आसामनि हारिमु class 5 lesson 3 आबहावा सोंनाय फिननाय Assamni Harimu class 5 lesson 3 evs bodo medium question answer,
आसामनि हारिमु
बे आसामनि हारिमु आयदाया आसाम हादोरसानि सिंआव सोलिगासिनो थानाय थाखो 5 नि आबहावा आयदानि 3 थि फरा एबा आयदानिफ्राय लानाय जादों। बे आयदानि हारोंथाइफोरा जाबाय –
✪ जोंनि हादरसानि हारिमुवारि दोरोङारि जारिमिनारिनि सोमोन्दै बुजिनो मोनगोन।
✪ गुबुन गुबुन हारि-जनजातिनि लोगोआव खौसेयै गोरोबलायनायजों थानो गोसोआव जाखांगोन।
फराइ बिजाबाव थानाय गोनां बानबुंथाइ (Quotation)-
गोदो-गोदाय भारत आरो भारतनि बायजो हादरनिफ्राय गुबुन गुबुन लामाजों गुबुन गुबुन हारिनि सुबुंफोरा आसामसिम फैदोंमोन होनना जोंनि सानसुमैफोरा बुंदों। बिदिन्थि महरै- अष्ट्रिक, तिब्बतधर्मी, ककेसीय, टाइ मंगलीय हारि आरि। बिसोरनि हारिमुनि गोहोमा असमीया हारिमुआव गोग्लैदों होननानै सानसुमा पण्डितफोरा गनायो ।
उनसोलोंथि
आसामनि हारिमु class 5 lesson 3 आबहावा सोंनाय फिननाय Assamni Harimu class 5 lesson 3 evs bodo medium question answer,
फरा बिजाबनि सोंनाय आरो फिननाय
1. फिननाय लिर
(क) आसामाव थानाय सायख’जानाय थागिबि हारिनि मुं।
फिनः बर’-कछारी, देउरी, तिवा, गार’, डिमासा, मिछिं, आदिबासी आरो राभा आरिया आसामाव थानाय सायख’जानाय थागिबि हारि।
(ख) माखासे गहेना-फाथिनि मुं।
फिनः खोमानि खेरा, ज’नबिरि, द’लबिरि, गामखारु, लकापार, ख’पाफुल आस्थाम फोरा माखासे गहेना-फाथिनि मुं।
(ग) मोनथाम मोसानायनि मुं।
फिनः मोनथाम मोसानायनि मुंफोरा जाबाय- झुमुर मोसानाय, खेराइ मोसानाय आरो दौदिनि मोसानाय।
(घ) गोदो गोदाय आसामसिम हाबफैनाय मोनथाम हारिनि मुं।
फिनः गोदो गोदाय आसामसिम हाबफैनाय मोनथाम हारिनि मुंफोरा जाबाय- अष्ट्रिक, तिब्बतधर्मी आरो ककेसीय।
(ङ) माइरंनिफ्राय बानायनाय रोखोमब्रै जामुनि मुं।
फिनः माइरंनिफ्राय बानायनाय रोखोमब्रै जामुनि मुंफोरा जाबाय- सिरा, मुरि, सौराइ आरो फिथा।
2. ‘क’ बाहागोनि लोगोआव ‘ख’ बाहागोखौ गोरोबहो-
| ‘क’ | ‘ख’ |
| बर’
डिमासा कार्बि असमीया |
रिगु रिजाम्फाइ
पिनि मेखेला दखना |
फिनः
बर’ – दखना
डिमासा – रिगु रिजाम्फाइ
कार्बि – पिनि
असमीया – मेखेला
3. लांदां जायगाखौ सुफुं-
(क) बाथौ फुजाया ……………… फोरा फालिनाय फोरबो।
फिनः बाथौ फुजाया बर’ फोरा फालिनाय फोरबो।
(ख) कार्बिफोरनि गाहाइ फोरबोआ …………… आरो ………….. ।
फिनः कार्बिफोरनि गाहाइ फोरबोआ रंकार आरो हेच्छा ।
(ग) मिछिंफोरा …………. फालियो।
फिनः मिछिंफोरा आलि-आइ-लृगां फालियो।
(घ) डिमासाफोरनि गाहाइ फोरबोआ जादों …………….. आरो …………… ।
फिनः डिमासाफोरनि गाहाइ फोरबोआ जादों राजिनिगाब्रा आरो हानिगाब्रा ।
4. असमीया हारिमु बुङोब्ला मा बुजियो ?
