आयदा-6
6.0 फोजोबनाय:-
गोजौआव सावरायबोनायनिफ्राय बुंनो हायोदि बरज् आरो असमिया रावनि थि दिन्थिग्रा दाजाबदा ((Numeral, classifiers or difinitives) या राव बिगियाननि मोनसे गोनां बाहागो महरखान्थि (Morphology) नि सिङाव थानाय मोनसे फिसा बाहागो। बर’ आरो असमिया रावनि थि दिन्थिग्रा दाजाबदाफोरा मोनसे थि जखाखौ दिन्थिनानै एबा फोरमायनानै होयो। बुंनो हायोदि बर’ आरो असमिया रावनि थि दिन्थिग्रा दाजाबदाफोरखौ गोसो जायोब्लानो बांहोलांनो हानायनि राहा दङ। मानोना गुबुन रावफोरनि बादि बर’ आरो असमिया रावनि थि दिन्थिग्रा दाजाबदाया थि खाखानाय सिमा गैया। थि दिन्थिग्रा दाजाबदाफोरा जेब्लाबो माबोबा मुवा-बेसाद, जिब-जुनार, दाउसिन-दाउला, एम्फौ-एनला बायदि बायदि आरोबाव गुबुन गुबुन बिथिङाव बिसोरनि महर एबा दाथायफोरखौ रोखायै दिन्थिना रान्ना होयो। नाथाय गासैबो थि दिन्थिग्रा दाजाबदाफोरानो आखुथायनि बिथिंनिफ्राय गोथे महर (Bound-morpheme)। बेसोर गावहारसिङैब्ला जेबो ओंथि गैयै बादि जायो। मुंमा एबा थाइजा सोदोबजों जिरायफानानैसो बिसोरनि गुबै ओंथिया रोखा जायो। नोजोर होयोब्ला नुनो मोनोदि बर’ रावाव मोनसे थि दिन्थिग्रा दाजाबदा सोदोबजोंनो गोबां बिथिङाव बाहायनायखौ नुनो मोनो। नाथाय असमिया रावाव बेबादि मोनसे थि दिन्थिग्रा दाजाबदाजोंनो गुबुन गुबुन गोबां बिथिङाव बाहायनायखौ नुनो मोना। बिसोर आलादा आलादा सोदोब आलादा आलादा थि दिन्थिग्रा दाजाबदा सोदोब बाहायो। बरज् आरो असमिया रावनि थि दिन्थिग्रा दाजाबदाफोरनि गेजेराव गोबां गोरोबलायनाय आरो गोरोबलायैफोरखौ मोननो हायो।
हेफाजाब लानाय बिजाबफोर—
1. बसुमतारि फुकन चन्द्र : बर’ रावनि महरखान्थि, दिहुनगाथाम: 2013
2. बसुमतारि राजेन्द्र कुमार: राव बिगियान, दिहुनगिबि- फेब्रुवारि-2002
3. बसुमतारि बिन्दु: राव आरो थुनलाइ बिजिरनाय (खोन्दो नै), फोसावगिरिब- 2015
4. बर’ मधुराम : गोजौ रावखान्थि (गोजौसिन गेजेरारि थाखोनि थाखाय), दिहुनगाथाम:2005
5. बर’ बानेश्वर: बर’ राव : मोनसे सावरायनाय (सेथि खोन्दो), दिहुनगिबि : 2012
6. ब्रह्म अलिन : राव आरो बर’ रावखान्थि Reprint (Revised) : April-2014
7. ब्रह्म अलिन आरो ब्रह्म बिश्वजीत : बर’ गार’ राव हान्जा (सेथि खोन्दो), दिहुनगिबि,April-2013
8. Goswami Dr. Upendranath : Asamiya Bhashar Rup-Katha, 7th Edition-2009
9. Goswami Dr. Upendranath : Asamiya Bhashar Vyakaran, Twelve Edition : 2015
10. Goswami G.C. : Dhvanivijnanar Bhumika, : Reprinted Ediction : November, 2011
11. चैनारी स्वर्ण प्रभा : बर’ रावखान्थि, दिहुनगाथाम, April-2011
12. चैनारी स्वर्ण प्रभा, बसुमतारि फु·न चन्द्र : रावनि महर, दिहुनगिबि, 2004
13. चैनारी स्वर्ण प्रभा, बसुमतारि फुकन चन्द्र : रावनिु महर (नैथि खोन्दो), दिहुनगानै : July, 2009
14. Konwar Dr. (Mrs.) Arpana : Bhasa Vijanan upakramanika, 2nd Edition, March, 2008
15. लाहारि मनज्रन्जन: बर’ थुनलाइनि जारिमिन, थामथि दिहुननाय : 2008
16. नार्जारी दुर्ज्जय पाहार: राव बिगियान, दिहुनगानै: नबेम्बर, 2012 (Revised new Edition)
17. Pathak Dr. Ramesh : Bhasa Bijnanar, Bhumika, 2011
18. Pathak Dr. Ramesh : Asomiya Bhasar Itihas, seventh Edition, 2011
19. भट्टाचार्ज प्रमद : A Descriptive Analysis of the Boro language, second Edition, March : 2007