कलागुरु बिष्णुप्रसाद राभा थाखो 4 फरा 3 बिथ’राइ सोंनाय फिननाय | Kholaguru Bishnu Prashad Rabha Class 4 Lesson 3 Bodo Question and Answer.
कलागुरु बिष्णुप्रसाद राभा
कलागुरु बिष्णुप्रसाद राभा आयदाया आसाम हादोरसानि सिंआव सोलिगासिनो थानाय थाखो 4 नि बिथ’राइ आयदानि 3 थि फरा एबा आयदानिफ्राय लानाय जादों। बे आयदानि फरानिफ्राय लानो गोनां हारोंथाइफोरा जाबाय –
✪ जिउखौरां खोनानानै बुजि मोननाय बुंनो हानाय
✪ गेबें रिसारथिजों फराखौ फरायनो हानाय आरो फरा गुदियारि सोंथिनि फिन होनो हानाय
✪ गावनि ओनसोल/ फरायसालियाव फालिनाय रंजाथाइ/ फोरबोनि सोमोन्दै मिथिनाय आरो बुंनो हानाय
✪ देंखोगिरि जोहोलाव नीलेश्वर ब्रह्मनि सोमोन्दै मिथिनाय आरो मेथाइ रोजाबनो हानाय
✪ बायदि दामजुनि बागै मिथिनाय
✪ मुंमानि सोमोन्दै मिथिनाय आरो मुंमा सोदोबमाखौ बासिना दिहुननो हानाय
✪ सोदोब दानो हानाय
✪ सावगारि बोनो हानाय
कलागुरु बिष्णुप्रसाद राभा
ऐ बैराथि ललिया
नोंनि खिबु एल’ एल’
गय खाउनायखौ
जोंलाइ जालिया, जोंलाइ जालिया।
………………………………………………………
………………………………………………………
बे सुबुं मेथाइखौ सोर रोजाबदोंमोन नोंसोर मिथिगौना? बे मेथाइखौ रोजाबदोंमोन हारिमु सिबिसुला बिष्णुप्रसाद राभाया।
बिष्णुप्रसाद राभाया सासे सोरजिलु मेलेमगोनां आरो सोलोगोनां सुबुंमोन। बिथाडा फारियै सासे गोरों मोसागिरि, दामगिरि, फावथाइगिरि, फावगिरि आरो देंखोगिरिमोन । बिष्णुराभाखौ ‘कलागुरु’ होननानैबो मिथिगौ । बे फरानि गेजेरजों नोंसोर बिथांनि हारिमुवारि जिउनि सोमोन्दै माखासे बाथ्रा मिथिनो मोनगोन ।
बिष्णुप्रसाद राभाया फरायसालिनि सोलोंथाइजों लोगोसे मेथाइनि सोलोंथाइखौबो जुरिदोंमोन। बै समनि बंगनि मुंदांखा मेथाइगिरि अस्ताद म’ती मिया, कलाचान्द आरो गहरजान बिबिनिफ्राय बिष्णुप्रसाद राभाया मेथाइ, दामजु आरो मोसानायनि सोलोंथाइ लादोंमोन। रासियानि मुलुगदांखा मोसाग्रा आना पाभल’भानिफ्राय मोसानायनि थुलुंगा मोनदोंमोन।
बिष्णुप्रसाद राभाया सासे आखा-फाखा महरगिरिबोमोन। बिथाङा गोबां सावगारि आखिदोंमोन। बेफोरनि मादाव श्रीमन्त शंकरदेवनि सावगारि आरो ‘बाही’ लाइसिनि बिखं महरनि थाखाय आखिनाय स्नि थाखोआरि राजउलाफादनि सावगारिया मख’जाथाव।
