मानसिनि गेजेराव सिया माबोरै फैखो थाखो 4 फरा 2 बिथ’राइ सोंनाय फिननाय | Mansini Gejerao Siya Mabwrwi Phwikhw Class 4 Lesson 2 Bodo Question and Answer.
मानसिनि गेजेराव सिया माबोरै फैखो
मानसिनि गेजेराव सिया माबोरै फैखो आयदाया आसाम हादोरसानि सिंआव सोलिगासिनो थानाय थाखो 4 नि बिथ’राइ आयदानि 2 थि फरा एबा आयदानिफ्राय लानाय जादों। बे आयदानि हारोंथाइफोरा जाबाय –
✪ सल’खौ फरायना बुजिमोननाय आरो बुंनो हानाय
✪ बायदि सल’ आरो हारियारिफोरनि सुबुंसल’ फरायनो गोसो जाहोनाय
✪ दानाय-लुनाय दारिमिनाव बाहायनाय बायदि आगजुनि बागै मिथिनाय
✪ ना हमग्रा आगजुनि सोमोन्दै मिथिनाय
✪ मानसिनि बायदि जिउखुं राहांनि सोमोन्दै मिथिनाय
✪ सोदोब-ओंथि, बाथ्रा दानाय आरि लिरनो हानाय
✪ सोदोब बेखेवफा सिनजों सिनायथि जानानै बाहायनो रोंनाय
मावफारि
मानसिनि गेजेराव सिया माबोरै फैखो थाखो 4 फरा 2 बिथ’राइ सोंनाय फिननाय | Mansini Gejerao Siya Mabwrwi Phwikhw Class 4 Lesson 2 Bodo Question and Answer.
क-फरागुदियारि
फिननाय हो
1. खामलां दैमाया बबे हादरसायाव दङ’ ?
फिनः खामलां दैमाया अरुणाचल हादरसायाव दङ’।
2. खामलां दैमायाव ना हमनो थांनाय सेंग्रानि मुङा मा ?
फिनः खामलां दैमायाव ना हमनो थांनाय सेंग्रानि मुङा क’वानसा।
3. क’वानसाया खामलांनि दैयाव मा सानानै दोनदोंमोन ?
फिनः क’वानसाया खामलांनि दैयाव सेन सानानै दोनदोंमोन।
4. ना गिदिरखौ क’वानसाया बबेयाव फिसिदोंमोन ?
फिनः ना गिदिरखौ क’वानसाया लावथाइ (लाव थ’ख्रा)याव फिसिदोंमोन।
5. क’वानसाया गावनि नखौ माजों बुंजोबनानै थानाय नुदोंमोन ?
फिनः क’वानसाया गावनि नखौ सिजों बुंजोबनानै थानाय नुदोंमोन।
6. हिसान सोंनानै खालथाव-खालथाव सोर सि दादोंमोन ?
फिनः हिसान सोंनानै खालथाव-खालथाव हामब्रुमाया सि दादोंमोन।
7. हामब्रुमायखौ सोर जि दाग्रा जानो थिनदोंमोन ?
फिनः हामब्रुमायखौ गिबि मानसि निमकेआ जि दाग्रा जानो थिनदोंमोन।
सल’खौ गावनि रावजों बुं।
फिनः अरुणाचल हादरसानि खामलां मुंनि दैमायाव क’वानसा मुंनि सासे सेंग्राया सेन सानानै ना हमहैबाय थायोमोन। बियो सानसे बै दैयाव ना लाययाबानो जानो थाखाय जेबो गैया जायोमोन। सानसेखालिनि बाथ्रा- बियो सानानै दोननाय सेनाव मानै सिनाय हायै नाया बि सानानै दोननाय सेनाव नाङो। बियो नुनानै गोमोहाबो। बेनिनो बियो मोननाय फिसा नाखौ सावनानै जायो आरो गेदेर नाखौ लावथाइयाव फिसियो। अखानायै मोनाबिलियाव बियो नुबाय गावनि नआ सिजों बुंफबनाय। अखानायै खामानि मावनानै नआव फैफिनब्लाबो बियो गावनि नखौ सिजों बुंफबनाय नुबाय। सानसेखालि नआव मानो सिजों बुफबनानै थायो बेखै मिथिनो नसेरावनो थाखोमायो। बियो नबाय नाया लावथाइनिफ्राय ओंखारना समायना सिख्लानि महर लाना हिसान सोंनानै सि दाबाय थानाय नुबाय। क’वानसाया थाबैनो आखान्थियाव हमहैनानै सोंबाय- “नों सोर ? बबेनिफ्राय फैदों, माबोरै सि दानो सोलोंखोय़ बिदि आगरखौ नों बबेनिफ्राय मोनखो ?” हिन्जावसाया गावखौ हामब्रु फोलेरनि सिख्ला हामब्रुमाय आरो गिबि मानिस निमकेया सि दाग्रा जानो थिननायलाय सि दाबाय होनना बुङो। आनाव क’वानसाया बिखौ हाबा लाबाय।
सोर सोरखौ बुंदोंमोन लिर।
(क) “नों सोर? बबेनिफ्राय फैदों ? माबोरै सि दानो सोलोंखो ? बिदि आगरखौ नों बबेनिफ्राय मोनखो ?”
फिनः बे बाथ्रा सारिखौ क’वानसाया हामब्रुमायखौ बुंदोंमोन।
(ख) “बुहुमनि मोजां जाबाय। गिबि मानसि निमकेनि गोसोनि साननायाबो जाफुंबाय।”
फिनः बे बाथ्रा सारिखौ हामब्रुमाया बुहुमनि गेजेराव जेराव सिआ गोग्लैहैदों बे जायगानि मानसिफोर सि दानो रोंनाय खोथाखौ मिथिनानै बुंदोंमोन।
ख- राव फरायसंनाय (बाहायारि रावखान्थि)
मिथिनि फै
“अरदाबाव अर जोङा”
बे मोनसे बाथ्राफाव। नाथाय बे बाथ्राफावआव गोबां ओंथि हाबनानै दङ’ । बे बाथ्रानि गेजेरजोंनो फरायाव क’वानसानि रांखान्थियारि गाज्रि हालोदनि बागै फोरमायदों। बियो सानफ्रोमबो आरजिनानै मोननाय रां एबा बेसादजों नख’रखौ सामलायो। नाथाय माबा जाहोनाव माब्लाबा खामानि मावाब्लानो रसा नाङो थामहिनबा अरदाबाव अर फोजोंनानै संना जानो जेबो थाया। बेबादि ओंथि फोरमायनो थाखायनो बे बाथ्राफावखौ बाहायनाय जायो।
जोंनि रावआव बेफोरबादि खायसे बाथ्राफाव, बाथ्रा फान्दाय, बोसोन आरियाव मोनफा गोथौ ओंथि हाबनानै थायो। बे ओंथिखौ गोर्लै रावजों फोरमायनानै लिरनायखौनो गुबै बाथ्रा फेहेरनानै लिरनाय बुङो ।
बिदिन्थि— “गराड़ नुब्ला सिं बायो ।”
“औवा बारियाव औवा खाना।”
बाथ्रा दा।
फिनः
आसुं-आबुं :- फोरोंगिरिया हरखाब सोंनायाव रुफालिया आसुं-आबुं जाबाय।
बिफां- लाइफां :- जों बिफां-लाइफांखौ गायनांगौ।
खना-खनला :- नखौ खना-खनला साफा खालामनांगौ।
खालथाव-खालथाव :- आबआ खालथाव-खालथाव सि दादों।
फरायाव थानाय दाजाबहांखो गोनां सोदोबफोरखौ सायख ‘नानै लिरनि फै
गाहायाव होनाय बाथ्राफोरखौ फरायनानै बै बाथ्राफोरखौ सोंनाय बाथ्रासिम सोलाय।
बिदिन्थि – आं हामब्रुमाय – नों सोर ?
आं हामब्रु फोलेरनि सिख्ला – नों मा फोलेरनि सिख्ला ?
आंनि नआ खामलांआव – नोंनि नआ बबेयाव ?
आं हाथाइनिफ्राय फैदों – नों बबेनिफ्राय फैदों ?
आं सल’बाथा खोनासंनानै मोजां मोनो – नों मा खालामनो मोजां मोनो ?
क’वानसाया ना हमनानै मोजां मोनो – क’वानसाया मा खालामनो मोजां मोनो ?
