलिनि सेरावनो थाखोमानानै बुरै उन्दुलांनायसिम नेनानै थानायसै मासे मोसायाबो बुरैनि मोसौ जानो होननानै खोमसि-खोमला, सिरि-सिरि फैनानै गलिनि मोसौ फालोनि गेजेराव हाबना बुरै उन्दुजासिम नेनानै दङ’मोन। मोसा आरो सिखावआ बुरै बुंनाय वै बाश्राखौ खोनायो। नाथाय आथिं गोलाउआ मा बेखौ हमनो हायैयाव साननो हमनायसै, “आथिं गोलाउआबा मा ?”
बुरैया उन्दुलांनायसै सिखावआ मोसौ खावनो गलियाव हाबबाय। सिखावआ साननायसै, “बबे मोसौआ मोजां बबे मोसौआ गाज्रि खोमसि खोमलाव माबोरै सिनायनो? बेनिखायनो थाफ्लियाव आखाइ होनाय लोगो लोगो जाय मोसौआ बाज्ल’ खांगोन बिनो गोखों आरो मोजां जाथारगोन।” बेखौनो थिरां खालामनानै बियो माफा-माफायै मोसौफोरनि थाफ्लियाव आखाइ बिलिर लांनायसै बेफोरबादि बियो आखाइ बिलिरनानै नायलांनायावनो मोसानि थाफ्लियाव आखाइ नांनायाव मोसाया बाज्ल’ खांनायसै। सिखावआ साननायसै, “बे जोबोर गोखों मोसौ, बेखौनो लांनांगौ जाबाय।” बिदि साननानै बियो मोसानि लान्जाइखौ साफ्रेनानै बेखौ होनानै लांनो नागिरोब्ला, मोसाया साननायसै, “बुरैया बुंनाय आथिं गोलाउआ आंखौ मोनबाय” बिदि साननानै मोसाया आरोबाव बाज्ल’फिनबाय सिखावआ सानबाय “बे एसेल’ मोसौ नङा, बिनि बिखुङाव गाखोआब्ला बेखौ लांनो हानाय नङा।” बेखौनो साननानै सिखावआ बारगासेनो मोसानि बिखुङाव दुबफुं गाखोब्ला, मोसाया गावखौ आथिं गोलाउआनो मोनथारबाय होनना हमना लानानै गलिनिफ्राय ओंखारनानै गोख्रै खारनो हमनायसै। सिखावआबो मोसौनि आखलखौ नुनानै बुजिनायसै, “मोसौ नङा, बे माबा आथिं गोलाउसो। दिनै आंखौ थारैनो आथिं गोलावआनो मोनथारबाय।” सानैबो सानैखौ आथिं गोलाउ साननानै गिनायजों हां सरथेलायो।
सिखावखौ बिखुङाव लानानै मोसाया हाग्रायाव हाबहां जाब्लानो सिखावआ थै-थां मोसानि गोदोनाखौ हमख्र’बनानै लायो। अब्ला मोसाया साननायसै- “अ’, बे आर्थि गोलाउ नङा, गोदोना हमख’बग्रासो।” मोसाया गिनानै आरोबाव गोसासिन खारनो हमनायसै। सिखावआ मोसाखौ गोदोनायाव हमख्र’बनानैबो लाखिनो हायैनि उनाव बिनि लान्जायाव आखाइ नांहैब्ला मोसानि खारनाया आरो बारा जासिनो बिदि खारनायाव सिखावआ मोसानि बिखुंआव थानो हायि जानानै हायाव गोग्लैनायसै। नाथाय बियो मोसानि लान्जाइखौ ओरैबादि गोसायै हमथाबदोंमोन दि लान्जाइया सिखावनि आखाइयावनो गल’नानै थालाङो। मोसाया खारनानै गबाय। बियो हाग्रानि सिङाव मोनहैनानै