फिनः असमीया हारिमु बुङोब्ला आसामाव थानाय गासिबो हारि-हारिसानि राव- थुनलाइ, रोजाबनाय-मोसानाय, आसार खान्थि, गाननाय – जोमनाय, गहेना फाथि, जुलि खान्थिनि लोगोसे धोरोमारि सिबिनाय-बाउनायनि दोरोङारि गोरोबलायनायनि जाउनाव सोमजिनाय हारिमुखौनो बुजियो। असमीया हारिमुआव महापुरुष श्रीमन्त शंकरदेवा गोबां बिहोमा होलांदोंमोन।
5. असमीया हारिमुआव बांसिनै गोसो दुखांहोग्रा महापुरुषनि मुङा मा ? महापुरुषआ असमीया हारिमुआव जगायनाय बिहोमाफोरा मा मा ?
फिनः असमीया हारिमुआव बांसिनै गोसो दुंखांहोग्रा हापुरुषनि मुङा श्रीमन्त शंकरदेव। महापुरुषआ असमीया हारिमुआव जगायनाय बिहोमाफोरा जाबाय- मेथाइ, खन्थाइ, भाउना, ख’ल-जथा आरि। बिथांनि सोरजिनाय नामघर आरो सत्रआ असमीया हारिमुनि गेदेर खाम्फा। बिथांनि फोसावनाय सत्रीया मोसानायाबो बिथांनि होलांनाय गेदेरथार बिहोमा।
6. सुंद’यै लिर-
(क) रंजाथाइ फोरबो फालिनाय,
फिनः रंजाथाइ फोरबो फालिनायः- मोनफ्रोमबो हारियानो गावबागाव रंजाथाइ फोरबो फालियो। आसामाव हारि-धोरोम बासिया लासिनो साफ्रोमबो बैसागो रंजाथाइ फोरबोखौ फालिनाय नुनो मोनो। बे रंजाथाइ फोरबोफोराव मोसायो, मेथाइ खननो, दामनाय देनाय बाहायो आरो गाननाय जोमनाय गहेना फाथि गाननानै रंजायो। आसामाव गोबां रंजाथाइ फोरबोफोरखौ फालिनाय जायो जेरै- आसामनि थागिबिफोर बैसागो, बर’फोरा खेराइ, राभाफोरा बाइख’, कार्बिफोरा रंकार, मिसिंफोरा आलि-आइ-लृगां बायदि बायदि।
ख) रिंगु,
फिनः रिंगुः- रिंगुआ जाबाय मोसानायफोराव बाहायजानाय आगजु। रिंगुआ मोसानाय रोजाबनायाव ताल आरो सुरखौ गोरोबहोनायाव हेफाजाब होयो। आसामाव बाहायनाय माखासे रिंगु दामजुफोरा जाबाय- ढल, फेम्फा, गंगोना, थरखा, सिफुं, जथा, बीण आरि।
(ग) मोसानाय-रोजाबनाय
फिनः मोसानाय-रोजाबनायः- मोसानाय-रोजाबनाया मोनसे हारिनि आसार खान्थिखौ सिनायथि होयो। बैसागोआ असमीया हारियारि फोरबो बे हारियारि फोरबोनि गेजेरजों हारिनि सोदोमस्रि हारिमुनि रिफिखांनाय जायो। आसामाव सोलिनाय माखासे हारियारि फोसानायफोरा जाबाय- देउरी मोसानाय, झुमुर मोसानाय, खेराइ मोसानाय, दौदिनि मोसानाय, अजापालि आरि।
(घ) आसार-खान्थि
फिनः आसार-खान्थिः- मोनसे समाजखौ मोजाङै दैदेनलांनो थाखाय माखासे मावनाय-दांनाय एबा नेमखान्थि दानानै लानायानो जादों आसार-खान्थि। आसार-खान्थिफोरानो समाजखौ आब्रुथि गोनां महरै सोलिनो हेफाजाब होयो। जेरै- न’आव आलासि फैब्ला गय-फाथै आरो साहा-खाजा होनाय, न’खरनि बैसोगोराखौ मोन होनाय, काति बिहुआव थुलुंसिंनि गुदियाव आरो आबाद दुब्लियाव जेवारि साउनाय आरि।
7. गंसे शराइनि सावगारि आखि।
फिनः
फरा बिजाबनि सिंआव थानाय सोंनाय फिननाय
नोंसोरनि गावबागावनि ओनसोलाव माबे माबे सायख’जानाय थागिबि हारिनि सुबुं थायो?