1940 मायथाइनि बाथ्रा, काशी हिन्दु मुलुग सोलोंसालियाव बिष्णुप्रसाद राभाया शिबनि ताण्डब मोसानाय, अजापालि मोसानाय, कालीय दमन मोसानायखौ मोसायो। बिथांनि मोसानायखौ नुनानै बै समनि काशी हिन्दु मुलुग सोलोंसालिनि भिसि सान्थौगिरि पण्डित ड° सर्वपल्ली राधाकृष्णआ गोमोदोंमोन आरो बिथांनि मोसानायखौ नुनानै साबायखर होदोंमोन। बै हारिमुवारि आफाद खुंगिरि प्रेमचान्दआबो बिष्णुप्रसाद राभानि मोसानायखौ नुनानै जोबोर बाखनायदोंमोन।
बिष्णुप्रसाद राभानि हारिमुवारि जिउनि मिरु थावनिया तेजपुरनि बाण थियाटारमोन । बैयाव बिथाङा बायदि मेथाइ रोजाबनायनि अनगायैबो फावथिनायाव फाव लादोंमोन। बिथाङा गोबां रावबो सोलोंदोंमोन। असमीया, बांला, हिन्दी, इंराजी रावनि अनगायैबो राभा, बर’खौ हमफानानै गोबां ट्राइबेलफोरनि रावखौ रोंगौमोन।
बिष्णुप्रसाद राभाया सासे मोजां दामग्रामोनबो। बिथाङा गुबुन गुबुन रोखोमनि दामजु दामनो रोंगौमोन। आसामनि गुबुन गुबुन रोखोमनि दामजु जेरै – ढ’ल, ख’ल, ताल, फेम्फा, तबला, एसराज, बेहेला, सेतार आरिनि सायाव बिथाङा बिगियानारि नोजोरजों सोलोंदोंमोन।
आसामनि आगोमा फिसा बे रिंगुदामसाया जोंखौ सोगाबनानै 1969 मायथाइनि 20 जुन खालारखालि रुंसारि जायो। आसामनि सुबुंफोरा बिथांनि थैनाय सानखौ ‘बिष्णुराभा सान’ महरै फालिबोगासिनो दं। बे फरायाव बिष्णुप्रसाद राभानि जिउनि बाथ्राफोरखौ बेबादिनो गुसुङै सावरायनाय जाबाय। इयुनाव नोंसोर बिथांनि सोमोन्दै आरोबाव गोबां बाथ्रा मिथिनो मोनगोन।
बिष्णुप्रसाद राभानि सोमोन्दै मिथिनि फै
जोनोम 1909 मायथाइनि 31 जानुवारी बिफा : ग’पाल राभा बिमा : गेठि राभा गोनोम जायगा : ढाका (आथिखालाव बांलादेश) गुदि सोलोंथाइ : ढाका (आथिखालाव बांलादेश) गोजौ फरायसालिनि सोलोंथाइ : तेजपुर फरायसालिमा सोलोंथाइ : क’चबिहार आरो कलिकाता बिथांनि सोरजि : बिष्णुप्रसाद राभाया गुबुन गुबुन आयदा लानानै लिरोमोन। बेफोरनि गेजेराव जोबरोङि मेथाइ, नायजाब-फावथाइ, सल’ लिरबिदां, जिउखौरां आरो सल’माबो दंमोन।
मावफारि
कलागुरु बिष्णुप्रसाद राभा थाखो 4 फरा 3 बिथ’राइ सोंनाय फिननाय | Kholaguru Bishnu Prashad Rabha Class 4 Lesson 3 Bodo Question and Answer.
क- फरागुदियारि
फराखौ रोखा आरो गेबें रिसारथिजों फराय आरो गाहायनि सोंनायफोरनि फिननाय हो ।
(क) ‘ऐ बैराथि ललिया’ – मेथाइखौ सोर लिरदोंमोन ?
फिनः कलागुरु बिष्णुप्रसाद राभाया लिरदोंमोन।
(ख) बिष्णुप्रसाद राभाया फरायसालिनि सोलोंथाइजों लोगोसे आरो मा मा सोलोंथाइ लादोंमोन ?
फिनः बिष्णुप्रसाद राभाया फरायसालिनि सोलोंथाइजों लोगोसे मेथाइनि सोलोंथाइ लादोंमोन।
(ग) बिष्णुप्रसाद राभाया सोर गुबुनारिनि मोसानायखौ नुनानै गोसो दुखांनाय मोनदोंमोन ?
फिनः बिष्णुप्रसाद राभाया रासियानि आना पाभल’भानि मोसानायखौ नुनानै गोसो दुखांनाय मोनदोंमोन।
(घ) मा मा दामजुनि सोमोन्दै बिष्णुप्रसाद राभाया बिगियानारि नोजोरजों नायदोंमोन ?
फिनः ढ’ल, ख’ल, ताल, फेम्फा, तबला, एसराज, बेहेला, सेतार आरि दामजुनि सोमोन्दै बिष्णुप्रसाद राभाया बिगियानारि नोजोरजों नायदोंमोन।
(ङ) बिष्णुप्रसाद राभाया आखिनाय मुख’थाव सावगारिफोरा मा मा ?
फिनः बिष्णुप्रसाद राभाया आखिनाय मुख’थाव सावगारिया जाबाय बाही लाइसिनि स्नि थाखोआरि राजउलाफादनि सावगारि।
(च) बिष्णुप्रसाद राभानि थैनाय सानखौ मा सान महरै फालिनाय जायो ?
फिनः बिष्णुप्रसाद राभानि थैनाय सानखौ ‘बिष्णुराभा सान’ महरै फालिनाय जायो।
(छ) तेजपुरआव थानाय हारिमुवारि जौसांनि मुंआ मा ?
फिनः तेजपुरआव थानाय हारिमुवारि जौसांनि मुंआ बाण थियाटार।
सोदोबफोरनि ओंथिखौ सोदोब बिहुंनिफ्राय नागिरनानै लिर
| सोदोब | ओंथि | सोदोब | ओंथि |
| मुंदांखा | बयजोंबो मिथिजानाय | थुलुंगा | गोसो गुदुं जाहोनाय, गोसो दुंहोनाय |
| आखा-फाखा | रोंखा-राखा जेरैबो गोरों | साबसिन | बयनिख्रुइबो मोजांसिन |
| रोग’थिंगोनां | गियान गोनां | जोबोर | माबेबा मोनसे बिथिंआव गोबां |
| आगोमा | असे, आंगोनिबो आंगो | मुसुखा | जायखिजाया महरखौ दानख’नाय एबा दानाय |
फिननाय लिर
काशी हिन्दु मुलुग सोलोंसालियाव बिष्णुप्रसाद राभाया मोसानाय 3 रोखोमनि मुं?
फिनः काशी हिन्दु मुलुग सोलोंसालियाव बिष्णुप्रसाद राभाया मोसानाय मोन 3 रोखोमनि मुंफोरा जाबाय-
क) शिबनि ताण्डब मोसानाय,
ख) अजापालि मोसानाय आरो
ग) कालीय दमन मोसानाय।
काशी हिन्दु मुलुगसोलोंसालियाव बिष्णप्रसाद राभानि मोसानायखौ नुनानै बाखनायनाय भिसिनि मुंआ मा ?
फिनः काशी हिन्दु मुलुगसोलोंसालियाव बिष्णप्रसाद राभानि मोसानायखौ नुनानै बाखनायनाय भिसिनि मुंआ पण्डित ड° सर्बपल्ली राधाकृष्ण।
बिष्णुप्रसाद राभाखौ मेथाइ, दामजु आरो मोसानाय फोरोंग्रा गुरुनि मुं ?