एसे हां लानानानै साननायसै बिखौ गोदोना हमख्र’बग्रा नङा, लान्जाइ बोख्ल’ग्रायासो मोनदोंमोन। ओजों सिखावआ आखाइनि लान्जाइखौ दांनाय-सिग्रोमनाय खालामनानै नुबाय दि बेयो मोसौनि नङा, गुबुन जुनारनिबो नंबावा, मोसानिसो लान्जाइ। अब्लासो बियो जोबोर गिनो हमबाय। अब्लाबो हरा गोबाव दंबावोमोन। बेनिखायनो बियो आद्रा थानाय हरखौ थांहोनो खाथिनिनो गोजौ थाइजौ बिफां फांसेयाव गाखोनायसै।
ओजों मोसाया हाग्रायाव हाबनानै गावखौ लान्जाइ बोख्ल’ग्राया मोननाय बाथ्राखौ बिनि लोगोफोरनो खिन्थानायाव बिसोर सानलाय-हलाय थि खालामनायसै दि, “बे जोबोर लाजिनांथाव बाथ्रा जाबाय। बिसोर हाग्रानि राजा; बेनिखायनो बिसोरनि सासे लोगो राजाया लान्जाइ बोख्ल’जानाया जोबोर लासिं सिं बाथ्रा। बेनि राहा लायाब्ला लाजिनांनायजों खोमा-गन्थं गासिबो थांजोबगोन आरो बेनि अनगायैबो लान्जाइ बोख्ल’ग्रा होननानै बिसोरनिख्रुइ बोलो गोरा माबा जुनार ओंखारोब्ला बिसोर राजानि सारिनिफ्राय गोग्लैनानै बन-बानग्रा, दै-बानग्रानि सारियावसो थाहैगोन।
बेनिखायनो, गासिबो मोसाया हाखु-दाखु मेल खुंनानै बेखौनो सावरायबाय दि इसेबो गोबाव खालामालासेनो बे समावनो बिसोर लान्जाइ बोख्ल’ग्रानि बेरेखायै दावहा नांनो आगान सुरनायानो मोजां जागोन। सानगानैसो मोसाया लान्जाइ बोख्ल’ग्राखौ नागिरलांजोबनायसै, नाथाय लान्जाइ बोख्ल’ग्राखौ बिसोर जेरावबो नुवाखिसै। उनाव मासे मोसानि नोजोरा बै थाइजौ बिफांनि गोजौआव गोग्लैहैसननायाव बियो लानजाइ बोख्ल’ग्राखौ बैयाव जबाय थानाय नुनायसै। ह’नै लानजाइ बोख्ल’ग्राया होननानै आसि दिन्थिहरनायाव गासिबो मोसाया जयैनो नेरखांजोबनायसै। दसे सम सानै-हयै बिसोर मोनसे सोलो दिहुननायसै लान्जाइ बोख्ल’ग्राखौ मोनहास’नो मासेनि बिखुडाव मासे, आरोबाव बैनि बिखुङाव गुबुन मासे बेफोरबादि गाखो गाखो गोजौ जालांनायसै ।
सिखावआ साननायसै जोबोर गिदिर खैफोद जाबाय दानिया। गोथाङै थैबाय दानियासो। लोगो लोगो सिखावआबो मोनसे सोलो दिहुननायसै। बियो नुहरबाय दि गाहायथाराव लान्जाइगज’ जानाय बै मोसाया दङ’ । बै लान्जाइ खान्दा मोसाखौ सिखावआ गोमजोर गारांजों राव हरनायसै, “ओइ खान्दा, नो बेयावसो दंर’ र’ रथ’।” लान्जाइ खान्दाया सानबाय “गुबुनफोरखौ नागारनानै आंखौसो हमबावसिगोन नामा?” बिदिनो साननानै बियो जेबो साना-ह’वा हाग्राफारसे खारलांनो नागिरनायसै। बियो बेबादि खालामनायाव बिनि बिखुङाव थानाय गासिबो मोसायानो जलद’ब जलद’ब हायाव गोग्लैजोबनायसै। बिसोरबो, “जोंखौबो लान्जाइ बोखल’ग्राया मोनबाय” होनना साननानै गिनायजों खांग्रां खुग्लुब हाग्राफारसे खारलांजोबनायसै ।
सिखावआ हरसे बैयावनो थानानै फुङावनो बिफांनिफ्राय ओंखारनानै गावनि नसिम फैफिननायसै आरो बै साननिफ्रायनो बियो आरो सिखाव खावलिया होननानै समाय खिरा लायो।
(लक्ष्मीनाथ बेजबरुवानि जौसे बोसोर बारनाय ‘बुड़ी आइर साधु’ (आबै खुरैनि सल’) निफ्राय लानाय जादों।)
मावफारि
आथिं गोलाउ थाखो 4 फरा 6 बिथ’राइ सोंनाय फिननाय | Athing Gwlao Class 4 Lesson 6 Bodo Question Answer
क – फरागुदि
सल ‘खौ फराय आरो गावनि रावजों बुं।
सल’आव थानाय नों बुजिमोनि सोदोबफोरनि सिङाव हांखो बो आरो ओंथिखौ मिथिनानै ला। (सोदोब बाख्रिनि आरो सोदोब बिहुंनि मदद लाना ओंथि लिर।)
फिननाय हो ।
(क) “थाफ्लियाव आखाइ होनाय लोगो लोगो जाय मोसौआ बाज्ल’खांगोन बिनो गोख्रों आरो मोजां जाथारगोन।” बे बाथ्राखौ सोर सान्दोंमोन ?
फिनः बे बाथ्राखौ सिखावआ सान्दोंमोन।
(ख) गोख्रों सोदोबनि ओंथिया मा ?
फिनः गोख्रों सोदोबनि ओंथिया बोलोगोरा।
(ग) “हे गसा, आथिं गोलाउआ मोनाब्ला हामगौ।” बे बाथ्राखौ सोर बुंदोंमोन ?
फिनः बे बाथ्राखौ बुरैया बुंदोंमोन।
(घ) सल’आव आथिं गोलाउ होननानै अखाखौ फोरमायदों। बुरैया मानो आथिं गोलाउआ दामोनथों होननानै सानदोंमोन ?
फिनः बुरैया आथिं गोलाउआ दामोनथों होननानै सानदोंमोन मानोना बिनि उन्दुग्रा नआ जोबोर गोजाम आरो उखुमनि थुरिफोरा फोनलां जोबबायमोन।
“बे इसेल’ मोसौ नङा, बेनि बिखुङाव गाखोआब्ला बिखौ लांनो हानाय नङा।” थारैनो सोरनि बिखुङाव सोर गाखोनो नागिरदोंमोन ?
फिनः बेयाव मोसानि बिखुङाव सिखावआ गाखोनो नागिरदोंमोन।
मोसाया सिखावखौनो आथिं गोलाउ होननानै सानदोंमोन। आथिं गोलाउ होननानै साननायनि अनगायैबो आरो मा मा होननानै सानबावदोंमोन ?
फिनः
(क) आथिं गोलाउ
(ख) गोदोना हमख्र’बग्रा
(ग) लान्जाइ बोख्ल’ग्रा
फिननाय हो –
(क) हाग्रानि राजा होननानै सोरखौ बुंनाय जायो ?
फिनः मोसाखौ हाग्रानि राजा होननानै बुंनाय जायो।
(ख) मोसाफोरा मा सोलोजों सिखावखौ हमनो नाजादोंमोन ?
फिनः मोसाफोरा मासेनि बिखुङाव मासे गाखो गाखो सोलो बाहायना सिखावखौ हमनो नाजादोंमोन।
(ग) सिखावआ उनथाराव माबोरै मोसाफोरनि आखाइनिफ्राय बारग’दोंमोन?