फिनः जोंनि ओनसोलाव बर’, राभा, आदिबासी सायख’जानाय थागिबि हारिनि सुबुं थायो। (ना.गो. नोंथांनि ओनसोलाव गुबुन आरो थायोब्ला बेखौ लिरना हो)
गुबुन गुबुन राव रायज्लायग्रा फरायसा नोंसोरनि फरायसालियाव दङ’ना? दंब्ला, बिसोर मा रावजों रायज्लायो?
फिनः गुबुन गुबुन राव रायज्लायग्रा फरायसा नोंसोरनि फरायसालियाव दङ’। बिसोरो- असमीया, राभा, आदिबासि राव रायज्लायो। (ना.गो. नोंथांनि फरायसालियाव गुबुन आरो थायोब्ला बेखौ लिरना हो)
नोंसोरनि ओनसोलाव मा मा राव रायलायग्रानि सुबुं दङ?
फिनः जोंनि ओनसोलाव बर’, राभा, आदिबासी, नेपाली, असमीया राव रायलायग्रानि सुबुं दं। (ना.गो. नोंथांनि ओनसोलाव गुबुन आरो थायोब्ला बेखौ लिरना हो)
नोंसोर मिथिनाय गांनै बर’ सल’ बिजाबनि मुं लिर?
फिनः आं मिथिनाय गांनै बर’ सल’ बिजाबनि मुंआ- बुरै आबैनि सल’ आरो थार लोगो। (ना.गो. नोंथाङा गुबुन सल’ बिजाबनि मुंखौ मिथियोब्ला बिखौ लिर)
नोंसोरनि ओनसोलाव थानाय माखासे हारि सायख’जानाय थागिबि हारि गाननाय-जोमनाय आरो गहेनानि मुं लिर।
फिनः जोंनि ओनसोलाव थानाय माखासे हारि सायख’जानाय थागिबि हारि गाननाय-जोमनाय फोरा जाबाय- दख’ना, मेख्ला, सादोर, गामसा, धुति, कुर्ता गस्ला गानो। आरो गहेनानिफोरा जाबाय- खोमानि खेरा, ख’पीफुल, आस्थाम गानो। (ना.गो. नोंथांनि ओनसोलाव गुबुन आरो थायोब्ला बेखौ लिरना हो)
गाहायनि माबे मेथाइजों मा मा दामजु बाहायनाय जायो लिर-
बैसागु मेथाइ, बरगित, जिकिर, कुगामेथाइ
फिनः
बैसागु मेथाइ – फेंफा, थरखा, सिफुं, जथा, थख्रा, मैसो गंनि फेम्फा।
बरगित – खल, ढल, जथा।
जिकिर –
कुगामेथाइ – सिफुं, जथा, ढल, थख्रा आरि बाहायो।
नोंसोर मा मा फोरबो फालियो लिर।
फिनः जों बैसागो, खेराइ फोरबो फालियो।
✪ आसामनि हारिमु फरानि बिजाबनि PDF नांगौब्ला बेयाव थु
✪ नसिम थांनोब्ला बेयाव थु