दाजाबहांखो सिफायनानै फरायनि आरो लिरनि फै
| सिख्ला | ख्ल = ख + ल | ख जों ल जों | ख्ल |
| न्द | न्द = न + द | न जों द जों आरो उ महरजों | न्दु – गान्दु, सान्दुं |
| ख्ल | ख्ल = ख + ल | ख जों ल जों | ख्ल – सिख्ला, बोख्ला |
दाजाबहांखो दानि फै
| ख + ल = | ख जों ल जों | ख्ल |
| न + द = | न जों द जों | न्द |
फरायनि फै
| जोंख्लाब | बोख्लाब | हाख्लाब |
| सान्दुं | गान्दु | उन्दु |
| हाब्रु | गाब्रु | दैब्रु |
| गोजों बेसादआ साननि सोराङाव जोंख्लाबो । | ||
| आसामनि गान्दाहा थसे गं थायो । | ||
| हाब्रुआव दागेले । | ||
उलथा ओंथि फोरमायनाय सोदोबफोरखौ फरानिफ्राय नागिरना लिर।
फिनः
सेंग्रा – सिख्ला
हरफामानि – सानफामानि
जोङो – जोङा
नुजाथिनाय – गोमोरनाय
फुं बिलि – मोनाबिलि
फिसा – गिदिर
ग- गियान फेहेरनाय
क’वानसाया खामलां दैमायाव सेनजों ना हमदोंमोन। नोंसोर सेन नुबायना ? सेननि अनगायैबो गुबुन मा मा आइजेंजों ना हमनो हायो लिर।
फिनः नुबाय। जे, खखा, जेखाइ, फल’, मुस्रि (दुरा), खेवालि आइजेंजों ना हमनो हायो।
हामब्रुमाया हिसान सोंनानै खालथाव-खालथाव सि दादोंमोन । तातसालनि अनगायबो गुबुन मा मा रोखोमनि हिसानजों सि दानो हायो। नोंसोरनि नआव एबा खाथिखालायाव एबा टि.भि.नि हाबाफारियाव मा मा रोखोमनि आइजेंफोरजों सि दानाय नुदों लिर।
फिनः
नों मिथिनाय सल’ दोंसे बुं
फिनः
अरुनाचलआ आसामनि नसुंसेनि राज्यो। आसामनि सोरगिदिं थानाय नसुंसेनि राज्योफोरा मा मा ? मानसावगारियाव नायनानै मुंफोरखौ लिर।
फिनः आसामनि सोरगिदिं थानाय नसुंसेनि राज्योफोरा – अरुनाचल, नागालेण्ड, मनिपुर, त्रिपुरा, मेघालय, मिजराम आरो सोनाब बंग।
खामलां दैमाया अरुनाचलनि गेजेरजों बोहैबोदों। अरुनाचलनि गेजेरजों आसामाव बोहैबोनाय दैमाफोरनि मुं लिर। (गोनां जायोब्ला मानसावगारि बाहाय)
फिनः अरुनाचलनि गेजेरजों आसामाव बोहैबोनाय दैमाफोरनि मुं- बुरलुंबुथुर आरो सुबनसिरि।
क’वानसाया सेन सानाने हमनाय ना मानैया गाबगोनां समायनामोन। बेफोरबादि नाखौ गहेनागोनां ना होननानै बुङो। बैफोरबादि नाखौ एकुरियामआव फिसियो एबा दोनो। बेफोरबादि ना मोनोब्ला नोंसोरबो बथल एबा बयामाव लाखिनानै बिसोरनि खामानिफोरखा नाय।
फिनः
नाखौ मा मा रोखोमै संनानै जानो हायो? नोंसोरो मा मा नाखौ मा मा रोखोमै जायो सावगारि नायना बुं आरो लिर।
फिनः जों नाखौ एवनानै, सावनानै, फोराननानै, हासुंआव दुमनानै आरो मेनानै जायो।
ना हमग्रा आइजेंफोरजों मा मा सोदोब बाहायब्ला गेबें जायो मिथिनि फै
| सेन सायो, जे सारो, जेखाइजों गुरो, बोरसिजों बोनो, लाङि जे सायो, फल’जों जोबो, जंगर सुयो, ख’खा सायो |
बिदिन्थि- खुसियासुलिजों खुसिया सुयो।
फिनः
सेन सायो – सेनजों ना सायो।
जे सारो – खेवालि जेजों ना सारो।
जेखाइजों गुरो – जेखाइजों दैयाव ना गुरो।
बोरसिजों बोनो – बोरसिजों ना बोनो।
लाङि जे सायो – दै बिलोआव लाङि जे जों ना सायो। (फासि जे)
फल’जों जोबो – फल’जों नाखौ जोबनानै हमो।
जंगर सुयो – खुसियाखौ जंगर सुनानै हमो।
ख’खा सायो – दुब्लियाव ख’खा सानानै ना हमो।
✪ मानसिनि गेजेराव सिया माबोरै फैखो आयदानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु
✪ थाखो 4 नि गासै बिजाबनि आयदाफोरनि सोंनाय फिननाय नायनोब्ला बेयाव थु