फिनः सिखावआ गाहायथाराव थानाय लान्जाइ गज’ मोसाखौ गोमजोन नायनै हमनो नागेरनाय बादि बुंनायाव लान्जाइगज’ मोसाया गिनानै खारनायाव गोजौआव थानाय मोसाफोरा गोग्लैजोबनानै आरो बिसोरबो लान्जाइ बोख्ल’ग्राया गावसोरखौ मोनबाय साननानै खारनायाव मोसाफोरनि आखाइनिफ्राय बारग’दोंमोन।
(घ) सिखावआ नआव फैनानै मा थांखि लाखो ?
फिनः सिखावआ नआव फैनानै बै साननिफ्राय आरो सिखाव खावलिया होनना थांखि लायो।
गाहायनि सोदोबफोरजों बागसुनिफ्राय ओंथि गोरोबनाय सोदोब लाबोनानै लिरनि फै।
| लाजिनाय, बोलोगोरा, औवानि एम, दाद जांगिला, हमख्र’बनाय, बुफ्रुनाय,
सोगोमसारनाय, थाब थाब मावग्रा, जोबोर गोब्राबै नाजानाय |
फिनः
बैसां – औवानि एम
थैथां – जोबोर गोब्राबै नाजानाय
गोख्रों – बोलोगोरा
लासिं सिं – लाजिनाय
हमख्र’ब – हमख्र’बनाय
गोमजोर – दाद जांगिला
गोगोम – सोगोमसारनाय
खरा – थाब थाब मावग्रा
ख – राव फरायसंनाय (बाहायारि रावखान्थि)
“बिसोर राजानि सारिनिफ्राय गोग्लैनानै बन बानग्रा, दै बानग्रानि सारियावसो थाहैगोन।” बेफोरबादिनो बिबान “बानग्रा” थामहिनबा बानग्रा सोदोबखौ बाहायनानै माखासे गुबुन सोदोब लिर-
फिनः
बिबान – बिबानगिरि
दांग्रि – माइ दांग्रि
खोथिया – खोथिया थिलि
दै – दैदेनगिरि
थिंख्लि – थिंख्लि बानग्रा
थंफां – थंफां बानग्रा
दाजाबहांखो सिफायनानै लिरनि फै
फिनः
| ज्र | ज | + | र | = | ज्र |
| स्र | स | + | र | = | स्रा |
| फ्ल | फ | + | ल | = | फ्ल |
| न्द | न | + | द | = | न्द |
उलथा ओंथि फोरमायनाय सोदोब लिर
फिनः
गोलाउ – गुसुं
खोमसि – सोरां
गोजाम – गोदान
राहागैयि – राहागोनां
गोखों – लोरबां
हर – सान
गोथौ – थोले
बाथ्रा दा-
(क) हां लास्रानाय (जोबथा हां लानाय) : जोंनि आबैया गोबाव सान लोमजानायनि उनाव दिनै हां लास्राबाय।
(ख) खोमा गन्थं थांनाय (लाजिनांनाय) : हायागारा दुगा दुग्राफोरा उनाव खोमा गन्थं थांनाङो।
(ग) हाखु-दाखु (थाब-थाब) : हाखु दाखु खालामोब्ला खामानिया मोजां जास्लाबा।
(घ) आगान सुरनाय (जागाय जेननाय) : जो मोजां लामायाव आगार सुरनांगौ।
(ङ) सानै-हयै (मोजां गाज्रि बिजिरनाय) : जों मोनफ्रोमबो खामानिखौ सानै-हयै मावनांगौ।
(च) गोथाङै थैनाय (गिदिर खैफोदाव गोग्लैनाय) : आदुवाया बिमा-बिफा थैजानानै गोथाङै थैनायबादि जानांबाय।
(छ) खांग्रां-खुग्लुब (जेरै हागो एरै) : सिमाया दैस्लुङाव गोग्लैनानै खांग्रा खुग्लुब जानांबाय।
✪ आथिं गोलाउ आयदानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु