आयदा-3
3.0 बर’ रावनि थि दिन्थिग्रा दाजाबदानि सिनायथि आरो फोरमायथि:-
बर’ रावनि थि दिन्थिग्रा दाजाबदानि सिनायथि-
बर’ रावनि थि दिन्थिग्रा दाजाबदाया माबेबा मोनसे मुवा जिब-जुनारनि महर एबा दाथायखौ नायनानै थियै रान्नानै दिन्थियो। बेयो जेब्लाबो मुंमानि महरनि सायाव सोनारो। मुंखनो हायोदि थि दिन्थिग्रा दाजाबदाया हारसिङैब्ला जेबो बेसेन गैया। मुंमानि गोलाव गुसुं, गेदेर उन्दै, गोजौ गाहाय बायदिनि सायाव सोनारनानै गुबुन गुबुन थि दिन्थिग्रा दाजाबदाफोरखौ बाहायनाय जायो। थामहिनबा मुंमानि महरनि सायाव थि दिन्थिग्रा दाजाबदाफोरा सोनारो। थि दिन्थिग्रा दाजाबदाजोंजेब्लाबो बिसाना नांफानानै थायो।
बर’रावनि थि दिन्थिग्रा दाजाबदाया गाहायै बिसाननि सिगाङाव दाजाबजायो एबा बाहायजायो। थि दिन्थिग्रा दाजाबदाया माब्लाबा मुंमानि सिगाङाव आरो माब्लाबा उनाव जनायखौबो बर’ रावाव नुनो मोनो बेनि थि थामहिनबा गोरा खान्थि गैया।
बर’ रावनि थि दिन्थिग्रा दाजाबदानि फोरमायथि-
मख’जायोदि बर’रावनि थि दिन्थिग्रा दाजाबदानि फोरमायथि बायदियै बर’ रावनि थि दिन्थिग्रा दाजाबदाफोरा आखुथायनि बिथिंनिफ्राय गोथे महर (Bound morpheme)।
बर’रावनि थि दिन्थिग्रा दाजाबदाफोरखौ गाहायाव फारियै होलांनाय जाबाय-
गा – बोथि – मोजोम – खाव
गं – हालि – खान्दि – दर
मा – जरा – आवाय – गर
सा – दों – फाब – थ
फां – सुबा – बार – स
थाइ – हालदिंगा – सै – आखा
दा – खब’ – थों – जिख्लाब
बेदा – फं – फार – खं
थोब – फालो – थर – खब
सान – दाब – थं – दैगा
गरद – बायगा – आथि – बजा
मोथि – दाय – खुंगा – मु
थार – जखाय – दोलो/हान्जा – फान
खर – दरब्ला – आनथोर – गसा
मुथा – खेब – फाय – गायना
दै – बिया – थखा – जाब
आसि – फारि – सारि/लारि – सर
जान – साथा – गुर
बेफोरनि अनगायैबो मख’नो हायोदि बर’रावाव से 1) बिसाननि बेलायाव (फा-) बे थि दिन्थिग्रा दाजाबदाखौ बाहायनाय जायो। मुंख’नो हायोदि बे (फा) थि दिन्थिग्राखौ लाफानानै गासै मोन 72 थि दिन्थिग्रा दाजाबदाफोरनि अनगायैबो बर’रावाव गोबां थि दिन्थिग्रा दाजाबदाफोर मोनबावनो हायो बेनि थि खाखानाय गैया। गोसो जायोब्लानो बांहोलांबाय थानो हायो।
3.1 असमिया रावनि थि दिन्थिग्रा दाजाबदानि सिनायथि आरो फोरमायथि:-
असमिया रावनि थि दिन्थिग्रा दाजाबदानि सिनायथि-
असमिया रावनि थि दिन्थिग्रा दाजाबदाफोरनि बबेबा मुवा एबा आयजेंफोरनि महर, अरथाय, अनजिमा,जिब-जुनार एबा दाथायखौ नायनानै थियै दिन्थिना होयो। बेफोर जेब्लाबो मुंमानि महरनि सायाव सोनारो। मुंमानि बायदि बायदि महरफोरनि सायाव सोनारनानै गुबुन गुबुन थि दिन्थिग्रा दाजाबदाखौ दाजाबफानाय जायो। मानोना मुंमानि महरनि सायावसो थि दिन्थिग्रा दाजाबदाफोरा सोनारो। थि दिन्थिग्रा दाजाबदाजों जेब्लाबो बिसाना सिथाबनानै थाफायो। थि दिन्थिग्रा दाजाबदाफोरा हारसिङैब्ला जेबो बेसेन गैया एबा ओंथि गैया।
असमिया रावनि थि दिन्थिग्रा दाजाबदाया गाहायै बिसाननि उनावसो बाहाय जायो। असमिया रावावबो थि दिन्थिग्रा दाजाबदाया मुंमा सोदोब, अनजिमा सोदोबनि सिगाङाव एबा उनावबो बाहायजानो हायो, बेनि थाखाय थि तामहिनबा गोरा खान्थि गैया। असमिया रावनि थि दिन्थिग्रा दाजाबदाखौ गोसो जायोब्लानो बांहोलांबाय थानो हानायनि खाबु दं। जायनि थाखाय ति दिन्थिग्रा दाजाबदानि अनजिमाखौ थि सिमा होनानै दिन्थिनो हानाय जाया।
असमिया रावनि थि दिन्थिग्रा दाजाबदानि फोरमायथि:-
असमिया रावनि थि दिन्थिग्रा दाजाबदानि फोरमायथि बादियै असमिया रावनि थि दिन्थिग्रा दाजाबदाफोरा आखुथायनि बिथिंनिफ्राय गोथे महर (Bound morpheme) होन्नानै बुंजायो।
असमिया रावनि थि दिन्थिग्रा दाजाबदाफोरखौगाहायाव फारियै होलांनाय जाबाय-
-zor -pat -akhi -køtha
-køn -kasoli -kura -kosa
-khøn -khini -khila -gøs
-gøraki -søta – ghøti -ghør
-søkøl -sølu -søpøra -sømka
søla -salu -sab -sam
-sira – silim – seleka -hal
-hali -sua – -zon -zoni
-zauri -zak -zuka -zopa
-to -tar -tukura -topa
-døra -dal -dukhor -thdn
-thoka -thopa -dol -dona
-dhar -dhoka -pab -pah
-pal -pod -phaki -phera
-bhar -dhoka -pab -pah
-pal -pød -phaki -phar
-bhag -mutha -loda -khar
-kaz -hut -got.
असमिया रावाव बेफोरनि अनगायैबो से (1) बिसाननि बेलायाव /-Khøn/ बे थि दिन्थिग्रा दाजाबदाया बाहाय जायो। बेयाव बिसान थाखोमाना थायो।
असमिया रावावबो बेफोर मोन 64 थि दिन्थिग्रा दाजाबदाफोरनि अनगायैबो असमिया रावाव गोबांथि दिन्थिग्रा दाजाबदाफोर मोनबावनो हायो। बेनि जेबो थि खाखानाय अनजिमा गैया गोसोब्लानो बांहोलांबाय थानायनि खाबु दं।