फिनः बिष्णुप्रसाद राभाखौ मेथाइ, दामजु आरो मोसानाय फोरोंग्रा गुरुफोरनि मुङा अस्ताद म’ती मिया, कलाचान्द आरो गहरजान बिबिमोन।
ख – राव फरायसंनाय (बाहायारि रावखान्थि)
दाजाबहांखो सिफायनानै फरायनि आरो लिरनि फै-
| बिष्णु ष्ण ष + ण ष जों ण जों ष्ण | |||
| ष्ण | ष + ण | ष जों ण जों | ष्ण – कृष्ण |
| श्व | श + व | श जों व जों | श्व – बिश्व |
| ण्ड | ण + ड | ण जों ड जों | ण्ड – पाण्डा, लण्डन |
| ल्फ | ल + फ | ल जों फ जों | ल्फ – गाल्फा |
| ष्ठ | ष + ठ | ष जों ठ जों | ष्ठ – कुष्ठ, श्रेष्ठ |
| ख्न | ख + न | ख जों न जों | ख्न – मोख्ना, दख्ना |
| फ्ल | फ + ल | फ जों ल जों | फ्ल – समफ्ला, फमफ्ला |
दाजाबहांखो दानि फै
| ष + ण | ष जों ण जों ष्ण | ख + न | ख जों न जों ख्न |
| न + द | न जों द जों न्द | ब + द | ब जों द जों ब्द |
| ल + फ | ल जों फ जों ल्फ | श + व | श जों व जों श्व |
फरायनि फै-
| बिष्णु | संस्कृत | कृष्ण | लण्डन |
| ताण्डब | बिनेश्वर | दलेश्वर | लक्षेश्वर |
| झान्सी राणीया दावहा नांनायाव आखा-फाखामोन | |||
| बिष्णुप्रसाद राभाया हारि सिबिसुलामोन । | |||
| आनन्दराम बरुवाया सासे जोबोद सेलेमगोनां सुबुंमोन । | |||
| महरगिरिखौ बयबो मान खालामो । | |||
सोदोब दानि फै-
फिनः
फिनः
दैमा
दैसा
दैखर
दैज्लां
दैब’
दैब्रु
दैब्रां
गाहायनि बाथ्राफोरनि बबे-बबेयाव मुंमा (बिमुं) सोदोब फोरमायदों सिन बोनानै दिन्थि ।
(क) अनारुआ डिब्रुगड़सिम थांगोन ।
फिनः अनारुआ डिब्रुगड़सिम थांगोन ।
(ख) सोद्रोम आखुनि थाखायनो सोमखोरआ बयजोंबो अनजायो।
फिनः सोद्रोम आखुनि थाखायनो सोमखोरआ बयजोंबो अनजायो।
(ग) सोमस्रिया जोबोर सथां-बाथां ।
फिनः सोमस्रिया जोबोर सथां-बाथां ।
(घ) मोसौ गाइया गाइखेर होयो ।
फिनः मोसौ गाइया गाइखेर होयो ।
(ङ) गोजां बोथोराव सेफालि बारो।
फिनः गोजां बोथोराव सेफालि बारो।
ग – गियान फेहेरनाय
बिष्णुप्रसाद राभा बादि सानैसो हारिमु सिबियारिनि मुं लिर।
फिनः जोहोलाव नीलेश्वर ब्रह्म, कामिनि कुमार लाहारी।
मिथिना लानि फै
देंखोगिरि जोहोलाव नीलेश्वर ब्रह्म
देंखोगिरि जोहोलाव नीलेश्वर ब्रह्म देंखोगिरि जोहोलाव नीलेश्वर ब्रह्म
देंखोगिरि जोहोलाव नीलेश्वर ब्रह्मआ 1927 मायथाइनि 11 फेब्रुवारी खालि गसाइगावनि गइबारि गामियाव जोनोम मोनो। बिथांनि बिफानि मुंआ दलराम ब्रह्म आरो बिमानि मुंआ गोनोस्री ब्रह्म बिथाङा 1986 मायथाइनि 1 जानुवारी खालि रुंसारि जायो।
