बर’ आरो असमिया रावनि थि दिन्थिग्रा दाजाबदा : रुजुथायारि नोजोरजों मोनसे बिजिरनाय Dissertation

आयदा – 5

5.0 बर’ आरो असमिया रावनि थि दिन्थिग्रा दाजाबदाफोरनि गोरोबलायनाय :-

बर’ आरो असमिया रावनि थि दिन्थिग्रा दाजाबदाफोरनि गेजेराव थानाय गोरोबलायनायखौ गाहायाव होनाय जाबाय —

1. बर’ रावाव थि दिन्थिग्रा दाजाबदानि थाखाय बिसान (numeral) खौ बाहायो। थिग बेबादिनो असमिया रावावबो थि दिन्थिग्रा दाजाबदानि थाखाय बिसान (numeral) खौ बाहायनायखौ नुनो मोनो।

2. बर’ आरो असमिया मोन्नैबो रावाव थि दिन्थिग्रा दाजाबदाखौ बिसानजोंबो दाजाबना दिन्थिनो हायो।

3. बर’ आरो असमिया मोन्नैबो रावावनो थि दिन्थिग्रा दाजाबदाया मुंमानि सिगांङाव आरो माब्लाबा मुंमानि उनाव जनायखौ नुनो मोनो।

4. थि दिन्थिग्रा दाजाबदाया बर’ आरो असमिया मोन्नैबो रावावनो गावनि मोनसे उदां ओंथि गैयै दाजाबदा। नाथाय मोन्नैबो रावावनो मुुंमानि सिगां एबा उनाव जनानै बेयो ओंथि गोनां सोदोबथियै दिन्थिना होयो।

5. बर’ रावाव माखासे थि दिन्थिग्रा दाजाबदा (classifier) जों बिसान (numeral) नि महरा सोलायनायखौ नुनो मोनो। बे सोलायनाया से (1) बिसान (numeral) नि बेलायावबो जायो। जेरै-

बिलाय गां -फा > बिलाय गांफा
जि गां – फा > जि गांफा
लेखा गां – फा > लेखा गांफा
फाथै गां – फा > फाथै गांफा
दखना गां – फा > दखना गांफा

थिग बेबादिनो असमिया रावावबो से (1) बिसाननि (numeral) नि बेलायावबो जायो। जेरै—

tebul k^hon
sijar k^hon
kitab k^hon
Kapur k^hon

6. बर’ आरो असमिया रावनि थि दिन्थिग्रा दाजाबदाफोरा गासै बिथिङावनो मोनसे थि जखाखौ दिन्थिनानै होयो।

7. बर’ आरो असमिया रावनि थि दिन्थिग्रा दाजाबदाफोरा थि खाखानाय सिमा गैया। बेखौ गोसो जाब्लानो बांहोलांबाय थानो हानायनि खाबु दंङ।

5.1 बर’ आरो असमिया रावनि थि दिन्थिग्रा दाजाबदाफोरनि गोरोबलायै:

बर’ आरो असमिया रावनि थि दिन्थिग्रा दाजाबदाफोरनि गेजेराव थानाय गोरोबलायैखौ गाहायाव होनाय जाबाय—

1. बर’ रावाव हौवा आरो हिनजावखौ दिन्थिनो थाखाय थि दिन्थिग्रा दाजाबदा गैया एबा नुनो मोना। नाथाय असमिया रावाव माखासे थि दिन्थिग्रा दाजाबदाफोर दङ। जायफोर मानसिजों जज्फानानै हौवा ना हिनजाव बेखौ सिनायथि होनो हायो आरो बे थि दिन्थिग्रा दाजाबदाजों बिसान जफानायखौ नुनो मोनो।

2. मोसौ-मैसोनि अनगायै बरज् रावाव (जरा-) सोदोबखौ गोबों बिथिंङावनो बाहायनाय जायो। नाथाय असमिया रावाव बिबार, मोसौ, दाव आरोबाव गुबुन गुबुन जिब -जुनार, मुवा बेसादनि बिथिंङाव आलादा आलादा थि दिन्थिग्रा दाजाबदा बाहायनाय नुनो मोनो।

3. बर’ रावाव थि दिन्थिग्राया एबा थि दिन्थिग्रा दाजाबदाखौ गाहायै बिसान (numeral) नि सिगांङाव बाहाय जानायखौ नुनो मोनो। नाथाय असमिया रावाव थि दिन्थिग्रा दाजाबदाया गाहायै बिसान (numeral) नि उनाव बाहाय जानायखौ नुनो मोनो।

4. बर’ रावाव मानसिनि बिथिंङाव (हानजा-) बे थि दिन्थिग्रा दाजाबदा सोदोबखौलज् बाहायनाय नुनो मोनो। नाथाय असमिया रावाव मानसिनि बिथिंङावनो I- sam। I-goth आरो I-dग। बे बादि थि दिन्थिग्रा मोननो हायो। बरज् रावाव मानसिनि बिथिङाव मोनसे नाथाय असमिया रावाव मोन्थाम थि दिन्थिग्रा दाजाबदाखौ मोननो हायो।

5. बर’ रावाव (हालि-) बे थि दिन्थिग्रा दाजाबदा सोदोबजों खालि मोसौ – मैसोनि बिथिंङावलज् बाहायनायखौ नुनो मोनो । नाथाय असमिया रावाव I-hal। बे थि दिन्थिग्रा दाजाबदा सोदोबजोंनो मोसौ – मैसो, मानसि आरो दावनि बिथिंङाव बाहायनायखौ नुनो मोनो ।

6. असमिया रावाव हासिब मुथा, खानाय मुथाया गिदिरब्ला I-tar। बे थि दिन्थिग्रा दाजाबदाखौ बाहायनाय जायो आरो मुथाया फिसाब्ला I-tari। बे थि दिन्थिग्रा दाजाबदाखौ बाहायनाय जायो। नाथाय बर’ रावाव बेबादि गिदिर मुथा आरो फिसा मुथानि आलादा आलादा थि दिन्थिग्रा दाजाबदा सोदोब बाहायनाय गैया।

7. असमियआ रावाव बबेबा बबेबा थि दिन्थिग्रा दाजाबदा सोदोबफोरनि गेजेराव फिसानि बिथिङाव फिसासिन उन्दैनि बिथिङाव उन्दैसिन आरो इसेनि बिथिङाव इसेसिनखौ फोरमायनो थाखाय I-kon/ नि जायगायाव I-koni/,I-k^hon/ नि जायगायाव I-k^honi/,I-gos/ नि जायगायाव /-gosi/, I-sota/ नि जायगायाव I-soti/I-sola नि जागायाव I-solio/ आरो बेबादिनो बबेबा बबेबा थि दिन्थिग्रा दाजाबदानि बिथिङाव बाहायबावनायखौ नुनो मोनो। नाथाय बर रावाव बेबादि थि दिन्थिग्रा दाजाबदानि बाहायनायखौ नुनो मोन्नाय जाया।

8. बर’ रावाव (फालो) बे थि दिन्थिग्रा दाजाबदाखौ जिब-जुनार, दाउसिन-दाउलानि बिथिङाव बाहायो। बरज्नि बे मोनसेल’ थि दिन्थिग्रा दाजाबदाखौ जिब-जुनार, दाउसिन-दाउलानि बिथिङाव बाहायनायखौ नुनो मोनो। नाथाय असमिया रावाव जिबजुनार, दाउसिन-दाउलाखौ जवै दिन्थिनो थाखाय I-zak/, I-pal/ आरो I-got/ बेफोर बादि मोन्थाम थि दिन्थिग्रा दाजाबदाखौ मोननो हायो।