मेथाइ मुलुगाव बर ‘हारिखौ फोजाखांग्रा, बर’नि सुबुं मेथाइ, सल’ सल’बाथाफोरखौ बुथुमनानै गोजौ थाखोनि मेथाइ सुजुनायाव गोसो होग्रा जोहोलाव नीलेश्वर ब्रह्मआ बर’ हारिमु जौगाखांनायनि थाखाय दाखुराय दाखुराय नाजाथाबनायनि थाखाय बर’ हारिनि गेजेराव अरायबो गोसोखांजाबाय थागोन। बिथाङानो बर’फोरनि गेजेराव ग्राम’फन रेकर्डिङाव गिबि मेथाइ रोजाबगिरि, आंगो बर’ देंखो बाहायनानै मेथाइ रोजाबगिरि, आगोमा लामा दिन्थिगिरि आरो हारि फोजाखांगिरि। बिथांनि मुंदांखा मेथाइ दोंसेया जाबाय “अ’ आगै मोनबारि-बिबारि।”
बर’ हारिया मालायखौ गिग्रा नडा, बर’ हारिया गिदिर हारिनि जोलै। नांगौ जायोब्ला जिउ बाउनोबो गिग्रा नडा। बेखायनो बिथाङा मेथाइजों फोसावनोबो फावसयना थायाखैमोन । बिथांनि मेथाइखौ ‘नीलेश्वर देंखो’ होनना बुंनाय जायो।
जोहोलाव नीलेश्वर ब्रह्मनि मेथाइखौ जयै रोजाबनि फै –
“जोहोलाव जालिया गथ ‘फोर जों
जोंलाय मालायखौ गिग्रा नङा
हारि उन्दैनिबो फिसा ना
जों रावनिबो गाहाय नङा”।
सोदोब दानि फै
बिदिन्थि – मेथाइ – मेथाइगिरि
फिनः
फावथाइ – फावथाइगिरि (फावगिरि)
देंखो – देंखोगिरि
रायथाइ – राइथाइगिरि
खन्थाइ – खन्थाइगिरि
सोर रनसायदोंमोन?
फिनः
क) बरगीत – श्रीमंत शंकरदेव
ख) बिष्णुराभा मेथाइ – कलागुरु बिष्णुप्रसाद राभा
ग) नीलेश्वर मेथाइ – जोहोलाव नीलेश्वर ब्रह्म
घ) भूपेन्द्र मेथाइ – ड° भूपेन हाजरीका
ङ) रबीन्द्र मेथाइ – रबीन्द्रनाथ ठाकुर
सोरखौ मा बिमुंजों मोनथिनो हायो सिन बोनानै गोरोबहो।
| (क) बिष्णुप्रसाद राभा | जोहोलाव |
| (ख) बिहुराम बर’ | हायेननि सुफिन |
| (ग) नीलेश्वर ब्रह्म | कलागुरु |
| (घ) लक्षेश्वर ब्रह्म | सोरबां सुबुं |
| (ङ) प्रम’द चन्द्र ब्रह्म | सानजारां |
फिनः
(क) बिष्णुप्रसाद राभा – कलागुरु
(ख) बिहुराम बर’ – सोरबां सुबुं
(ग) नीलेश्वर ब्रह्म – जोहोलाव
(घ) लक्षेश्वर ब्रह्म – सानजारां
(ङ) प्रम’द चन्द्र ब्रह्म – हायेननि सुफिन
मिथिना लानि फै-
नीलेश्वर ब्रह्मआ रनसायनाय मेथाइखौ – नीलेश्वर मेथाइ बुङो ।
कलागुरु बिष्णुप्रसाद राभाया रनसायनाय मेथाइखौ – राभा संगीत बुडो ।
रुपक’वर ज्य’तिप्रसाद आगरवालाया रनसायनाय मेथाइखौ ज्य’ति संगीत बुङो।
खन्थाइगिरि रबीन्द्रनाथ ठाकुरआ रनसायनाय मेथाइखौ – रबीन्द्र संगीत बुङो ।
घ – मावथांखि
फोरोंगिरि एबा जायगानि फुंखा सुबुंनिफ्राय सोलोंनानै थाखोआव एबा फरायसालियाव खुंनाय आफादआव दिन्थिफुं-
(क) बिष्णुप्रसाद राभानि मेथाइ
(ख) बिष्णुप्रसाद राभानि खन्थाइ आवरायनाय
(ग) बिष्णुप्रसाद राभा मेथाइनि मोसानाय
✪ कलागुरु बिष्णुप्रसाद राभा आयदानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु